29
1 ⴰⵥⴻⵀⵀⴻⴷ ⵏ ⴷⴰⵡⵓⴷ. ⵡⵛⴻⵎ ⵉ ⵙⵉⴷⵉ, ⴰⵔⵔⴰⵡ ⵏ ⴰⵔⴻⴱⴱⵉ,
ⵡⵛⴻⵎ ⵉ ⵙⵉⴷⵉ ⴰⵄⵓⴵⵉ ⴷ ⵜⵥⴻⵎⵎⴰⵔ. ■
2 ⵡⵛⴻⵎ ⵉ ⵙⵉⴷⵉ ⴰⵄⵓⴵⵉ ⵏ ⵢⵉⵙⴻⵎ ⵏⵏⴻⵙ,
ⵙⴻⵊⴷⴻⵎ ⵉ ⵙⵉⴷⵉ ⵙ ⵓⵛⴻⵡⵡⴰⵔ ⵉⵇⴻⴷⴷⵙⴻⵏ.
3 ⵜⵎⵉⵊⵊⴰ ⵏ ⵙⵉⴷⵉ ⵜⴻⴷⴷⴰⵔⴹⴻⵃ ⵜⵉⵡⴰ ⵉ ⵡⴰⵎⴰⵏ,
ⴰⵔⴻⴱⴱⵉ ⵏ ⵓⵄⵓⴵⵉ ⵉⵙⵙⵀⴻⵎⵀⴻⵎ,
ⵙⵉⴷⵉ, ⵅ ⵡⴰⵎⴰⵏ ⴰⵟⵟⴰⵙ. ■
4 ⵜⵎⵉⵊⵊⴰ ⵏ ⵙⵉⴷⵉ ⵜⴻⵛⵛⵓⵔ ⵙ ⵊⵊⴻⵀⴷ,
ⵜⵎⵉⵊⵊⴰ ⵏ ⵙⵉⴷⵉ ⵜⴻⵛⵛⵓⵔ ⵙ ⵍⵄⴻⵥⵥ.
5 ⵜⵎⵉⵊⵊⴰ ⵏ ⵙⵉⴷⵉ ⵜᵉⵜⵜⴰⵔⴻⵥⵥⴰ ⵜⵉⵛⴻⵊⵊⵓⵔⴰ ⵏ ⵜⵏⴻⴳⵍⵉⵏ,
ⵙⵉⴷⵉ ⵉⵜⵜⴰⵔⴻⵥⵥⴰ ⵜⵉⵏⴻⴳⵍⵉⵏ ⵏ ⵍⵓⴱⵏⴰⵏ.
6 ⵢⴰⵔⵔⴰ ⵉ-ⵜⴻⵏ ⴰⴷ ⵏⴻⴳⵥⴻⵏ ⴰⵎⴻⵛⵏⴰⵡ ⴰⵢⴻⵏⴷⵓⵥ,
ⴰⴷⵔⴰⵔ ⵏ ⵍⵓⴱⵏⴰⵏ ⴷ ⵡⴻⴷⵔⴰⵔ ⵏ ⵙⵉⵔⵢⵓⵏ ⴰⵎⴻⵛⵏⴰⵡ ⴰⵎⴻⵥⵢⴰⵏ ⵏ ⵓⴼⵓⵏⴰⵙ ⵏ ⵍⴻⵅⵍⴰ. □
7 ⵜⵎⵉⵊⵊⴰ ⵏ ⵙⵉⴷⵉ ⵜⵏⴻⵇⵇⴻⵛ ⵉⵛⴻⵄⵄⴰⵍⴻⵏ ⵏ ⵜⵎⴻⵙⵙⵉ.
8 ⵜⵎⵉⵊⵊⴰ ⵏ ⵙⵉⴷⵉ ⵜⴰⵔⵔⴰ ⵍⴻⵅⵍⴰ ⵉⵜⵜⴰⵔⵊⵉⵊⵉ,
ⵙⵉⴷⵉ ⵢⴰⵔⵔⴰ ⵍⴻⵅⵍⴰ ⵏ ⵇⴰⴷⴰⵛ ⵉⵜⵜⴰⵔⵊⵉⵊⵉ.
9 ⵜⵎⵉⵊⵊⴰ ⵏ ⵙⵉⴷⵉ ⵜⴰⵔⵔⴰ ⵜⵓⴷⴰⴷⵉⵏ ⵜⵜⴰⵔⵡⴻⵏⵜ,
ⵏⴻⵜⵜⴰ ⵉⵜⵜⵄⴰⵔⵔⴰ ⵉⵥⴻⵖⵔⴰⵏ,
ⵎⴰⵛⴰ ⴷⵉ ⵣⵥⴰⵡⴻⵛⵜ ⵏⵏⴻⵙ ⵜⴰⵎⴻⵇⵇⵔⴰⵏⵜ ⵎⴰⵔⵔⴰ ⵜⴻⵙⵙⴰⵡⴰⵍ ⵅ ⵓⵄⵓⴵⵉ ⵏⵏⴻⵙ.
10 ⵙⵉⴷⵉ ⵜⵓⵖⴰ ⵉⵜⵜⵖⵉⵎⴰ ⴰⵎ ⵍⵇⴰⴹⵉ ⵖⴰⵔ ⵙⵙⴻⵃⵍⴻⵜ ⵏ ⵡⴰⵎⴰⵏ,
ⵙⵉⴷⵉ ⵉⵜⵜⵖⵉⵎⴰ ⴰⵎ ⵓⵊⴻⴵⵉⴷ ⵉ ⵍⴻⴱⴷⴰ. □
11 ⵙⵉⴷⵉ ⴰⴷ ⵉⵡⵛ ⵊⵊⴻⵀⴷ ⵉ ⵍⴳⴻⵏⵙ ⵏⵏⴻⵙ,
ⵙⵉⴷⵉ ⴰⴷ ⵉⴱⴰⵔⴻⴽ ⵍⴳⴻⵏⵙ ⵏⵏⴻⵙ ⵙ ⵍⴻⵀⵏⴰ.