1 ⴰⵥⴻⵀⵀⴻⴷ ⵏ ⴷⴰⵡⵓⴷ.

ⴰⵖ ⴰⵢⵉ ⵜⴰⵙⵖⴰⵔⵜ ⵉⵏⵓ, ⴰ ⵙⵉⴷⵉ,

ⵎⴰⵖⴰⵔ ⴳⴳⵓⵔⴻⵖ ⴷⵉ ⵍⴻⵚⴼⴰⵢⴻⵜ ⵉⵏⵓ.

ⵏⴻⵛⵛ ⵜⵜⴻⵛⵍⴻⵖ ⵅ ⵙⵉⴷⵉ,

ⵡⴰⵔ ⵜⵜⴻⴼⵔⵉⵖⴻⵖ ⵛⴰ. ^■  

2 ⵇⴻⴵⴻⴱ ⴰⵢⵉ, ⴰ ⵙⵉⴷⵉ, ⵊⴰⵔⵔⴻⴱ ⴰⵢⵉ,

ⵙⴻⵚⴼⴰ ⵜⵉⵥⵥⴰⵍ ⵉⵏⵓ ⴷ ⵡⵓⵍ ⵉⵏⵓ. ^□  

3 ⵎⵉⵏⵥⵉ ⵜⴰⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ ⴰⵇⴰ-ⵜⵜ ⵥⵥⴰⵜ ⵉ ⵜⵉⵟⵟⴰⵡⵉⵏ ⵉⵏⵓ,

ⵏⴻⵛⵛ ⴳⴳⵓⵔⴻⵖ ⴷⵉ ⵜⵉⴷⴻⵜⵜ ⵏⵏⴻⴽ.

4 ⵏⴻⵛⵛ ⵡⴰⵔ ⵜⵜⵖⵉⵎⵉⵖ ⴰⴽ-ⴷ ⵉⵔⵢⴰⵥⴻⵏ ⵡⴰⵔ ⵉⵙⴻⴽⴽⵡⵉⵏ,

ⵡⴰⵔ ⵜⵜⵎⵓⵏⴻⵖ ⴰⴽ-ⴷ ⵢⴻⵏⵏⵉ ⵉⵛⴻⵎⵎⵜⴻⵏ. ^■  

5 ⵏⴻⵛⵛ ⵛⴰⵔⵔⵀⴻⵖ ⴰⴳⵔⴰⵡ ⵏ ⵜⴰⵔⵡⴰ ⵏ ⵍⴻⵀⵔⴰⵎ,

ⵡⴰⵔ ⵜⵜⵖⵉⵎⵉⵖ ⴰⴽ-ⴷ ⵉⵄⴻⴼⴼⴰⵏⴻⵏ.

6 ⵏⴻⵛⵛ ⵙⵙⵉⵔⵉⴷⴻⵖ ⵉⴼⴰⵙⵙⴻⵏ ⵉⵏⵓ ⴰⵎ ⵡⴰⵔ ⴷⴰⵢⵉ ⵍⵄⵉⴱ,

ⵜⵜⴻⵏⵏⴹⴻⵖ ⵉ ⵓⵄⴰⵍⵟⴰⵔ ⵏⵏⴻⴽ, ⵍⵎⴻⴷⴱⴻⵃ ⵏⵏⴻⴽ ⵏ ⵡⴻⵛⵎⴰⴹ, ⴰ ⵙⵉⴷⵉ,

7 ⵎⴰⵃⴻⵏⴷ ⴰⴷ ⴳⴳⴻⵖ ⴰⴷ ⵙⵍⴻⵏ ⵉ ⵜⵎⵉⵊⵊⴰ ⵜⴻⵛⵛⵓⵔ ⵙ ⵓⵇⴰⴷⵉ,

ⵎⴰⵃⴻⵏⴷ ⴰⴷ ⴱⴰⵔⵔⵃⴻⵖ ⵙ ⵎⴰⵔⵔⴰ ⵍⵎⵓⵄⵊⵉⵥⴰⵜ ⵏⵏⴻⴽ.

8 ⴰ ⵙⵉⴷⵉ, ⵏⴻⵛⵛ ⵜⵜⴻⵅⵙⴻⵖ ⵜⵥⴻⴷⴷⵉⵖⵜ ⵏ ⵜⴰⴷⴷⴰⵔⵜ ⵏⵏⴻⴽ,

ⵓⵍⴰ ⴷ ⴰⵎⵛⴰⵏ ⵏ ⵜⵥⴻⴷⴷⵉⵖⵜ ⵏ ⵓⵄⵓⴵⵉ ⵏⵏⴻⴽ.

9 ⵡⴰⵔ ⵙⵎⵓⵏⴰ ⵍⴻⵄⵎⴰⵔ ⵉⵏⵓ ⴰⴽ-ⴷ ⵉⵎⴻⴷⵏⴰⴱ,

ⵓⵍⴰ ⴷ ⵜⵓⴷⴰⵔⵜ ⵉⵏⵓ ⵖⴰⵔ ⵉⵔⵢⴰⵥⴻⵏ ⵉ ⵉⵙⵙⴰⵥⵥⴰⵍⴻⵏ ⵉⴷⴰⵎⵎⴻⵏ.

10 ⵉⵏⵏⵉ ⵖⴰⵔ ⵉⴵⴰ ⵉⴼⴰⵙⵙⴻⵏ ⵛⵛⵓⵔⴻⵏ ⵙ ⵜⵓⵄⴻⴼⴼⵏⴰ,

ⴰⴼⵓⵙ ⵏⵙⴻⵏ ⴰⴼⵓⵙⵉ ⵉⵛⵛⵓⵔ ⵙ ⵍⵖⴻⵛⵛ.

11 ⵏⴻⵛⵛ ⴳⴳⵓⵔⴻⵖ ⴷⵉ ⵍⴻⵚⴼⴰⵢⴻⵜ ⵉⵏⵓ,

ⴼⴷⵉ ⴰⵢⵉ ⵓ ⵃⵉⵏⵏ ⵅⴰⴼⵉ.

12 ⴰⴹⴰⵔ ⵉⵏⵓ ⵉⴱⴻⴷⴷ ⵅ ⵜⴻⵎⵎⵓⵔⵜ ⵉⵡⴰⵟⴰⵏ.

ⵏⴻⵛⵛ ⴰⴷ ⴱⴰⵔⴽⴻⵖ ⵙⵉⴷⵉ ⴷⵉ ⵜⵎⴻⵙⵎⵓⵏⵉⵏ.