1 ⴰⵥⴻⵀⵀⴻⴷ ⵏ ⴷⴰⵡⵓⴷ.

ⵉ ⵙⵉⴷⵉ ⵜⴻⴵⴰ ⵜⴻⵎⵎⵓⵔⵜ ⴷ ⵓⵄⴻⵎⵎⴰⵔ ⵏⵏⴻⵙ,

ⴷⴷⵓⵏⵉⵜ ⴷ ⵉⵎⴻⵥⴷⴰⵖ ⵏⵏⴻⵙ. ^■  

2 ⵎⴰⵖⴰⵔ ⵏⴻⵜⵜⴰ ⵉⵙⵙⴰⵔⵙ ⴷⵙⴰⵙ ⵏⵏⴻⵙ ⵅ ⵍⴻⴱⵃⵓⵔ,

ⵉⵙⵙᵉⵎⵜⴻⵏ ⵉ-ⵜⵜ ⵅ ⵙⵙⴻⵃⵍⴰⵜ.

3 ⵡⵉ ⵉⵥⴻⵎⵎⴰⵔⴻⵏ ⴰⴷ ⵉⴳⴻⵄⵄⴻⴷ ⴰⴷⵔⴰⵔ ⵏ ⵙⵉⴷⵉ,

ⵡⵉ ⵉⵥⴻⵎⵎⴰⵔⴻⵏ ⴰⴷ ⵉⴱⴻⴷⴷ ⵅ ⵡⴻⵎⵛⴰⵏ ⵏⵏⴻⵙ ⵉⵇⴻⴷⴷⵙⴻⵏ? ^■  

4 ⵡⴻⵏⵏⵉ ⵖⴰⵔ ⵉⴵⴰ ⵉⴼⴰⵙⵙⴻⵏ ⵉⵎⴻⵥⴷⴰⴳⴻⵏ ⴷ ⵡⵓⵍ ⵉⵚⴼⴰ,

ⵡⴻⵏⵏⵉ ⵡⴰⵔ ⴷⴷ-ⵉⵜⵜⴰⵔⵔⵉ ⵍⴻⵄⵎⴰⵔ ⵏⵏⴻⵙ ⵅ ⵎⵉⵏ ⵉⴼⴻⵏⵏⴰⵏ,

ⵡⴰⵔ ⵉⵜⵜⵊⵊⴰⴵⴰ ⵥⵓⵔ,

5 ⴷ ⵏⴻⵜⵜⴰ ⴰⴷ ⵉⴽⵙⵉ ⵍⴱⴰⵔⴰⴽⴰ ⵥⵉ ⵙⵉⴷⵉ,

ⵓⵍⴰ ⴷ ⵜⴰⵙⴻⴳⴷⴰ ⵥⵉ ⴰⵔⴻⴱⴱⵉ ⵏ ⵓⵙⴻⵏⵊⴻⵎ ⵏⵏⴻⵙ.

6 ⴷ ⵡⴰ ⴷ ⵊⵊⵉⵍ ⵏ ⵢⵉⵏⵏⵉ ⵅⴰⵙ ⵢⴰⵔⴻⵥⵥⵓⵏ,

ⵉⵏⵏⵉ ⵢⴰⵔⴻⵥⵥⵓⵏ ⵅ ⵡⵓⴷⴻⵎ ⵏⵏⴻⴽ, ⴰⵇⴰ-ⵜ ⴷ ⵢⴰⵄⵇⵓⴱ. ⵙⵉⵍⴰⵀ.

7 ⵙⴳⴻⵄⵄⴷⴻⵏⵜ ⵉⵥⴻⴵⵉⴼⴻⵏ ⵏⵡⴻⵎ, ⴰ ⵜⵉⵡⵡⵓⵔⴰ,

ⵙⴳⴻⵄⵄⴷⴻⵏⵜ ⵉⵅⴻⴼ ⵏⴽⴻⵏⵜ, ⴰ ⵜⵉⵡⵡⵓⵔⴰ ⵏ ⵍⴻⴱⴷⴰ,

ⵃⵉⵎⴰ ⴰⴷ ⵢⴰⴷⴻⴼ ⵓⵊⴻⴵⵉⴷ ⵏ ⵓⵄⵓⴵⵉ!

8 ⵎⴰⵏ ⵡⴻⵏ ⵉ ⵉⴵⴰⵏ ⴷ ⴰⵊⴻⴵⵉⴷ ⵏ ⵓⵄⵓⴵⵉ?

ⴷ ⵙⵉⴷⵉ, ⵉⵊⵀⴻⴷ ⵉⵊⴻⴱⴱⴰⵔ,

ⵙⵉⴷⵉ ⴰⵇⴰ-ⵜ ⴷ ⴰⵊⴻⴱⴱⴰⵔ ⴷⴻⴳ ⵓⵎⴻⵏⵖⵉ.

9 ⵙⴳⴻⵄⵄⴷⴻⵏⵜ ⵉⵥⴻⴵⵉⴼⴻⵏ ⵏⴽⴻⵏⵜ, ⴰ ⵜⵉⵡⵡⵓⵔⴰ,

ⵙⴳⴻⵄⵄⴷⴻⵏⵜ ⵉⵅⴻⴼ ⵏⴽⴻⵏⵜ, ⴰ ⵜⵉⵡⵡⵓⵔⴰ ⵏ ⵍⴻⴱⴷⴰ,

ⵃⵉⵎⴰ ⴰⴷ ⵢⴰⴷⴻⴼ ⵓⵊⴻⴵⵉⴷ ⵏ ⵓⵄⵓⴵⵉ!

10 ⵎⵉⵏ ⵉⵄⵏⴰ ⵏⴻⵜⵜⴰ, ⴰⵊⴻⴵⵉⴷ-ⴰ ⵏ ⵓⵄⵓⴵⵉ?

ⵙⵉⴷⵉ ⵏ ⵍⵄⴻⵙⴽⴰⵔⴰⵜ ⴷ ⵏⴻⵜⵜⴰ ⴷ ⴰⵊⴻⴵⵉⴷ ⵏ ⵓⵄⵓⴵⵉ. ⵙⵉⵍⴰⵀ.