1 ⴰⵥⴻⵀⵀⴻⴷ ⵏ ⴷⴰⵡⵓⴷ.

ⵙⵉⴷⵉ ⴷ ⴰⵎⴻⴽⵙⴰ ⵉⵏⵓ, ⵡⴰⵔ ⵅⴰⴼⵉ ⵉⵜⵜⴻⴽⴽ ⵛⴰ ⵥⵥⵄⴰⴼ. ^■  

2 ⵏⴻⵜⵜⴰ ⵉⵙⵙⴰⵔⴻⵢⵢⴰⵃ ⴰⵢⵉ ⴷⵉ ⴷⴷⵎⴰⵏⵉ ⵏ ⵜⴰⵔⴻⵡⵙⴰ ⵉⵥⵉⵥⴰⵡⴻⵏ,

ⵉⵏⴻⴷⴷⴻⵀ ⴰⵢⵉ ⵖⴰⵔ ⵡⴰⵎⴰⵏ ⵢⴰⵔⵙⴰⵏ.

3 ⵏⴻⵜⵜⴰ ⵉⵙⵙⴼⴰⵇⴰ ⵍⴻⵄⵎⴰⵔ ⵉⵏⵓ,

ⵉⵏⴻⴷⴷⴻⵀ ⴰⵢⵉ ⴷⵉ ⵍⴰⵜⴰⵔ ⵏ ⵜⵙⴻⴳⴷⴰ ⴷⵉ ⵟⵟⵡⴻⵄ ⵏ ⵢⵉⵙⴻⵎ ⵏⵏⴻⵙ.

4 ⵡⴰⵅⵅⴰ ⴳⴳⵓⵔⴻⵖ ⴷⵉ ⵜⴻⵖⵥⵓⵔⵜ ⵏ ⵜⵉⵍⵉ ⵏ ⵍⵎⴻⵡⵜ,

ⵡⴰⵔ ⵜⵜⴻⴳⴳⵯⴷⴻⵖ ⵥⵉ ⵍⵖⴰⵔ, ⵎⴰⵖⴰⵔ ⵛⴻⴽ ⴰⴽⵉⴷⵉ.

ⴰⵄⴻⴽⴽⴰⵥ ⵏⵏⴻⴽ ⴷ ⵜⴰⵖⵖⴰⵔⵛⵜ ⵏⵏⴻⴽ ⵙⵙⴼⴻⵡⵡⴰⵊⴻⵏ ⵅⴰⴼⵉ. ^■  

5 ⵜⴻⵙⵙⵡⴻⵊⴰⴷⴻⴷ ⵟⵟⴰⴱⵍⴰ ⵉⵏⵓ ⵥⵥⴰⵜ ⵉ ⵡⵓⴷⴻⵎ ⵏ ⵢⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ.

ⵜⴷⴻⵀⵀⵏⴻⴷ ⴰⵥⴻⴵⵉⴼ ⵉⵏⵓ ⵙ ⵥⵥⴻⵛⵜ, ⵍⴽⴰⵙ ⵉⵏⵓ ⵉⴼⴻⵢⵢⴻⴹ.

6 ⵉⵡⴰ, ⵍⵅⵉⵔ ⴷ ⵜⵎⴻⵅⵙⵉⵡⵜ ⵉⵛⴻⵡⵡⴰⵔⴻⵏ ⴰⴷ ⴰⵢⵉ ⴹⴼⴰⵔⴻⵏ,

ⵎⴰⵔⵔⴰ ⵓⵙⵙⴰⵏ ⵏ ⵜⵓⴷⴰⵔⵜ ⵉⵏⵓ,

ⵏⴻⵛⵛ ⴰⴷ ⵇⵇⵉⵎⴻⵖ ⴷⵉ ⵜⴰⴷⴷⴰⵔⵜ ⵏ ⵙⵉⴷⵉ,

ⴰⵍ ⴰⵏⴻⴳⴳⴰⵔ ⵏ ⵡⵓⵙⵙⴰⵏ.