22
1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ, ⵙ ⵜⴻⵖⵏⵉⵏⵜ ⵏ ‘ⵜⵓⴷⴰⴷⵜ ⵏ ⵜⵓⴼⴼⵓⵜ’. ⴰⵥⴻⵀⵀⴻⴷ ⵏ ⴷⴰⵡⵓⴷ. 2 ⴰⵔⴻⴱⴱⵉ ⵉⵏⵓ, ⴰⵔⴻⴱⴱⵉ ⵉⵏⵓ, ⵎⴰⵢⴻⵎⵎⵉ ⵉ ⴷ ⴰⵢⵉ ⵜⴻⵊⵊⵉⴷ?
ⵣⵉ ⵍⴰⴳⴳⵯⴰⵊ ⵉ ⵜⴻⴵⵉⴷ ⵥⴻⴳ ⵓⵙⴻⵏⵊⴻⵎ ⵉⵏⵓ,
ⵥⴻⴳ ⵡⴰⵡⴰⵍⴻⵏ ⵉ ⵙⵖⵓⵢⵢⵓⵖ ⴰⵎ ⵡⴻⵢⵔⴰⴷ. ■
3 ⴰ ⴰⵔⴻⴱⴱⵉ ⵉⵏⵓ, ⵍⴰⵖⵉⵖ ⴷⴻⴳ ⵡⴰⵙⵙ, ⵎⴰⵛⴰ ⵛⴻⴽ ⵡⴰⵔ ⵅⴰⴼⵉ ⴷⴷ-ⵜⴰⵔⵔⵉⴷ ⵛⴰ,
ⵙ ⴵⵉⵍⴻⵜ, ⵎⴰⵛⴰ ⵏⴻⵛⵛ ⵡⴰⵔ ⵓⴼⵉⵖ ⴰⵔⵔⴰⵃⴻⵜ.
4 ⵛⴻⴽ ⴷ ⴰⵎⵇⴻⴷⴷⴻⵙ ⵉ ⵜⴻⴵⵉⴷ, ⵜⵥⴻⴷⴷⵖⴻⴷ ⴷⵉ ⵍⵡⴻⵙⵜ ⵏ ⵉⵥⵍⴰⵏ ⵏ ⵓⵚⴻⴱⴱⴻⵃ ⵏ ⵉⵙⵔⴰⵉⵍ.
5 ⵜⵜⴻⵛⵍⴻⵏ ⵅⴰⴽ ⵍⴻⵊⴷⵓⴷ ⵏⵏⴻⵖ,
ⵜⵓⵖⴰ ⵜⵜⴻⵛⵍⴻⵏ ⵓ ⵛⴻⴽ ⵜⴰⵔⵔⵉⴷ ⵜⴻⵏ ⴰⴷ ⵏⴻⵊⵎⴻⵏ.
6 ⵏⵉⵜⵏⵉ ⵙⵖⵓⵢⵢⴻⵏ-ⴷⴷ ⵖⴰⵔⴻⴽ ⵓⵛⴰ ⵜⵜⵡⴰⵙⵏⴻⵊⵎⴻⵏ,
ⵜⵓⵖⴰ ⵜⵜⴻⵛⵍⴻⵏ ⵅⴰⴽ ⵓ ⵡⴰⵔ ⵏⵏⵃⴻⵛⵎⴻⵏ ⵛⴰ. ■
7 ⵏⴻⵛⵛ ⴷ ⵉⵛⵜ ⵏ ⵜⴽⴻⵛⵛⴰ, ⵡⴰⵔ ⵉⴵⵉ ⴷ ⴰⵔⵢⴰⵥ,
ⵏⴻⵛⵛ ⴷ ⵍⵃⴻⴳⵔⴰ ⵏ ⵉⵡⴷⴰⵏ, ⵜⵜⵡⴰⵙⴻⵃⵇⴰⵔⴻⵖ ⵊⴰⵔ ⵍⴳⴻⵏⵙ. □
8 ⵎⴰⵔⵔⴰ ⵉⵏⵏⵉ ⴷ ⴰⵢⵉ ⵉⵥⵔⵉⵏ, ⵙⵜⴻⵀⵥⴰⵏ ⵥⵥⴰⵢⵉ,
ⴰⵔⵥⵎⴻⵏ ⵉⵢⴻⵏⵛⵉⵛⴻⵏ ⵏⵙⴻⵏ, ⵙⵙⴻⵏⵀⴻⵥⵥⴰⵏ ⴰⵥⴻⴵⵉⴼ. ■
9 ⵇⵇⴰⵔⴻⵏ: “ⵙⴻⵄⴷⵓ ⵜ ⵅ ⵙⵉⴷⵉ,
ⴻⵊⵊ ⵡⴰⵏⵉⵜⴰ ⴰⴷ ⵜ ⵉⴼⴻⴽⴽ, ⴰⴷ ⵜ ⵉⵙⵙⴻⵏⵊⴻⵎ,
ⵎⴰⵖⴰⵔ ⵏⴻⵜⵜⴰ ⵢⴰⵔⴹⴰ ⵅⴰⵙ.” ■
10 ⵎⵉⵏⵥⵉ ⵛⴻⴽ ⵜⵊⴻⴱⴱⴷⴻⴷ ⴰⵢⵉ-ⴷⴷ ⵥⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰ,
ⵛⴻⴽ ⵜⴰⵔⵔⵉⴷ ⴰⵢⵉ ⴷⵉ ⵍⴰⵎⴰⵏ ⵅ ⵡⴰⴱⴱⵓⵛⴻⵏ ⵏ ⵢⴻⵎⵎⴰ.
11 ⵣⵉ ⵍⴻⵎⵔⴰⵡⴻⵜ ⵜⵜⵡⴰⵎⵎⴻⵏⴹⴰⵔⴻⵖ ⵅⴰⴽ,
ⵥⴻⴳ ⵓⵄⴻⴷⴷⵉⵙ ⵏ ⵢⴻⵎⵎⴰ ⴰⵇⴰ ⵛⴻⴽ ⴷ ⴰⵔⴻⴱⴱⵉ ⵉⵏⵓ.
12 ⵡⴰⵔ ⵜⵜⵖⵉⵎⵉ ⴱⵓ ⵖⴰⵔ ⵍⴰⴳⴳⵯⴰⵊ ⵥⵥⴰⵢⵉ,
ⵎⴰⵖⴰⵔ ⵍⴻⵃⵚⴰⵔⴻⵜ ⵜⵓⴷⴻⵙ ⵓ ⵡⴰⵔ ⴷⵉⵏ ⵛⴰ ⴰⵎⵄⴰⵡⴰⵏ.
13 ⴰⵟⵟⴰⵙ ⵏ ⵉⵢⴻⵏⴷⵓⵥⴻⵏ ⵏⵏⴹⴻⵏ ⴰⵢⵉ-ⴷⴷ,
ⵉⴼⵓⵏⴰⵙⴻⵏ ⵏ ⵍⴻⵅⵍⴰ ⵉⵊⴻⵀⴷⴻⵏ ⵥⵉ ⴱⴰⵛⴰⵏ ⵇⵓⵡⵡⴰⵔⴻⵏ ⴰⵢⵉ-ⴷⴷ, □
14 ⴰⵔⵥⵎⴻⵏ-ⴷⴷ ⵖⴰⵔⵉ ⴰⵇⴻⵎⵎⵓⵎ ⵏⵙⴻⵏ
ⴰⵎⴻⵛⵏⴰⵡ ⵉⵊⵊ ⵏ ⵡⴻⵢⵔⴰⴷ ⵉⵜⵜⵎⴻⵥⵥⴰⵇⴻⵏ, ⵉⵥⴻⵀⵀⴰⵔⴻⵏ.
15 ⵏⴻⵛⵛ ⵜⵜⵡⴰⴼⴰⵔⵔⵖⴻⵖ ⴰⵎ ⵡⴰⵎⴰⵏ ⵓ ⵎⴰⵔⵔⴰ ⵉⵅⵙⴰⵏ ⵉⵏⵓ ⵜⵜⵡⴰⵎⵎⵙⴻⴱⴹⴰⵏ.
ⵓⵍ ⵉⵏⵓ ⴰⵎ ⵛⵛⵎⴻⵄ, ⴰⵇⴰ ⵉⴼⵙⵉ ⴷⴰⵅⴻⵍ ⵉⵏⵓ.
16 ⵊⵊⴻⵀⴷ ⵉⵏⵓ ⵢⵓⵥⴻⵖ ⴰⵎ ⵉⵊⵊ ⵏ ⵓⵛⴻⴵⵉⵇ ⵏ ⵉⵛⵜ ⵏ ⵜⵇⴻⴷⴷⵓⵃⵜ,
ⵉⵍⴻⵙ ⵉⵏⵓ ⵉⵍⵚⴻⵇ ⵖⴰⵔ ⵡⴰⵏⴻⵖ ⵉⵏⵓ.
ⵛⴻⴽ ⵜⴻⵙⵙⴰⵔⵙⴻⴷ ⴰⵢⵉ ⴷⵉ ⵜⵄⴻⵊⵊⴰⵊⵜ ⵏ ⵍⵎⴻⵡⵜ.
17 ⵎⴰⵖⴰⵔ ⵉⵟⴰⵏ ⵏⵏⴹⴻⵏ ⴰⵢⵉ-ⴷⴷ,
ⵉⵛⵜ ⵏ ⴱⴰⵏⴷⵉⵢⵢⴰ ⵏ ⵜⴰⵔⵡⴰ ⵏ ⵍⴻⵃⵔⴰⵎ ⵇⵓⵡⵡⴰⵔⴻⵏ ⴰⵢⵉ-ⴷⴷ,
ⴰⵇⴰ ⴰⵎⴻⵛⵏⴰⵡ ⴰⵢⵔⴰⴷ ⵉⴼⴰⵙⵙⴻⵏ ⴷ ⵉⴹⴰⵔⴻⵏ ⵉⵏⵓ. □ ■
18 ⵣⴻⵎⵎⴰⵔⴻⵖ ⴰⴷ ⵃⴻⵙⴱⴻⵖ ⵎⴰⵔⵔⴰ ⵉⵅⵙⴰⵏ ⵉⵏⵓ,
ⵜⵜⵡⴰⵍⴰⵏ ⴰⵢⵉ ⵏⵉⵜⵏⵉ, ⵅⴻⵥⵥⴰⵔⴻⵏ-ⴷⴷ ⵖⴰⵔⵉ.
19 ⵏⵉⵜⵏⵉ ⴱⴹⴰⵏ ⴰⵔⵔⵓⴹ ⵉⵏⵓ ⵊⴰⵔ ⴰⵙⴻⵏ,
ⵓⵛⴰ ⵏⴹⴰⵔⴻⵏ ⵜⴰⵇⴻⴷⴷⵓⵃⵜ ⵅ ⵍⴻⵄⴱⴰⵢⴻⵜ ⵉⵏⵓ. ■
20 ⵛⴻⴽ, ⴰ ⵙⵉⴷⵉ, ⵡⴰⵔ ⵜⵜⵉⵍⵉ ⵖⴰⵔ ⵍⴰⴳⴳⵯⴰⵊ, ⴰ ⵊⵊⴻⵀⴷ ⵉⵏⵓ,
ⴰⵙ-ⴷⴷ ⴷⴻⵖⵢⴰ ⵃⵉⵎⴰ ⴰⴷ ⴰⵢⵉ ⵜⵄⴰⵡⵏⴻⴷ.
21 ⴼⴻⴽⴽ ⵍⴻⵄⵎⴰⵔ ⵉⵏⵓ ⵥⵉ ⵙⵙⵉⴼ,
ⴰⵢⴻⵏⵏⵉ ⵥⴻⴳ ⵓⵇⴻⵟⵟⴻⵙ ⵏ ⵡⴻⵇⵥⵉⵏ.
22 ⴼⴻⴽⴽ ⴰⵢⵉ ⵥⴻⴳ ⵓⵇⴻⵎⵎⵓⵎ ⵏ ⵡⴻⵢⵔⴰⴷ,
ⴼⴻⴽⴽ ⴰⵢⵉ ⵥⴻⴳ ⵡⴰⵛⵛⴰⵡⴻⵏ ⵏ ⵉⴼⵓⵏⴰⵙⴻⵏ ⵏ ⵍⴻⵅⵍⴰ! ⴰⵇⴰ ⵛⴻⴽ ⵜⴻⵙⵍⵉⴷ ⴰⵢⵉ.
23 ⴰⴷ ⴱⴰⵔⵔⵃⴻⵖ ⵉⵙⴻⵎ ⵏⵏⴻⴽ ⵉ ⵡⴰⵡⵎⴰⵜⴻⵏ ⵉⵏⵓ,
ⴰⴷ ⵅⴰⴽ ⵚⴻⴱⵃⴻⵖ ⴷⵉ ⵍⵡⴻⵙⵜ ⵏ ⵡⴻⴳⵔⴰⵡ ⵏ ⵍⴳⴻⵏⵙ. ■
24 ⴽⴻⵏⵏⵉⵡ, ⵉⵏⵏⵉ ⵉⵜⵜⴻⴳⴳⵯⴷⴻⵏ ⵙⵉⴷⵉ, ⵙⴻⵎⵖⴰⵔⴻⵎ ⵜ,
ⴰ ⴽⴻⵏⵏⵉⵡ, ⵎⴰⵔⵔⴰ ⵥⵥⴰⵔⵉⵄⴻⵜ ⵏ ⵢⴰⵄⵇⵓⴱ,
ⵙⵄⵓⴵⴻⵎ ⵜ ⵓ ⵡⴻⵇⵇⴰⵔⴻⵎ ⵜ,
ⴰ ⴽⴻⵏⵏⵉⵡ, ⵎⴰⵔⵔⴰ ⵥⵥⴰⵔⵉⵄⴻⵜ ⵏ ⵉⵙⵔⴰⵉⵍ,
25 ⵎⴰⵖⴰⵔ ⵏⴻⵜⵜⴰ ⵡⴰⵔ ⵉⵙⵙⴻⵃⵇⵉⵔ ⵛⴰ ⵍⴻⵃⵚⴰⵔⴻⵜ ⵏ ⵡⴻⵏⵏⵉ ⵉⵜⵜⵡⴰⵃⵚⴰⵔⴻⵏ, ⵡⴰⵔ ⵜⵜ ⵉⵄⵉⴼⴼ ⵛⴰ,
ⵡⴰⵔ ⵅⴰⵙ ⵉⵙⵙⵏⵓⴼⴼⴰⵔ ⵛⴰ ⵓⴷⴻⵎ ⵏⵏⴻⵙ,
ⵎⴰⵛⴰ ⵏⴻⵜⵜⴰ ⵉⵙⵍⴰ ⴰⵙ ⵎⴰⵍⴰ ⵉⵍⴰⵖⴰ ⴰⵙ-ⴷⴷ.
26 ⵣⵥⴰⵢⴻⴽ ⴰⴷ ⴷⴷ-ⵢⴰⵙ ⵓⵇⴰⴷⵉ ⵉⵏⵓ ⴷⴻⴳ ⵉⵊⵊ ⵏ ⵡⴻⴳⵔⴰⵡ ⵏ ⵍⴳⴻⵏⵙ ⴰⵎⴻⵇⵇⵔⴰⵏ,
ⴰⴷ ⴽⴻⵎⵎⵍⴻⵖ ⵍⵡⵓⵄⵓⴷ ⵉⵏⵓ ⵥⵥⴰⵜ ⵉ ⵢⴻⵏⵏⵉ ⵥⵥⴰⵢⴻⵙ ⵉⵜⵜⴻⴳⴳⵯⴻⴷⴻⵏ.
27 ⵉⵎⵡⴰⴹⵄⴻⵏ ⴰⴷ ⵛⵛⴻⵏ ⵓ ⴰⴷ ⵊⵊⵉⵡⵏⴻⵏ,
ⵉⵏⵏⵉ ⴰⵔⴻⵥⵥⵓⵏ ⵅ ⵙⵉⴷⵉ ⴰⴷ ⴰⵙ ⵚⴻⴱⴱⵃⴻⵏ,
ⵓⵍⴰⵡⴻⵏ ⵏⵙⴻⵏ ⴰⴷ ⴷⴷⴰⵔⴻⵏ ⵉ ⵍⴻⴱⴷⴰ.
28 ⵎⴰⵔⵔⴰ ⵜⵉⵏⴻⴳⴳⵓⵔⴰ ⵏ ⵜⴻⵎⵎⵓⵔⵜ ⴰⴷ ⵜ ⵉⴷⴰⵔⴻⵏⵜ,
ⴰⴷ ⴷⴷ-ⴷⴻⵡⵍⴻⵏ ⵖⴰⵔ ⵙⵉⴷⵉ,
ⵎⴰⵔⵔⴰ ⵍⴰⴵⴰⵜ ⵏ ⴷⴷⵓⵏⴻⵛⵜ ⴰⴷ ⴰⴹⴰⵔⴻⵏⵜ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ, ■
29 ⵎⵉⵏⵥⵉ ⵜⴰⴳⴻⵍⴷⵉⵜ ⵉ ⵙⵉⴷⵉ ⵉ ⵜⴻⴵⴰ,
ⵏⴻⵜⵜⴰ ⵉⵃⴻⴽⴽⴻⵎ ⵊⴰⵔ ⵍⴻⴳⵏⵓⵙ.
30 ⵎⴰⵔⵔⴰ ⵉⵏⵏⵉ ⵉⵚⴻⵃⵃⴻⵏ ⴷⵉ ⵜⴻⵎⵎⵓⵔⵜ ⴰⴷ ⵛⵛⴻⵏ ⴰⴷ ⵙⴻⵊⴷⴻⵏ,
ⵎⴰⵔⵔⴰ ⵉⵏⵏⵉ ⴷⴷ-ⵉⵀⴻⴽⴽⵡⴰⵏ ⴷⵉ ⵜⵄⴻⵊⵊⴰⵊⵜ ⴰⴷ ⴰⴹⴰⵔⴻⵏ ⵥⵥⴰⵜ ⵉ ⵡⵓⴷⴻⵎ ⵏⵏⴻⵙ,
ⴽⵓⵍ ⵉⵊⵊⴻⵏ ⵉ ⵡⴰⵔ ⵉⵥⴻⵎⵎⴰⵔⴻⵏ ⴰⴷ ⵉⵃⴹⴰ ⵍⴻⵄⵎⴰⵔ ⵏⵏⴻⵙ.
31 ⵣⵥⴰⵔⵉⵄⴻⵜ ⴰⴷ ⴰⵙ ⵜⵙⴻⵅⵅⴰⵔ,
ⴰⴷ ⵜᵉⵜⵜⵡⴰⵥⴻⵎⵎ ⴷ ⴰⵔⵔⴰⵡ ⵉ ⵙⵉⴷⵉ ⵉⵏⵓ.
32 ⴰⴷ ⴷⴷ-ⴰⵙⴻⵏ, ⴰⴷ ⴱⴰⵔⵔⵃⴻⵏ ⵜⴰⵙⴻⴳⴷⴰ ⵏⵏⴻⵙ ⵉ ⵢⵉⵊⵊ ⵏ ⵍⴳⴻⵏⵙ,
ⵡⴻⵏⵏⵉ ⵉ ⵖⴰ ⴷⴷ-ⵉⵜⵜⵡⴰⵅⴻⵍⵇⴻⵏ ⵎⴰⵖⴰⵔ ⵏⴻⵜⵜⴰ ⴰⵇⴰ ⵉⴳⴳⴰ ⵉ-ⵜⵜ. ■