1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵥⴻⵀⵀⴻⴷ ⵏ ⴷⴰⵡⵓⴷ.

2 ⴰⴷ ⵅⴰⴽ ⴷⴷ-ⵢⴰⵔⵔ ⵙⵉⴷⵉ ⴷⴻⴳ ⵡⴰⵙⵙ ⵏ ⵍⴻⵃⵚⴰⵔⴻⵜ,

ⴰⴷ ⵛⴻⴽ ⵉⵙⵙⵉⵥⴷⴻⵖ ⵉⵙⴻⵎ ⵏ ⴰⵔⴻⴱⴱⵉ ⵏ ⵢⴰⵄⵇⵓⴱ ⴷⴻⴳ ⵡⴻⵎⵛⴰⵏ ⵢⵓⵄⵍⴰⵏ ⵉⴼⴰⵔⵢⴻⵏ.

3 ⴰⴷ ⴰⵛ ⵉⵡⵛ ⴰⴼⵓⵙ ⵥⵉ ⵣⵥⴰⵡⴻⵛⵜ ⵉⵇⴻⴷⴷⵙⴻⵏ,

ⴰⴷ ⵛⴻⴽ ⴷⴷ-ⵉⵄⴰⵡⴻⵏ ⵥⵉ ⵚⵉⵀⵢⵓⵏ.

4 ⴰⴷ ⵛⴻⴽ ⵢⵉⴷⴰⵔ ⴷⵉ ⵜⴻⵡⵀⵉⴱⵉⵏ ⵏ ⵍⵖⵉⴵⴻⵜ ⵏⵏⴻⴽ,

ⴰⴷ ⵜⵉⵍⵉ ⵜⵖⴰⵔⵚⵜ ⵏ ⵡⴻⵛⵎⴰⴹ ⵏⵏⴻⴽ ⴰⵎⴻⵛⵏⴰⵡ ⵜⴰⴷⵓⵏⵜ ⵉ ⵏⴻⵜⵜⴰ. ⵙⵉⵍⴰⵀ.

5 ⴰⴷ ⴰⵛ ⵉⵡⵛ ⵄⵍⴰⵃⵙⴰⴱ ⵎⵉⵏ ⵉⵎⵎⴻⵥⵔⵉ ⵡⵓⵍ ⵏⵏⴻⴽ,

ⵓ ⴻⵊⵊ ⵉ-ⵜ ⴰⴷ ⵉⴽⴻⵎⵎⴻⵍ ⵎⴰⵔⵔⴰ ⵉⵏⵡⴰⵢⴻⵏ ⵏⵏⴻⴽ.

6 ⵏⴻⵛⵛⵉⵏ ⴰⴷ ⵏⴻⵙⵍⵉⵡⵍⴻⵡ ⵅ ⵓⵙⴻⵏⵊⴻⵎ ⵏⵏⴻⴽ,

ⴰⴷ ⵏⴻⵙⵙⵓⵄⵍⴰ ⵉⴱⴰⵏⴷⵓⵜⴻⵏ ⴷⴻⴳ ⵢⵉⵙⴻⵎ ⵏ ⴰⵔⴻⴱⴱⵉ.

ⴰⴷ ⵉⵙⵙⵊⵉⵡⴻⵏ ⵙⵉⴷⵉ ⵎⴰⵔⵔⴰ ⵎⴻⵥⵔⵉ ⵏⵏⴻⴽ.

7 ⵍⴻⵅⵅⵓ ⵙⵙⵏⴻⵖ, ⴰⵇⴰ ⵙⵉⴷⵉ ⴰⴷ ⵢⴰⵡⵉ ⴰⵙⴻⵏⵊⴻⵎ ⵉ ⵓⵎⴻⴷⵀⵓⵏ ⵏⵏⴻⵙ.

ⵏⴻⵜⵜⴰ ⴰⴷ ⵜ-ⵉ-ⴷⴷ-ⵢⴰⵔⵔ ⵥⴻⴳ ⵉⵊⴻⵏⵡⴰⵏ ⵏ ⵣⵥⴰⵡⴻⵛⵜ ⵏⵏⴻⵙ ⵉⵇⴻⴷⴷⵙⴻⵏ,

ⵙ ⵜⵎⴻⴳⴳⴰ ⵜⵉⵎⴻⵇⵇⵔⴰⵏⵉⵏ ⵏ ⵓⵙⴻⵏⵊⴻⵎ ⵙ ⵓⴼⵓⵙ ⴰⴼⵓⵙⵉ ⵏⵏⴻⵙ.

8 ⵉⵏⴰ ⵜⵜⵅⴰⵔⵔⴰⵚⴻⵏ ⴷⴻⴳ ⵉⴽⴰⵔⵔⵓⵜⴻⵏ ⵓ ⵉⵏⴰ ⴷⴻⴳ ⵉⵢⵙⴰⵏ,

ⵎⴰⵛⴰ ⵏⴻⵛⵛⵉⵏ ⴰⴷ ⵏⵅⴰⵔⵔⴻⵚ ⴷⴻⴳ ⵉⵙⴻⵎ ⵏ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ.

9 ⵏⵉⵜⵏⵉ ⵓⴹⴰⵔⴻⵏ ⵓⵛⴰ ⵡⴹⴰⵏ,

ⵏⴻⵛⵛⵉⵏ ⵏⴻⴽⴽⴰⵔ ⵓ ⵏⴻⵇⵇⵉⵎ ⵏⴱⴻⴷⴷ.

10 ⴰ ⵙⵉⴷⵉ, ⴰⵡⵉ-ⴷⴷ ⴰⵙⴻⵏⵊⴻⵎ!

ⴻⵊⵊ ⴰⴷ ⴰⵏⴻⵖ ⴷⴷ-ⵢⴰⵔⵔ ⵓⵊⴻⴵⵉⴷ ⴷⴻⴳ ⵡⴰⵙⵙ ⵉ ⴷⵉ ⵏⵍⴰⵖⴰ.