1 ⵉⵛⵜ ⵏ ⵜⵉⵔⴰ ⵉⵏⴻⵇⵛⴻⵏ. ⵏ ⴷⴰⵡⵓⴷ.

ⵃⴹⴰ ⵅⴰⴼⵉ, ⴰ ⴰⵔⴻⴱⴱⵉ, ⵎⴰⵖⴰⵔ ⵜⵜⴻⵛⵍⴻⵖ ⵅⴰⴽ.

2 ⵍⴻⵄⵎⴰⵔ ⵉⵏⵓ ⵜⴻⵏⵏⴰ ⵉ ⵙⵉⴷⵉ: “ⵛⴻⴽ ⴷ ⵙⵉⴷⵉ ⵉⵏⵓ,

ⴷ ⵍⵅⴰⵔ ⵉⵏⵓ, ⵡⴰⵔ ⴷⵉⵏ ⵎⵉⵏ ⵅⴰⴽ ⵢⵓⵄⵍⴰⵏ!” ^■  

3 ⵓ ⵅ ⵉⵎⵇⴻⴷⴷⴰⵙⴻⵏ ⵉ ⵉⵥⴻⴷⴷⵖⴻⵏ ⵅ ⵜⴻⵎⵎⵓⵔⵜ, ⴰⵢⵜ ⵏ ⵊⵊⴻⵀⴷ,

ⴰⵇⴰ ⵎⴰⵔⵔⴰ ⴰⵔⴹⴰ ⵉⵏⵓ ⴰⵇⴰ-ⵜ ⴰⴽⵉⴷⵙⴻⵏ.

4 ⵜⴰⵎⴰⵔⴰ ⵏ ⵢⵉⵏⵏⵉ ⵉⴹⴻⴼⴼⴰⵔⴻⵏ ⴰⵎⵎⵓ ⴷⴻⵖⵢⴰ ⵉⵊⵊ ⵏ ⴰⵔⴻⴱⴱⵉ ⵏⵏⴻⵖⵏⵉ, ⴰⴷ ⵜⵜⵡⴰⴽⵜⴰⵔⴻⵏⵜ.

ⵏⴻⵛⵛ ⵡⴰⵔ ⵜⵜⴼⴰⵔⵔⵉⵖⴻⵖ ⵜⴰⵡⵀⵉⴱⵜ ⵏⵙⴻⵏ ⵏ ⵓⵙⴻⵢⵢⴻⴱ ⵏ ⵉⴷⴰⵎⵎⴻⵏ,

ⵓ ⵡⴰⵔ ⵜⵜⵉⴷⴰⵔⴻⵖ ⵉⵙⵎⴰⵡⴻⵏ ⵏⵙⴻⵏ ⵅ ⵉⵢⴻⵏⵛⵉⵛⴻⵏ ⵉⵏⵓ.

5 ⵙⵉⴷⵉ ⴷ ⵜⴰⵙⵖⴰⵔⵜ ⵉⵏⵓ ⴷ ⵍⴽⴰⵙ ⵉⵏⵓ.

ⵛⴻⴽ ⵜᵉⵟⵟⴼⴻⴷ ⵜⴰⵇⴻⴷⴷⵓⵃⵜ ⵉⵏⵓ ⴷⴻⴳ ⵓⴼⵓⵙ ⵏⵏⴻⴽ. ^■  

6 ⵉⴼⵉⵍⴰⵏ ⵏ ⵍⴻⵄⴱⴰⵔ ⴽⴽⴰⵔⴻⵏ ⴰⵢⵉ-ⴷⴷ ⴷⴻⴳ ⵉⵎⵓⵛⴰⵏ ⵉⵚⴻⴱⵃⴻⵏ,

ⵡⴰⵀ, ⵜⴰⵙⵖⴰⵔⵜ ⵉⵏⵓ ⴰⵇⴰ ⵜⵓⵙⴰ-ⴷⴷ ⵅⴰⴼⵉ ⵎⵍⵉⵃ.

7 ⴰⴷ ⴱⴰⵔⴽⴻⵖ ⵙⵉⴷⵉ, ⵡⴻⵏⵏⵉ ⴷ ⴰⵢⵉ ⵉⵏⴻⵚⵃⴻⵏ.

ⵓⵍⴰ ⵙ ⴵⵉⵍⴻⵜ ⵙⵙⵍⴻⵎⴷⴻⵏⵜ ⴰⵢⵉ ⵜⵉⵥⵥⴰⵍ ⵉⵏⵓ. ^□  

8 ⵍⴻⴱⴷⴰ ⵜⵜⴻⴳⴳⴻⵖ ⵙⵉⴷⵉ ⵊⴰⵔ ⵜⵉⵟⵟⴰⵡⵉⵏ ⵉⵏⵓ.

ⵓⵎⵉ ⵏⴻⵜⵜⴰ ⵉⴵⴰ ⵅ ⵓⴼⵓⵙ ⴰⴼⵓⵙⵉ ⵉⵏⵓ,

ⵏⴻⵛⵛ ⵡⴰⵔ ⴼⴰⵔⵔⵖⴻⵖ. ^■  

9 ⵙ ⵓⵢⴻⵏⵏⵉ ⵉⴼⴰⵔⵔⴻⵃ ⵓⵍ ⵉⵏⵓ,

ⵉⵜⵜⴰⵔⵛⵉⵇ ⵍⴻⵄⵎⴰⵔ ⵉⵏⵓ.

ⵡⴰⵀ, ⵓⵍⴰ ⴷ ⴷⴷⴰⵜ ⵉⵏⵓ ⴰⴷ ⵉⴷⴷⴰⵔ ⵙ ⵍⴰⵎⴰⵏ.

10 ⵎⴰⵖⴰⵔ ⵛⴻⴽ ⵡⴰⵔ ⵜⵙⴻⵎⵎⵃⴻⴷ ⵛⴰ ⴷⵉ ⵍⴻⵄⵎⴰⵔ ⵉⵏⵓ ⴷⵉ ⵍⴰⵅⴰⵔⵜ,

ⵡⴰⵔ ⵜᵉⵜⵜⴰⵔⵔⵉⴷ ⴰⵎⵜⵉⵇⵇⵉ ⵏⵏⴻⴽ ⴰⴷ ⵉⴽⵉⵛⵛⵓ. ^■  

11 ⵛⴻⴽ ⴰⴷ ⴰⵢⵉ ⵜⴻⵙⵙⴻⵛⵏⴻⴷ ⴰⴱⵔⵉⴷ ⵏ ⵜⵓⴷⴰⵔⵜ,

ⵜⵢⴰⵡⴰⵏⵜ ⵥⵉ ⵍⴻⴼⵔⴰⵃⴻⵜ ⴰⵇⴰ-ⵜ ⵥⵥⴰⵜ ⵉ ⵡⵓⴷⴻⵎ ⵏⵏⴻⴽ,

ⵏⵏⵉⵄⵎⴰⵜ ⴰⵇⴰ ⴰⵜⴻⵏⵜ ⴷⴻⴳ ⵓⴼⵓⵙ ⵏⵏⴻⴽ ⵉ ⵍⴻⴱⴷⴰ.