1 ⴰⵥⴻⵀⵀⴻⴷ ⵏ ⴷⴰⵡⵓⴷ.

ⴰ ⵙⵉⴷⵉ, ⵎⴰⵏ ⵡⴻⵏ ⵉ ⵖⴰ ⵉⵇⵇⵉⵎⴻⵏ ⴷⴻⴳ ⵓⵇⵉⴹⵓⵏ ⵏⵏⴻⴽ?

ⵎⴰⵏ ⵡⴻⵏ ⵉ ⵖⴰ ⵉⵥⴻⴷⵖⴻⵏ ⵅ ⵡⴻⴷⵔⴰⵔ ⵏⵏⴻⴽ ⵉⵇⴻⴷⴷⵙⴻⵏ?

2 ⵡⴻⵏⵏⵉ ⵉⴳⴳⵓⵔⴻⵏ ⴷⵉ ⵍⴻⴽⵎⴰⵍⴻⵜ ⵏ ⵜⵓⴷⴰⵔⵜ ⵏⵏⴻⵙ ⵓ ⵉⵜⵜⴻⴳⴳ ⵜⴰⵙⴻⴳⴷⴰ,

ⵡⴻⵏⵏⵉ ⵉⵙⵙⴰⵡⴰⵍⴻⵏ ⵜⵉⴷⴻⵜⵜ ⴷⴻⴳ ⵡⵓⵍ ⵏⵏⴻⵙ. ^■  

3 ⵡⴻⵏⵏⵉ ⵡⴰⵔ ⵉⵜⵜⵛⴻⵇⵇⴰⴼⴻⵏ ⵙ ⵢⵉⵍⴻⵙ ⵏⵏⴻⵙ,

ⵡⴻⵏⵏⵉ ⵡⴰⵔ ⵉⵜⵜⴻⴳⴳⴻⵏ ⵍⵖⴰⵔ ⵉ ⵉⵎⵄⴰⵛⴰⵔⴻⵏ ⵏⵏⴻⵙ,

ⵓ ⵡⴰⵔ ⵉⵜⵜⵥⴰⵡⴰⵔ ⴰⵊⵊⴰⵔ ⵏⵏⴻⵙ.

4 ⵡⴻⵏⵏⵉ ⵉⵎⵎⴻⵏⴹⴰⵔⴻⵏ ⵥⵉ ⴰⵔⴻⴱⴱⵉ ⴰⵇⴰ ⵉⵜⵜⵡⴰⵙⵙⴻⵃⵇⴰⵔ ⴷⵉ ⵜⵉⵟⵟⴰⵡⵉⵏ ⵏⵏⴻⵙ,

ⵎⴰⵛⴰ ⵉⵏⵏⵉ ⵉⵜⵜⴻⴳⴳⵯⴻⴷⴻⵏ ⵙⵉⴷⵉ, ⵉⵜⵜⵡⴻⵇⵇⴰⵔ ⵉ-ⵜⴻⵏ.

ⵉⵊⵊⵓⴵ ⴷⵉ ⵜⵅⴻⵙⵙⴰⵔⵜ ⵏⵏⴻⵙ

ⵡⴰⵔ ⵜ ⵉⵜⵜⴱⴻⴷⴷⵉⵍ.

5 ⵡⴻⵏⵏⵉ ⵡⴰⵔ ⵉⵜⵜⵉⵛⴻⵏ ⵜⵎⴻⵏⵢⴰⵜ ⵏ ⵏⵏⵓⵇⴰⵔⵜ ⵏⵏⴻⵙ ⵙ ⴰⵔⵔⵉⴱⴰ,

ⵓ ⵡⴰⵔ ⵉⵜⵜⴻⵟⵟⴻⴼ ⴰⵔⵔⴻⵛⵡⴻⵜ ⴹⵉⴷⴷ ⵏ ⵢⵉⵏⵏⵉ ⵡⴰⵔ ⵉⴳⴳⵉⵏ ⵙ ⵛⴰ.

ⵡⴻⵏⵏⵉ ⵉⵜⵜⴻⴳⴳⴻⵏ ⵎⴰⵏ ⴰⵢⴰ,

ⵡⴰⵔ ⵉⴳⴳⵓⵔ ⴰⴷ ⵉⴼⴰⵔⵖ ⵉ ⵍⴻⴱⴷⴰ.