1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵥⴻⵀⵀⴻⴷ ⵏ ⴷⴰⵡⵓⴷ.

ⴰⴱⵓⵀⴰⵍⵉ ⵉⵏⵏⴰ ⴷⴻⴳ ⵡⵓⵍ ⵏⵏⴻⵙ: “ⵡⴰⵔ ⴷⵉⵏ ⴱⵓ ⴰⵔⴻⴱⴱⵉ!”

ⵏⵉⵜⵏⵉ ⵜⵜⴰⵔⴻⴷⴷⴵⴻⵏ, ⵜⵜⴻⴳⴳⴻⵏ ⵜⵉⵎⴻⵙⵍⴰⵢⵉⵏ ⵉⴹⴻⵅⵙⴻⵏ ,

ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵎⵉⵏ ⵉⵛⵏⴰⵏ. ^■  

2 ⵙⵉⴷⵉ ⵉⵅⴻⵥⵥⴰⵔ-ⴷⴷ ⵥⴻⴳ ⵓⵊⴻⵏⵏⴰ ⵖⴰⵔ ⵜⴰⵔⵡⴰ ⵏ ⴱⵏⴰⴷⴻⵎ,

ⵃⵉⵎⴰ ⴰⴷ ⵉⵥⴰⵔ, ⵎⴰ ⴷⵉⵏ ⵃⴻⴷ ⴷⴰⵢⴻⵙ ⵍⴻⴼⵀⴰⵎⴻⵜ,

ⵉⵊⵊ ⵡⴻⵏⵏⵉ ⵢⴰⵔⴻⵥⵥⵓⵏ ⴰⵔⴻⴱⴱⵉ.

3 ⵎⴰⵔⵔⴰ ⴼⴼⵖⴻⵏ ⵥⴻⴳ ⵡⴻⴱⵔⵉⴷ,

ⴰⵇⴰ-ⵜⴻⵏ ⵊⵎⵉⵄ ⴷⴻⵡⵍⴻⵏ ⴷ ⵉⵄⴻⴼⴼⴰⵏⴻⵏ,

ⵡⴰⵔ ⴷⵉⵏ ⵓⵍⴰ ⴷ ⵉⵊⵊ ⵉⵜⵜⴻⴳⴳ ⵍⵅⴰⵔ,

ⵓⵍⴰ ⴷ ⵉⵊⵊ.

4 ⵎⴰⵔⵔⴰ ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ ⵎⴰ ⵡⴰⵔ ⵖⴰⵔⵙⴻⵏ ⴱⵓ ⵜⵓⵙⵙⵏⴰ,

ⵉⵏⵏⵉ ⵉⵜⵜᵉⵜⵜⴻⵏ ⵍⴳⴻⵏⵙ ⵉⵏⵓ ⴰⵅⵎⵉ ⵜⵜᵉⵜⵜⴻⵏ ⴰⵖⵔⵓⵎ?

ⵏⵉⵜⵏⵉ ⵡⴰⵔ ⵜⵜⵍⴰⵖⴰⵏ ⵅ ⵙⵉⴷⵉ.

5 ⴰⵇⴰ ⵜⴻⵡⴹⴰ-ⴷⴷ ⵅⴰⵙⴻⵏ ⴷⵉⵏ ⵜⵉⴳⴳⵯⵓⴷⵉ ⵜⴻⵎⵖⴰⵔ,

ⵎⴰⵖⴰⵔ ⴰⵔⴻⴱⴱⵉ ⴰⵇⴰ-ⵜ ⴰⴽ-ⴷ ⵊⵊⵉⵍ ⵏ ⵉⵎⵙⴻⴳⴳⴰⴷⴻⵏ.

6 ⴽⴻⵏⵏⵉⵡ ⵜⵏⴻⴼⴹⴻⵎ ⴰⵔⵔⴰⵢ ⵏ ⵍⵎⵓⵙⴰⴽⵉⵏ,

ⵎⵉⵏⵥⵉ ⵙⵉⴷⵉ ⴷ ⴰⵎⵛⴰⵏ ⵏⵏⴻⵙ ⵏ ⵜⴰⵔⴻⵡⵍⴰ.

7 ⵉⵀ, ⴰⵇⴰ ⴰⵙⴻⵏⵊⴻⵎ ⵏ ⵉⵙⵔⴰⵉⵍ ⴰⴷ ⴷⴷ-ⵢⴰⵙ ⵥⵉ ⵚⵉⵀⵢⵓⵏ!

ⵅⵎⵉ ⴷⴷ ⵖⴰ ⵢⴰⵔⵔ ⵙⵉⴷⵉ ⵉⵎⴻⵃⴱⴰⵙ ⵏ ⵍⴳⴻⵏⵙ ⵏⵏⴻⴽ,

ⴰⴷ ⵢⴰⵔⵛⴻⵇ ⵢⴰⵄⵇⵓⴱ,

ⴰⴷ ⵉⴼⴰⵔⵃ ⵉⵙⵔⴰⵉⵍ.