1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵥⴻⵀⵀⴻⴷ ⵏ ⴷⴰⵡⵓⴷ.

2 ⵎⴻⵛⵃⴰⵍ ⵄⴰⴷ, ⴰ ⵙⵉⴷⵉ, ⵉ ⴷ ⴰⵢⵉ ⵖⴰ ⵜᵉⵜⵜⵓⴷ?

ⴰⵍ ⵎⴻⵛⵃⴰⵍ ⵄⴰⴷ ⵉ ⵅⴰⴼⵉ ⵉ ⵖⴰ ⵜⴻⵙⵙⵏⵓⴼⴼⴰⵔⴻⴷ ⵓⴷⴻⵎ ⵏⵏⴻⴽ?

3 ⵎⴻⵛⵀⴰⵍ ⵉ ⵉⵇⵇⵉⵎⴻⵏ ⴰⴷ ⴳⴳⴻⵖ ⵄⴰⴷ ⵍⴻⵀⵎⵓⵎ ⴷⵉ ⵍⴻⵄⵎⴰⵔ ⵉⵏⵓ,

ⴰⵛⴹⴰⵏ ⴷⴻⴳ ⵡⵓⵍ ⵉⵏⵓ ⵎⴽⵓⵍ ⴰⵙⵙ?

ⴰⵍ ⵎⴻⵍⵎⵉ ⵉ ⵖⴰ ⵉⵙⵙⵄⵓⴵⴰ ⵍⴻⵄⴷⵓ ⵉⵏⵓ ⵉⵅⴻⴼ ⵏⵏⴻⵙ ⵅⴰⴼⵉ?

4 ⵅⵥⴰⵔ-ⴷⴷ, ⴰⵔⵔ-ⴷⴷ, ⵅⴰⴼⵉ ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ!

ⴰⵔⵥⴻⵎ ⴰⵢⵉ ⵜⵉⵟⵟⴰⵡⵉⵏ ⵉⵏⵓ, ⵃⵉⵎⴰ ⵡⴰⵔ ⵜⵜᵉⵟⵟⵚⴻⵖ ⵉⴹⴻⵙ ⵏ ⵍⵎⴻⵡⵜ,

5 ⵃⵉⵎⴰ ⵍⴻⵄⴷⵓ ⵉⵏⵓ ⵡⴰⵔ ⵉⵇⵇⴰⵔ:

“ⵏⴻⵛⵛ ⵖⴻⵍⵍⴱⴻⵖ ⵅⴰⵙ!”,

ⵃⵉⵎⴰ ⵡⴻⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⵡⴰⵔ ⵉⴼⴰⵔⵔⴻⵃ, ⵎⴰⵍⴰ ⴼⴰⵔⵖⴻⵖ.

6 ⵏⴻⵛⵛ ⵜⵜⴻⵛⵍⴻⵖ ⵅ ⵜⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ.

ⵓⵍ ⵉⵏⵓ ⴰⴷ ⵉⴼⴰⵔⵃ ⵅ ⵓⵙⴻⵏⵊⴻⵎ ⵏⵏⴻⴽ.

ⵏⴻⵛⵛ ⴰⴷ ⵖⴻⵏⵏⵊⴻⵖ ⵉ ⵙⵉⴷⵉ,

ⵎⴰⵖⴰⵔ ⵏⴻⵜⵜⴰ ⵉⴳⴳⴰ ⴷⴰⵢⵉ ⵍⵅⵉⵔ.