1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵥⴻⵀⵀⴻⴷ ⵏ ⴷⴰⵡⵓⴷ. ⵅ ⵓⴼⵉⵍⵓ ⵡⵉⵙⵙ ⵜⵎⴻⵏⵢⴰ.

2 ⵙⴻⵏⵊⴻⵎ, ⴰ ⵙⵉⴷⵉ, ⵎⵉⵏⵥⵉ ⴰⵎⴻⴷⴷⵓⴽⴽⴻⵍ ⴰⵎⵜⵉⵇⵇⵉ ⵡⴰⵔ ⵉⵇⵇⵉⵎ ⵄⴰⴷ,

ⵎⴰⵖⴰⵔ ⵡⴰⵔ ⴷⵉⵏ ⵄⴰⴷ ⵉⵎⵜⵉⵇⵇⴰⵏ ⵊⴰⵔ ⵜⴰⵔⵡⴰ ⵏ ⴱⵏⴰⴷⴻⵎ. ^■  

3 ⵏⵉⵜⵏⵉ ⵙⵙⴰⵡⴰⵍⴻⵏ ⵊⴰⵔ ⴰⵙⴻⵏ ⵙ ⵉⵅⴰⵔⵔⵉⵇⴻⵏ,

ⵙ ⵉⵢⴻⵏⵛⵉⵛⴻⵏ ⵛⵛⵓⵔⴻⵏ ⵙ ⵡⴰⵡⴰⵍⴻⵏ ⵉⵎⵉⵥⵉⴹⴻⵏ,

ⴰⵇⴰ ⵙⵙⴰⵡⴰⵍⴻⵏ ⵙ ⵜⵏⴰⵢⴻⵏ ⵏ ⵉⵖⴻⵎⴱⴰⴱ. ^□  

4 ⴻⵊⵊ ⵙⵉⴷⵉ ⴰⴷ ⵉⵇⴹⴻⵄ ⵎⴰⵔⵔⴰ ⵉⵢⴻⵏⵛⵉⵛⴻⵏ ⵙ ⵡⴰⵡⴰⵍⴻⵏ ⵉⵎⵉⵥⵉⴹⴻⵏ,

ⵓⵍⴰ ⴷ ⵉⵍⴻⵙ ⵙ ⵡⴰⵡⴰⵍⴻⵏ ⵏ ⵓⴽⴻⴱⴱⴰⵔ,

5 ⵉⵏⵏⵉ ⵉⵇⵇⴰⵔⴻⵏ: “ⵙ ⵢⵉⵍⴻⵙ ⵏⵏⴻⵖ ⴰⴷ ⵖⴰⵔⵏⴻⵖ ⵢⵉⵍⵉ ⵓⵇⴰⵔⵔⵓ ⵉⵎⵖⴰⵔ,

ⵉⵢⴻⵏⵛⵉⵛⴻⵏ ⴰⵇⴰ ⴰⵜⴻⵏ ⵏⵏⴻⵖ!

ⵎⴰⵏ ⵡⴻⵏ ⵉⴵⴰⵏ ⵅⴰⵏⴻⵖ ⴷ ⵙⵉⴷⵉ?”

6 “ⴷⵉ ⵙⵙⵉⴱⴱⴻⵜ ⵏ ⵡⴰⵔⴻⴷⴷⴻⴵ ⵏ ⵍⵎⵓⵙⴰⴽⵉⵏ,

ⵓⵍⴰ ⴷⵉ ⵙⵙⵉⴱⴱⴻⵜ ⵏ ⵉⵖⵓⵢⵢⴰⵏ ⵏ ⵉⵎⴻⵥⵍⴰⴹ

ⴰⴷ ⴽⴽⴰⵔⴻⵖ ⵍⴻⵅⵅⵓ ⵏⴻⵛⵛ”, ⵉⵏⵏⴰ ⵙⵉⴷⵉ,

“ⵡⴻⵏⵏⵉ ⵅ ⵜⵓⵖⴰ ⵉⴷⴷⵓⵇⴻⵥ, ⵏⴻⵛⵛ ⴰⴷ ⵜ ⴰⵡⵢⴻⵖ ⴷⵉ ⵍⴰⵎⴰⵏ.”

7 ⵜⵉⵡⴰⵍⵉⵏ ⵏ ⵙⵉⴷⵉ ⴰⵇⴰ ⴰⵜⴻⵏⵜ ⴷ ⵜⵉⵡⴰⵍⵉⵏ ⵚⴼⴰⵏⵜ,

ⵜⵜⵡⴰⵙⵉⵥⴷⴳⴻⵏ ⴰⵎ ⵏⵏⵓⵇⴰⵔⵜ ⴷⴻⴳ ⵉⵊⵊ ⵏ ⵍⴽⴰⵙ ⵉ ⵓⴼⴻⵙⵢⵉ ⴷⵉ ⵜⴻⵎⵎⵓⵔⵜ,

ⵜⵜⵡⴰⵚⴻⴼⴼⴰⵏ ⵙⴻⴱⵄⴰ ⵏ ⵜⵡⴰⵍⴰⵡⵉⵏ. ^□  ■  

8 ⵛⴻⴽ, ⴰ ⵙⵉⴷⵉ, ⴰⴷ ⵜⴻⵏ ⵜⴻⵃⴹⵉⴷ,

ⴰⴷ ⴰⵏⴻⵖ ⵜⴻⵙⵙⴰⵔⴻⴷ ⵥⵉ ⵊⵊⵉⵍ-ⴰ,

ⵉ ⵍⴻⴱⴷⴰ ⵇⴰⵄ.

9 ⵉⵄⴻⴼⴼⴰⵏⴻⵏ ⴳⴳⵓⵔⴻⵏ ⵏⵏⴹⴻⵏ ⵎⴰⵏⵉ ⵎⵎⴰ

ⵅⵎⵉ ⵉ ⵖⴰ ⵉⴽⴽⴰⵔ ⴷⴷⴻⴵ ⵊⴰⵔ ⵜⴰⵔⵡⴰ ⵏ ⴱⵏⴰⴷⴻⵎ.