1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⵏ ⴷⴰⵡⵓⴷ.

ⵏⴻⵛⵛ ⵜⵜⴻⵛⵍⴻⵖ ⵅ ⵙⵉⴷⵉ. ⵎⴰⵎⵎⴻⵛ ⵜⴻⵇⵇⴰⵔⴻⵎ ⵉ ⵍⴻⵄⵎⴰⵔ ⵉⵏⵓ:

“ⴰⵔⴻⵡⵍⴻⵎ ⵖⴰⵔ ⵉⴷⵓⵔⴰⵔ, ⴰ ⵉⵊⴹⴰⴹ!”? ^□  

2 ⵎⴰⵖⴰⵔ ⵅⵥⴰⵔ, ⵉⵄⴻⴼⴼⴰⵏⴻⵏ ⴰⵇⴰ ⵎⴻⵃⵃⴹⴻⵏ ⵍⵇⴻⵡⵙ,

ⵙⵙⵔⵓⵙⴰⵏ ⴼⵍⵉⵜⵛⴰⵜ ⵏⵙⴻⵏ ⵖⴰⵔ ⵓⴼⵉⵍⵓ,

ⵃⵉⵎⴰ ⴰⴷ ⵡⵜⴻⵏ ⴷⵉ ⵜⴰⴵⴻⵙⵜ ⴷⴻⴳ ⵉⵏⵏⵉ ⵓⵎⵉ ⵉⵙⴻⴳⴳⴻⴷ ⵡⵓⵍ.

3 ⵡⴰⵀ, ⴷⵙⵓⵙⴰ ⵏ ⴷⴷⵓⵏⴻⵛⵜ ⵜⵜⵡⴰⵔⴻⴷⴷⴵⴻⵏ!

ⵎⵉⵏ ⵉⵥⴻⵎⵎⴰⵔ ⵅⴻⵏⵏⵉ ⴰⴷ ⵢⴻⴳⴳ ⵓⵎⵙⴻⴳⴳⴻⴷ?

4 ⵙⵉⴷⵉ ⵉⵥⴻⴷⴷⴻⵖ ⴷⵉ ⵣⵥⴰⵡⴻⵛⵜ ⵏⵏⴻⵙ ⵜⴰⵎⴻⵇⵇⵔⴰⵏⵜ ⵉⵇⴻⴷⴷⵙⴻⵏ,

ⵍⵄⴰⵔⵛ ⵏ ⵙⵉⴷⵉ ⵉⵜⵜⴱⴻⴷⴷⴰ ⴷⴻⴳ ⵉⵊⴻⵏⵡⴰⵏ.

ⵜⵉⵟⵟⴰⵡⵉⵏ ⵏⵏⴻⵙ ⵜⵜⵡⴰⵍⴰⵏⵜ,

ⵍⵅⴻⵥⵔⴰⵜ ⵏⵏⴻⵙ ⴰⵔⴻⵥⵥⵓⵏⵜ ⴷⵉ ⵜⴰⵔⵡⴰ ⵏ ⴱⵏⴰⴷⴻⵎ.

5 ⵙⵉⴷⵉ ⵉⵜⵜⴱⴻⵇⵇⴻⵛ ⴰⵎⵙⴻⴳⴳⴻⴷ,

ⵎⴰⵛⴰ ⵍⴻⵄⵎⴰⵔ ⵏⵏⴻⵙ ⵉⵜⵜⵄⵉⴼⴼⴰ ⴰⵄⴻⴼⴼⴰⵏ ⴷ ⵡⴻⵏⵏⵉ ⵉⵜⵜⴻⵅⵙⴻⵏ ⵍⵄⵓⵏⴼ.

6 ⵏⴻⵜⵜⴰ ⴰⴷ ⵉⵡⵡⴻⵜ ⵉⵄⴻⴼⴼⴰⵏⴻⵏ ⵙ ⵉⵊⵊ ⵏ ⵡⴻⵏⵥⴰⵔ ⵏ ⵜⵅⴻⵛⴼⵉⵏ,

ⵜⵉⵎⴻⵙⵙⵉ ⴷ ⵍⴻⵛⴱⴰⵔⵉⵢⵢⴻⵜ ⴷ ⵜⵃⴰⵔⵢⴰⴹⵜ ⵜⴰⵎⴻⵇⵇⵔⴰⵏⵜ ⴰⴷ ⵉⵍⵉⵏⵜ ⴷ ⵜⴰⵙⵖⴰⵔⵜ ⵏ ⵍⴽⴰⵙ ⵏⵙⴻⵏ.

7 ⵎⵉⵏⵥⵉ ⵙⵉⴷⵉ ⴷ ⴰⵎⵙⴻⴳⴳⴻⴷ,

ⵉⵜⵜⴻⵅⵙ ⵜⵉⵎⴻⴳⴳⴰ ⵉⵙⴻⴳⴳⴷⴻⵏ.

ⵉⵏⵏⵉ ⵉⴳⴳⵓⵔⴻⵏ ⵏⵉⵛⴰⵏ ⴰⴷ ⵥⴰⵔⴻⵏ ⵓⴷⴻⵎ ⵏⵏⴻⵙ.