1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ, ⵙ ⵜⴻⵖⵏⵉⵏⵜ ⵏ ⵓⵊⵉⵜⵜⵉ. ⴰⵥⴻⵀⵀⴻⴷ ⵏ ⴷⴰⵡⵓⴷ.

2 ⴰ ⵙⵉⴷⵉ, ⴰⵔⴻⴱⴱⵉ ⵏⵏⴻⵖ, ⵎⴰⵎⵎⴻⵛ ⵉⵊⵀⴻⴷ ⵢⵉⵙⴻⵎ ⵏⵏⴻⴽ ⵅ ⵎⴰⵔⵔⴰ ⵜⴰⵎⵎⵓⵔⵜ,

ⵛⴻⴽ ⴷ ⵡⴻⵏⵏⵉ ⵉⴳⴳⵉⵏ ⵍⵄⴰⴹⴰⵎⴰ ⵏⵏⴻⴽ ⵙⴻⵏⵏⴻⵊ ⵉ ⵉⵊⴻⵏⵡⴰⵏ.

3 ⵣⴻⴳ ⵓⵇⴻⵎⵎⵓⵎ ⵏ ⵉⵃⴻⵏⵊⵉⵔⴻⵏ ⴷ ⵉⵙⴻⵢⵎⴰⵏ,

ⵜⴻⴳⴳⵉⴷ ⵍⴱⴰⵔⴰⵊ ⵅ ⵢⴻⵏⵏⵉ ⵛⴻⴽ ⵉⵃⴻⵚⵚⴰⵔⴻⵏ,

ⵃⵉⵎⴰ ⴰⴷ ⵜⴱⴻⵍⵍⵄⴻⴷ ⴰⴱⵔⵉⴷ ⵅ ⵍⴻⵄⴷⵓ ⵓ ⵅ ⵡⴻⵏⵏⵉ ⵢⴰⵔⴻⵥⵥⵓⵏ ⴰⴷ ⵉⵅⵍⴻⴼ. ^■  

4 ⵎⴰⵍⴰ ⵜⵡⴰⵍⵉⵖ ⴰⵊⴻⵏⵏⴰ, ⵍⵅⴻⴷⵎⴻⵜ ⵏ ⵉⴹⴻⵡⴹⴰⵏ ⵏⵏⴻⴽ,

ⵜⴰⵥⵉⵔⵉ ⴷ ⵢⴻⵜⵔⴰⵏ, ⵉⵏⵏⵉ ⵜⴻⴳⴳⵉⴷ,

5 ⵎⵉⵏ ⵉⵄⵏⴰ ⵅⴻⵏⵏⵉ ⴱⵏⴰⴷⴻⵎ, ⴰⵇⴰ ⵛⴻⴽ ⵜⵅⴰⵔⵔⵚⴻⴷ ⴷⴰⵢⴻⵙ,

ⵎⵎⵉⵙ ⵏ ⴱⵏⴰⴷⴻⵎ, ⴰⵇⴰ ⵛⴻⴽ ⵜⵅⴻⵥⵥⴰⵔⴻⴷ ⵖⴰⵔⴻⵙ? ^■  

6 ⵛⴻⴽ ⵜⴰⵔⵔⵉⴷ ⵜ ⵎⵖⵉⵔ ⵛⵡⴰⵢⵜ ⵡⴰⵀⴰ ⵇⴻⵍⵍ ⵉ ⴰⵔⴻⴱⴱⵉ,

ⵜⴻⵡⵛⵉⴷ ⴰⵙ ⵜⵜⴰⵊ ⵏ ⵓⵄⵓⴵⵉ ⴷ ⵍⵄⴻⵥⵥ.

7 ⵛⴻⴽ ⵜⴰⵔⵔⵉⴷ ⵜ ⴰⴷ ⵉⵃⴽⴻⵎ ⵅ ⵜⵎⴻⴳⴳⴰ ⵏ ⵉⴼⴰⵙⵙⴻⵏ ⵏⵏⴻⴽ,

ⵜⴻⵙⵙⴰⵔⵙⴻⴷ ⵎⴰⵔⵔⴰ ⵙⵡⴰⴷⴷⴰⵢ ⵉ ⵉⴹⴰⵔⴻⵏ ⵏⵏⴻⵙ: ^■  

8 ⵓⴵⵉ ⴷ ⵉⴼⵓⵏⴰⵙⴻⵏ, ⵎⴰⵔⵔⴰ ⵉⵏⴰ,

ⵓⵍⴰ ⴷ ⵍⵎⴰⵍ ⵏ ⵢⴻⵢⵢⴰⵔ,

9 ⵉⵊⴹⴰⴹ ⵏ ⵓⵊⴻⵏⵏⴰ ⴷ ⵉⵙⴻⵍⵎⴰⵏ ⵏ ⵍⴻⴱⵃⴰⵔ,

ⵎⴰⵔⵔⴰ ⵎⵉⵏ ⵉⵜⵜⵛⵓⵇⴰⵏ ⵉⴱⵔⵉⴷⴻⵏ ⵏ ⵍⴻⴱⵃⵓⵔ.

10 ⴰ ⵙⵉⴷⵉ, ⵙⵉⴷⵉⵜⵏⴻⵖ,

ⵎⴰⵎⵎⴻⵛ ⵉⵊⵀⴻⴷ ⵢⵉⵙⴻⵎ ⵏⵏⴻⴽ ⴷⵉ ⵎⴰⵔⵔⴰ ⵜⴰⵎⵎⵓⵔⵜ!