1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵥⴻⵏⵥⵓⵏ ⵅ ⵓⴼⵉⵍⵓ ⵡⵉⵙⵙ ⵜⵎⴻⵏⵢⴰ. ⴰⵥⴻⵀⵀⴻⴷ ⵏ ⴷⴰⵡⵓⴷ.

2 ⴰ ⵙⵉⴷⵉ, ⵡⴰⵔ ⴷ ⴰⵢⵉ ⵜⵜⵡⴻⴷⴷⴰⴱ ⴷⴻⴳ ⵡⴻⵖⴹⴰⴱ ⵏⵏⴻⴽ,

ⵡⴰⵔ ⴷ ⴰⵢⵉ ⵜⵜⴰⵔⴻⴱⴱⵉ ⵛⴰ ⴷⴻⴳ ⵡⴻⵙⵄⴰⵔ ⵏⵏⴻⴽ! ^■  

3 ⵃⵉⵏⵏ ⵅⴰⴼⵉ, ⴰ ⵙⵉⴷⵉ, ⵎⴰⵖⴰⵔ ⵏⴻⵛⵛ ⴰⵇⴰ ⴰⵔⵅⵓⵖ.

ⵙⴳⴻⵏⴼⴰ ⴰⵢⵉ, ⴰ ⵙⵉⴷⵉ, ⵎⴰⵖⴰⵔ ⵉⵅⵙⴰⵏ ⵉⵏⵓ ⵜⵜⴰⵔⵊⵉⵊⵉⵏ!

4 ⵡⴰⵀ, ⵍⴻⵄⵎⴰⵔ ⵉⵏⵓ ⵢⴰⵔⵊⴻⴼ ⴰⵟⵟⴰⵙ,

ⵓ ⵛⴻⴽ, ⴰ ⵙⵉⴷⵉ, ⴰⵍ ⵎⴻⵍⵎⵉ?

5 ⴷⵡⴻⵍ-ⴷⴷ, ⴰ ⵙⵉⴷⵉ, ⴼⴻⴽⴽ ⵍⴻⵄⵎⴰⵔ ⵉⵏⵓ,

ⵙⴻⵏⵊⴻⵎ ⴰⵢⵉ ⴷⵉ ⵟⵟⵡⴻⵄ ⵏ ⵜⵎⴻⵅⵙⵉⵡⵜ ⵏⵏⴻⴽ ⵉⵛⴻⵡⵡⴰⵔⴻⵏ.

6 ⵎⵉⵏⵥⵉ ⴷⵉ ⵍⵎⴻⵡⵜ ⵡⴰⵔ ⴷⵉⵏⵏⵉ ⴱⵓ ⵍⵉⴷⴰⵔⴻⵜ ⵏⵏⴻⴽ.

ⵡⵉ ⵛⴻⴽ ⵉ ⵖⴰ ⵉⵇⴰⴷⴰⵏ ⴷⵉ ⵍⴰⵅⴰⵔⵜ?

7 ⵏⴻⵛⵛ ⵓⵃⵍⴻⵖ ⵙ ⵉⵏⵉⵅⵙⵉⵙⴻⵏ ⵉⵏⵓ.

ⴵⵉⵍⴻⵜ ⵜⴻⴽⵎⴻⵍ ⵙⵙⵓⴼⴼⴻⵖ ⵇⴰⵎⴰ ⵉⵏⵓ,

ⵓⵍⴰ ⴷ ⵜⴰⵙⵙⵓⵜ ⵉⵏⵓ ⵜᵉⵟⵟⴻⴱⵟⴻⴱ ⵇⴰⵄ ⵙ ⵉⵎⴻⵟⵟⴰⵡⴻⵏ.

8 ⵜⵉⵟⵟ ⵉⵏⵓ ⵜⴻⵖⵍⵉ ⵙ ⵡⴻⵛⴹⴰⵏ,

ⴰⵇⴰ-ⵜⵜ ⵜᵉⵜⵜⵡⴰⵛⵛ ⵥⵉ ⵎⴰⵔⵔⴰ ⵉⵖⵔⵉⵎⴻⵏ ⵉⵏⵓ.

9 ⴰⴳⴳⵯⴻⵊⴻⵎ ⵅⴰⴼⵉ, ⵎⴰⵔⵔⴰ ⵉⵏⵏⵉ ⵉⵜⵜⴻⴳⴳⴻⵏ ⵍⵎⵓⵄⵚⵉⵢⵢⴻⵜ,

ⵎⵉⵏⵥⵉ ⵙⵉⴷⵉ ⵉⵙⵍⴰ ⵉ ⵜⵎⵉⵊⵊⴰ ⵏ ⵉⵎⴻⵟⵟⴰⵡⴻⵏ ⵉⵏⵓ. ^■  

10 ⵙⵉⴷⵉ ⵉⵙⵍⴰ ⵉ ⵓⵥⴰⵡⴻⴳ ⵉⵏⵓ,

ⵙⵉⴷⵉ ⴰⴷ ⵉⵇⴱⴻⵍ ⵜⴰⵥⴰⴵⵉⵜ ⵉⵏⵓ.

11 ⵎⴰⵔⵔⴰ ⵍⵄⴻⴷⵢⴰⵏ ⵉⵏⵓ ⴰⴷ ⵜⴻⵏ ⵜⴻⵍⵇⴻⴼ ⵍⴻⴼⴹⵉⵃⴻⵜ ⴷ ⵓⵏⴻⵅⵍⵉⵄ,

ⴰⴷ ⴷⴷ-ⴷⴻⵡⵍⴻⵏ ⵖⴰⵔ ⴹⴻⴼⴼⴰⵔ,

ⴰⴽ-ⴷ ⵡⴻⵔⵎⴰⵛ ⵏ ⵡⴰⴱⵍⵉⵡⴻⵏ ⴰⴷ ⵙⵙⴻⴹⵃⴰⵏ.