1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⴽ-ⴷ ⵓⵥⴻⵏⵥⵓⵏ. ⴰⵥⴻⵀⵀⴻⴷ ⵏ ⴷⴰⵡⵓⴷ.

2 ⴰⵔⵔ-ⴷⴷ ⵅⴰⴼⵉ ⵅⵎⵉ ⴷⴷ ⵜⵜⵍⴰⵖⵉⵖ, ⴰ ⴰⵔⴻⴱⴱⵉ ⵏ ⵜⵙⴻⴳⴷⴰ ⵉⵏⵓ!

ⴷⵉ ⵍⴻⵃⵚⴰⵔⴻⵜ ⴰⵇⴰ ⵛⴻⴽ ⵜⴻⴳⴳⵉⴷ ⴰⵢⵉ ⵜⵜⴰⵙⵉⵄ.

ⵃⵉⵏⵏ ⵅⴰⴼⵉ ⵓ ⵙⴻⵍ-ⴷⴷ ⵖⴰⵔ ⵜⵥⴰⴵⵉⵜ ⵉⵏⵓ!

3 ⵜⴰⵔⵡⴰ ⵏ ⵢⵉⵊⵊ ⵏ ⵡⴻⵔⵢⴰⵥ, ⴰⵍ ⵎⴻⵍⵎⵉ ⵉ ⵖⴰ ⵢⵉⵍⵉ ⵓⵄⵓⴵⵉ ⵉⵏⵓ ⴷ ⵍⵄⴰⵔ?

ⴰⵍ ⵎⴻⵍⵎⵉ ⵉ ⵖⴰ ⵜⴻⵅⵙⴻⵎ ⵍⴱⴰⵟⴻⵍ,

ⴰⴷ ⵜⴰⵔⵥⵓⵎ ⵅ ⵉⵅⴰⵔⵔⵉⵇⴻⵏ? ⵙⵉⵍⴰⵀ.

4 ⵙⵏⴻⵎ ⵅⴻⵏⵏⵉ, ⴰⵇⴰ ⵙⵉⴷⵉ ⵉⵃⵓⵥⵥ ⵉⵊⵊ ⵏ ⵓⵎⴻⴷⴷⵓⴽⴽⴻⵍ ⴰⵎⵜⵉⵇⵇⵉ ⵉ ⵢⵉⵅⴻⴼ ⵏⵏⴻⵙ.

ⵙⵉⴷⵉ ⴰⴷ ⴰⵢⵉ ⵉⵙⴻⵍ ⵅⵎⵉ ⴷ ⴰⵙ ⵉ ⵖⴰ ⵍⴰⵖⵉⵖ.

5 ⴰⵔⵊⵉⵊⵊⴻⵎ, ⵓ ⵡⴰⵔ ⵅⴻⵟⵟⵉⵎ.

ⵙⵉⵡⵍⴻⵎ ⴷⴻⴳ ⵡⵓⵍ ⵏⵡⴻⵎ ⴷⵉ ⵔⴻⵛⵜⵓ ⵏⵡⴻⵎ ⵓⵛⴰ ⵙⵓⵙⵎⴻⵎ. ⵙⵉⵍⴰⵀ. ^■  

6 ⵇⴻⴷⴷⵎⴻⵎ ⵜⵉⵖⴰⵔⵚⴰ ⵏ ⵜⵙⴻⴳⴷⴰ,

ⵜⵜⴻⵛⵍⴻⵎ ⵅ ⵙⵉⴷⵉ. ^■  

7 ⴰⵟⵟⴰⵙ ⵇⵇⴰⵔⴻⵏ: “ⵡⵉ ⴷ ⴰⵏⴻⵖ ⵉ ⵖⴰ ⵉⵙⵙⴻⵛⵏⴻⵏ ⵍⵅⴰⵔ?”

ⴻⵊⵊ ⴰⴷ ⵅⴰⵏⴻⵖ ⴷⴷ-ⵜⴻⵏⵇⴰⵔ ⵜⴼⴰⵡⵜ ⵏ ⵡⵓⴷⴻⵎ ⵏⵏⴻⴽ, ⴰ ⵙⵉⴷⵉ!

8 ⵛⴻⴽ ⵜⴻⵙⵙⵉⴷⴼⴻⴷ ⵍⴻⴼⵔⴰⵃⴻⵜ ⵖⴰⵔ ⵡⵓⵍ ⵉⵏⵓ,

ⴽⵜⴰⵔ ⵅ ⵍⴻⴼⵔⴰⵃⴻⵜ ⵉ ⴷⵉⵏ ⵉⴵⴰⵏ ⴷⵉ ⵍⵡⴻⵇⵜ,

ⵓⵎⵉ ⵜⵓⵖⴰ ⵉⵎⴻⵏⴷⵉ ⵏⵙⴻⵏ ⴷ ⴱⵉⵏⵓ ⵏⵙⴻⵏ ⵏ ⵊⴷⵉⴷ ⴼⴻⵢⵢⴹⴻⵏ.

9 ⴷⵉ ⵍⴻⵀⵏⴰ ⴰⴷ ⵥⵥⵍⴻⵖ ⵓ ⴰⴷ ⵟⵟⵚⴻⵖ,

ⵎⵉⵏⵥⵉ ⵎⵖⵉⵔ ⵛⴻⴽ, ⴰ ⵙⵉⴷⵉ, ⴰⴷ ⴰⵢⵉ ⵜⴻⵙⵙⵥⴻⴷⵖⴻⴷ ⴷⵉ ⵍⴰⵎⴰⵏ. ^■