1 ⴰⵥⴻⵀⵀⴻⴷ ⵏ ⴷⴰⵡⵓⴷ, ⵓⵎⵉ ⵢⴰⵔⵡⴻⵍ ⵥⴻⴳ ⵡⵓⴷⴻⵎ ⵏ ⵎⵎⵉⵙ ⴰⴱⵛⴰⵍⵓⵎ. ^■  

2 ⴰ ⵙⵉⴷⵉ, ⵉⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⴰⵇⴰ ⴽⴻⵜⵜⴰⵔⴻⵏ,

ⴰⵟⵟⴰⵙ ⴰⵇⴰ ⴰⵜⴻⵏ ⴹⵉⴷⴷ ⵉⵏⵓ.

3 ⴰⵟⵟⴰⵙ ⴰⵇⴰ ⵇⵇⴰⵔⴻⵏ ⵅ ⵍⴻⵄⵎⴰⵔ ⵉⵏⵓ:

‘ⵉ ⵏⴻⵜⵜⴰ ⵡⴰⵔ ⴷⵉⵏ ⵉⴵⵉ ⵓⵙⴻⵏⵊⴻⵎ ⵖⴰⵔ ⴰⵔⴻⴱⴱⵉ!’ ⵙⵉⵍⴰⵀ.

4 ⴰⵃⴻⵇⵇⴰ ⵛⴻⴽ, ⴰ ⵙⵉⴷⵉ, ⴷ ⵜⴰⵙⴻⴷⴷⴰⵔⵜ ⵏ ⵓⵙⴻⵍⵇⵉ ⵉ ⵏⴻⵛⵛ, ⴰⵄⵓⴵⵉ ⵉⵏⵓ,

ⵛⴻⴽ ⴷ ⵡⴻⵏⵏⵉ ⵉⵙⵙⴳⴻⵄⵄⴷⴻⵏ ⴰⵥⴻⴵⵉⴼ ⵉⵏⵓ.

5 ⵙ ⵜⵎⵉⵊⵊⴰ ⵉⵏⵓ ⵍⴰⵖⵉⵖ ⵉ ⵙⵉⴷⵉ,

ⵓⵛⴰ ⵏⴻⵜⵜⴰ ⵢⴰⵔⵔⴰ-ⴷⴷ ⵅⴰⴼⵉ ⵥⴻⴳ ⵡⴻⴷⵔⴰⵔ ⵏⵏⴻⵙ ⵉⵇⴻⴷⴷⵙⴻⵏ. ⵙⵉⵍⴰⵀ.

6 ⵙⴻⵏⵏⴷⴻⵖ ⵓⵛⴰ ⵉⴽⴽⴰ ⵅⴰⴼⵉ ⵢⵉⴹⴻⵚ,

ⴼⴰⵇⴻⵖ-ⴷⴷ, ⵎⵉⵏⵥⵉ ⵙⵉⴷⵉ ⵉⵄⴰⵡⴻⵏ ⴰⵢⵉ. ^■  

7 ⵡⴰⵔ ⵜⵜⴻⴳⴳⵯⵉⴷⴻⵖ ⵥⵉ ⵄⴻⵛⵔⴰ ⵏ ⵍⵓⵍⵓⴼ ⵏ ⵍⴳⴻⵏⵙ,

ⵉⵏⵏⵉ ⴷ ⴰⵢⵉ ⴷⴷ-ⵉⵏⵏⴹⴻⵏ, ⵙⵙⴱⴻⴷⴷⴰⵏ ⵉⵅⴻⴼ ⵏⵙⴻⵏ ⵅ ⵉⵖⴻⵥⴷⵉⵙⴻⵏ ⵉⵏⵓ. ^■  

8 ⴽⴽⴰⵔ, ⴰ ⵙⵉⴷⵉ, ⵙⴻⵏⵊⴻⵎ ⴰⵢⵉ, ⴰ ⴰⵔⴻⴱⴱⵉ ⵉⵏⵓ,

ⵎⵉⵏⵥⵉ ⵛⴻⴽ ⵜⴻⵡⵜⵉⴷ ⵎⴰⵔⵔⴰ ⵍⵄⴻⴷⵢⴰⵏ ⵉⵏⵓ ⵖⴰⵔ ⵓⵖⴻⵙⵎⵉⵔ,

ⴰⵇⴰ ⵜⴻⴷⴷⵥⴻⴷ ⵜⵉⵖⵎⴰⵙ ⵏ ⵉⵄⴻⴼⴼⴰⵏⴻⵏ.

9 ⴰⵙⴻⵏⵊⴻⵎ ⴰⵇⴰ-ⵜ ⵏ ⵙⵉⴷⵉ,

ⵍⴱⴰⵔⴰⴽⴰ ⵏⵏⴻⴽ ⴰⵇⴰ-ⵜⵜ ⵅ ⵍⴳⴻⵏⵙ ⵏⵏⴻⴽ. ⵙⵉⵍⴰⵀ. ^■