1 Xzar, mecḥař temɣar Tayri i d aneɣ iwca Tbabat, ařami iřaɣa u igga aneɣ tarwa. S uyenni ddunect war d aneɣ tessin ca, minzi war t tessin ca. ^■   2 A imɛizzen inu, řexxu neccin d tarwa n AREBBI i neǧa, war dd-iḍhar ɛad min ɣa niři. Aqa nessen xmi dd ɣa iban Netta, ad niři amecnaw Netta, minzi ad t nẓar am mammec iǧa Netta. ^■   3 Marra wenni ɣar iǧa usitem-a deg wuř nnes, ad issizdeg ixef nnes, am mammec iǧa Netta d amezdag. 4 Marra wenni itteggen ddnub, ittegg řmuɛṣiyyet, minzi marra ddenb d řmuɛṣiyyet. ^■   5 Tessnem belli Netta iban-dd ḥima ad ikkes ddnub, uca Netta war dayes bu ddnub. ^■   6 Marra wi dayes i ɣa iqqimen, war ittegg ca ddnub. Marra wi itteggen ddnub, war t iẓri, war t issin. 7 A iḥenjiren inu, war tejjim ad kenniw ixarweḍ ḥed. Wenni itteggen tasegda d netta d amseggad am mammec ɛawed Lmasiḥ d amseggad. ^■  

8 Wenni ixeṭṭan d netta zi cciṭan, minzi cciṭan tuɣa d amednub zeg umezwaru. I man aya i dd-iḍhar Mmis n AREBBI: ḥima ad issexsar řexdayem n cciṭan.

9 Marra wenni dd-ittwaxeřqen zi AREBBI, war ittegg ca ddnub, minzi Zzariɛet nnes aqa-tt dayes uca war izemmar ad ixḍa, minzi ittwaxřeq-dd zi AREBBI. ^■  

10 Di man aya ad dd-ḍharen tarwa n AREBBI d tarwa n cciṭan: marra wenni war itteggen tasegda uřa d wenni war ittexsen umas, war iǧi ca zi AREBBI.

11 D ta d tawṣiyyet i tuɣa tesřim zeg umezwaru: ‘Ad texsem ijjen wenneɣni!’ ^■  

12 War iǧi amecnaw Qayin wenni iǧan zeg umɛeffan uca inɣa umas. Mayemmi inɣa umas? S minzi řexdayem nnes tuɣa atent ɛeffnent uca tinni n umas seggdent. ^■  

13 War tedhicem ca, a aytma, mařa ddunect tcarh i kenniw. ^■  

14 Neccin nessen, belli aqa neẓwa zi řmewt ɣar tudart, minzi nexs awmaten nneɣ. Wenni war ittexsen umas, ad iqqim di řmewt. ^■  

15 Marra wenni icarrhen umas d aqettař uca kenniw tessnem belli Tudart ittduman war tzemmar ad teqqim deg ijj n uqettař. ^■  

16 Zi man aya nessen Tayri nnes, aqa Netta issars Tudart nnes deg wemcan nneɣ. Ɛawed ittxeṣṣa aneɣ nican ad nessars tudart nneɣ x aytmatneɣ. ^■  

17 Wenni ɣar iǧa agřa n ddunect uca ittwařa umas izřeḍ, xenni iqqen xas uř nnes, mammec i ɣa tezdeɣ Tayri n AREBBI dayes? ^■  

18 A iḥenjiren inu\bd*, ejj aneɣ war nettexs ijjen wenneɣni s wawař niɣ s iřes, maca s řexdayem u di tidett.

19 S man aya nessen aqa neccin zi tidett uca ad nesseqneɛ uřawen nneɣ qbeř ma ad dd-yas. 20 Minzi mařa iḥkem wuř nneɣ xaneɣ, mecḥař d ameqqran AREBBI x wuř nneɣ! Aqa Netta issen marra. 21 A imɛizzen inu, mařa uř nneɣ war xaneɣ iḥkem, aqa ɣarneɣ ttiqqet zzat i AREBBI, 22 uca man řḥajjet i ɣa nettar, ad tt neksi zzayes, minzi neccin nḥeṭṭa tiweṣṣa nnes uca ad negg min ɣa yarḍan Netta. ^■   23 D ta d tawṣeyyet nnes belli ad namen deg Yisem n Mmis, Yeccu Lmasiḥ uca ad nexs ijj wenneɣni am mammec i d aneɣ yumur. ^■   24 Wenni iḥḍan tiweṣṣa nnes, ad ittwaḥḍa zzayes u Netta izeddeɣ dayes. S man aya nessen belli Netta ad iqqim dayneɣ, zi Arruḥ wenni d aneɣ iwca. ^■