1 Wenni tuɣa din zeg umezwaru, x Wenni nesřa d wenni neẓra s tiṭṭawin nneɣ, d Wenni netwařa u nḥada s ifassen nneɣ, d Wanita i d awem nettbarreḥ: Netta d Awař n Tudart. ^■   2 Aqa Tudart teḍhar, neccin neẓra i-tt, uca ncehhed u nettbarreḥ awem Tudart ittduman, tenni tuɣa ak-d Tbabat uca tᵉttwassargeb-dd i neccin. 3 Min neẓra d min nesřa, ad awem t-i-dd-nesscen, ḥima ɛawed kenniw ad tiřim deg umuni akidneɣ. S tidett, amuni nneɣ ak-d Tbabat u ak-d Mmis Yeccu Lmasiḥ. 4 Aqa nettari-dd man aya i kenniw, ḥima řefraḥet nneɣ ad tiři tekmeř.

5 D wa d Řexbar Aṣebḥan i zzayes nesřa uca ad awem dd-nbarreḥ: AREBBI d Tafawt, Netta war dayes bu jjurret n taǧest. ^■   6 Mařa neqqar, aqa ɣarneɣ amuni akides, uca neggur di taǧest, aqa nessxarriq, war neḍfar ca tidett. 7 Maca mařa nuyur di Tfawt, am Netta di Tfawt, ɣarneɣ amuni ak-d wayawya, uca idammen n Yeccu Lmasiḥ Mmis ad aneɣ ssizedgen zi marra ddnub nneɣ. ^■  

8 Mařa neqqar, war xaneɣ bu ddnub, aqa nessxarriq x yixef nneɣ uca tidett war dayneɣ teǧi. ^■   9 Maca mařa nenɛem s ddnub nneɣ, aqa Netta d amtiqqi d amseggad ḥima ad aneɣ iɣfar ddnub nneɣ uca ad aneɣ issizdeg zi marra min war iseggden. ^■  

10 Mařa neqqar, ‘Neccin war dayneɣ bu ddnub!’, nettarra i-t d bu-ixarriqen uca awař nnes war ɣarneɣ iǧi.