1 Buṭrus, rrasul n Yeccu Lmasiḥ, i yenni ittwafarzen u i ibarraniyyen, inni ittwaẓeǧɛen di Punṭus, Galaṭiya, Kappadukiya, Asiya d Bitiniya, ^□  ■   2 inni ittwafarzen ɛlaḥsab tussna i iǧan ɣar AREBBI Tababat qbeř, s tuqeddest n Arruḥ, i ṭṭaɛet u i urucci s idammen n Yeccu Lmasiḥ: arḍa d řehna ad daywem immarni. ^■  

3 Lbaraka i AREBBI, Tababat n Siditneɣ Yeccu Lmasiḥ wenni d aneɣ dd-yejjin zi jdid s arreḥmet nnes tameqqrant, s tnukra n Yeccu Lmasiḥ maḥend ad tiřim d asitem iddaren, ^■   4 maḥend ad ɣarwem yiři ijj n řwart war ifenni, war ittwabeqqeḍ, war ittesřiw, wenni i d awem ittwasswejden deg ijenwan, ^■   5 am tᵉttwaḥḍam kenniw s jjehd n AREBBI, u s l’iman, i Tudart i iwejden ḥima ad tᵉttwasseḍhar di řweqt taneggarut, 6 i di i ɣa tfarḥem i řebda, waxxa tḥeznem řexxu drus zi ssibbet n ɛřam kuř iɣekkwan i xawem dd-ittekken, ^■   7 ḥima taqeǧebt n l’iman nwem, tenni tiɣřa x wureɣ iqquren wenni ittwasiṣfen zi tmessi, ad tiři i usemɣar d ccan d uɛuǧi x minni i dd-ɣa iḍhar Yeccu Lmasiḥ, ^■  

8 wenni war t teẓrim, waxxa amenni tᵉttexsem t. U tfarrḥem s l’iman nnes s ict n řefraḥet iɛuǧen war izemmar ad zzayes inṭeq iřes, ^■   9 belli ad tᵉtteṭṭfem řmunet n l’iman nwem, aqa-tt d Tudart n buḥbeř nwem.

10 Tudart-a tuɣa arezzun xas inabiyyen, inni tuɣa ittnabben x arḍa i d awem dd-ikkaren, ^■  

11 umi tuɣa arezzun man řweqt i d asen isscen Arruḥ n Lmasiḥ i daysen izeddɣen, u man řweqt i xef tuɣa icehhed, aqa ad dd-yas uweddeb i ɣa ikken x Lmasiḥ uřa d aɛuǧi nnes awarni man aya. ^■  

12 Aqa ittwassargeb asen, aqa marra min xef tuɣa arezzun, aqa war t arzun di tizi nsen, maca di tizi nneɣ tuɣa ttnabben nitni x tmesřayin i d awem ittwassargben řexxu s tmesřayin i d awem nbeccar s Arruḥ Iqeddsen wenni dd-ittwassekken zeg ujenna, mani uřa d lmalakat ttwajebdent ad daysent neṭḥen. ^■  

13 S uyenni ḥezmem řxansra n řeɛqeř nwem, iřim ttfaqem, uca smunem marra asitem nwem di řefrahet i d awem ɣa yawḍen xmi dd ɣa iḍhar Siditneɣ Yeccu Lmasiḥ. ^■  

14 Iřim amecnaw tarwa iṭaɛen, war dd-tdekkwiřem tcarrcem di nnecwat nwem tinni tuɣa teḍfarem qbeř umi tuɣa kenniw ɛad d iqubbaniyyen,

15 Iřim d imqeddasen di marra min tᵉtteggem, amecnaw Netta wenni xawem dd-iřaɣan aqa-t d amqeddas, ^■  

16 minzi tura:

“Iřim d imqeddasen, minzi uřa d Necc d Amqeddas!” ^■  

17 U mařa tᵉttřaɣam i Tbabat, wenni war itteggen s iɣembab, d wenni iḥekkmen kuř ijjen ɛlaḥsab řexdayem nnes, xenni uyurem s tiggʷudi di řweqt-a umi kenniw ɛad d ibarraniyyen danita, ^■  

18 umi tessnem belli kenniw war tᵉttwafdim s nnuqart d wureɣ ifennan zi řexdayem nwem ibeḍřen tenni i d awem sellmen řejdud nwem, ^■  

19 maca s idammen iɣřan n Izmar war dayes bu řɛib war ibeqqḍen, aqa-t d Lmasiḥ. ^■   20 Netta tuɣa ittwafarz i man aya qbeř ma ad ittwagg dsas n ddunect, uca ittwasseḍhar awem-dd řexxu deg ikuden ineggura n řweqt di ṭṭweɛ nwem, ^■   21 i kenniw inni zzayes ittamnen di AREBBI, wenni t-i-dd-issnekkaren zi taddart n imettinen uca iwca as aɛuǧi ḥima l’iman d usitem nwem ad iřin x AREBBI, ^■  

22 ḥima ad ttwaqeddsen řeɛmur nwem s ṭṭaɛet i tidett, ad ttwaɛemmaren s tayri, břa ma ad teggem s wudmawen, ad texsem ayawya s wuř izdig ikmeř, ^■   23 am iwdan i dd-ittwaxeřqen zi jdid, war iǧi zi zzariɛet ifennan, maca zi tenni war ifennin, aqa zeg Wawař iddaren n AREBBI i ittduman i řebda. ^■  

24 “Minzi marra arrimat n weysum amecnaw řeḥtic,

uca marra aɛuǧi nnes amecnaw tawardect jar řeḥtic.

Řeḥtic ad isřaw, tawardect ad tewḍa, ^■  

25 maca Awař n AREBBI ittɣima i řebda qaɛ.

Awař-a netta d Řexbar Aṣebḥan wenni d awem dd-ittwabarrḥen.”