1 S uyenni neccin ɛawed, umi d aneɣ dd-nnḍen marra řechud-a am iseynuten, ad nenḍar marra ddqeř n ddenb i d aneɣ dd-isswejden i řebda. Ejj aneɣ ad nuyur s ṣṣbar amḥizwar nni x aneɣ dd-immarsen ɣar zzat. ^■   2 Ejj aneɣ ad nenḍar tiṭṭawin di Yeccu, Amgewwad d Umkemmeř n l’iman nneɣ, wenni, zi ssibbet n řefraḥet i ɣares, yarbu ṣṣalib, war t icqi ubehdeř, uca iqqim x yeffus n řɛarc n AREBBI. ^□  ■   3 Xzarem mliḥ, mecḥař i iksi Netta zeg imednab, inni d iɣrimen n řeɛmur n yixef nsen, ḥima war tᵉttiḥřem u war tarexxum ca di řeɛmar nwem.

4 Aqa kenniw, war truḥem ca tiggʷejem ak-d ddenb, war temmɛařim ca ař usizzeř n idammen nwem, ^■   5 Tᵉttum taɣuri i xawem issawařen am iḥenjiren:

“Mmi inu, war ttegg ca s weɛrur x ttarbiyyet n SIDI,

war ttiři ca d amarxu di řeɛmar nnek,

xmi i ɣa tᵉttwawebbxed zzayes. ^■  

6 Minzi wenni ittexs SIDI,

yarebba t s uqessaḥ,

uca iḥenjiren nnes i xas iɛizzen,

iksi ten kuř ijj zzaysen ɣar uɣezdis.” ^■  

7 Mařa teksim ttarbiyyet, AREBBI ittegg awem am iḥenjiren nnes. Minzi man mmis wenni babas war t yarebbi ca s uqessaḥ? 8 Maca mařa aqa kenniw břa ttarbiyyet i di ccarcen marra, řexdenni kenniw d tarwa n farq-ccɣeř, war iǧi d arraw. 9 Mařa neksi ttarbiyyet zi babatneɣ ɛlaḥsab arrimet uca nweqqar i-ten, mecḥař d aneɣ ittxeṣṣan ad nṭaɛ i Babatneɣ ɛlaḥsab arruḥ uca ad neddar!

10 Minzi nitni webbxen aneɣ ca n wussan ɛdun am mammec d asen ittɣiř mliḥ, maca AREBBI igga i-tt i tizi nneɣ, ḥima ad ncarc di tqeddast nnes.

11 Aqa war din uřa d ict n ttarbiyyet s uqessaḥ ittbanen d řefraḥet maca d řeḥriq, maca awarni as tiwi-dd řɣiǧet n řehna d tsegda i yenni zzayes ittwadarrben.

12 S uyenni sgeɛɛdem xenni ifassen yarxun d ifadden yarehfen, ^■  

13 uca ggem nican iṣuraf n iḍaren nwem ḥima min iǧan d aneɛḍab war ittefriɣ ca, maca ad iggenfa.

14 Ḍfarem-dd řehna ak-d marra d tuqeddsi, tenni břa zzayes war iẓar ḥed Siditneɣ. ^■  

15 Ɣarwem aqa uřa d ijj jar awem ad ittwaf inqes as arḍa n AREBBI, niɣ aqa ad iɣmi weẓwar n tarzugi, ad kenniw iḍarr uca xenni ad zzayes ttwaxemjen aṭṭas, ^■  

16 niɣ war ittwiff ḥed jarawem wenni d bu-farq-ccɣeř niɣ d ameqjuḥ amecnaw Ɛisu, wenni izzenzen řḥeqq n umenzu nnes x ijj n macca. ^■  

17 Minzi aqa tessnem, belli awarni man aya tuɣa yarezzu ɛad ad iwart lbaraka, maca yugi as, maɣar war yufi ca ttasiɛ i weɛdař, waxxa yarezzu t s imeṭṭawen. ^■  

18 Minzi kenniw war tiwiḍem ca ɣar wedrar wenni nzemmar ad nḥada u ɣar tmessi yarɣin d tbarcant d taǧest d tḥaryaḍt, ^■  

19 niɣ ɣar zzhir n řbuq d řḥess n wawařen di ssibbet nnes inni d as isřin zawgen maḥend war kidsen ssiwiřen ɛad. ^■   20 S minzi war zemmaren x ddqeř n tweṣṣa: “Waxxa mařa ɣar iḥada umuddar adrar, ad ittwarjem netta.” ^□  ■   21 Řami tt ẓrin, tudef i-ten tiggʷudi, ařami Musa inna: “Aqa ggʷedeɣ u arjijeɣ!” ^■  

22 Maca kenniw tiwḍem ɣar wedrar n Ṣihyun, ɣar Tendint n AREBBI iddaren, Urcalim n ujenna u ɣar ɛecra n řuřufat n lmalakat, ^■   23 ɣar tmesmunt n imenza, inni ittwazemmemen deg ijenwan, u ɣar AREBBI, Řqaḍi x marra u ɣar arruḥat n imseggaden nni iwḍen ɣar řekmaret, ^■   24 u ɣar Yeccu, Amseṣřaḥ n Řɛahd n Jdid u ɣar idammen n urucci, inni issawařen ḥsen zeg inni n Habil. ^■  

25 Ɣarwem war tagim ca wenni issawařen, minzi mařa inni war ittwasnejmen řami ugin wenni issawařen di temmurt, mahu ɛad neccin, mařa nḥeyyed zeg Wenni iǧan zeg ijenwan, ^■   26 Wenni tmijja nnes tuɣa tessenhezza tammurt, maca řexxu aqa iwaɛd Netta, iqqar:

“Ɛad ict n twařa ɛawed ad ssenhezzeɣ

maci tammurt waha, aqa uřa d ajenna.” ^■  

27 Awař-a: ‘Ict n twařa!’, aqa imřa belli ad ittwakkes min ittenhezzan minzi man aya ittwagg, ḥima ad qqiment tmesřayin war ttenhezzint.

28 S uyenni am neṭṭef tageldit war ittenhezzin, ad neṭṭef di arḍa i zi nettsexxar u nessarḍa AREBBI s uweqqar d tiggʷudi. ^■   29 Minzi AREBBI nneɣ d timessi ittetten. ^■