1 Ejj aneɣ ad neggʷed xenni, aqa uřa d ijj zzaywem, mintra ɛad din ijj n lwaɛd n wadaf di arraḥet nnes, ad iḍhar ittɣima ɣar ḍeffar ɣar wadaf. 2 Minzi ittwabarreḥ Řexbar Aṣebḥan ɛawed i neccin, am ittwabarreḥ uřa i nitni, maca awař war d asen infiɛ i yenni d as isřin, minzi tuɣa war dd-ittis ca ak-d l’iman deg inni d as isřan. 3 Minzi neccin, inni yumnen, ad nadef ɣar arraḥet am mammec inna:

“Am mammec jjuǧeɣ deg weɣḍab inu:

‘Nitni war dd-ttidfen ca ɣar arraḥet inu!’ ”,

waxxa řexdayem n AREBBI aqa ttwakemmřent zeg wami tᵉttwagg ddunect. ^■   4 minzi inna x wass n ssebt:

“Yareyyeḥ AREBBI zi marra řexdayem nnes

deg wass wiss sebɛa.” ^■  

5 Uca ɛawed danita inna awař-a:

“War dd-ttidfen ca di arraḥet inu!” ^■  

6 Umi teqqim belli marra zemmaren ad dd-adfen ɣar arraḥet-a, maca inni umi ittwabarreḥ s Řexbar Aṣebḥan ɣar umezwaru war udifen ca x ssibbet n řmuɛṣiyyet nsen, 7 aqa Netta izeyyar zi jdid awarni aṭṭas n řweqt ijj n wass nneɣni, am mammec ittwari qbeř aqa Dawud inna:

“Ass-a mařa tesřim i tmijja nnes,

war sseqsiḥem ca uřawen nwem!” ^■  

8 Minzi mařa tuɣa Yacuwa, mmis n Nun, aqa issidef i-ten di arraḥet, war ɣares ittiři ɛad řhard x ijj n wass nneɣni awarni man aya. 9 S uyenni itxeṣṣa i řgens n AREBBI ad iqqim ittᵉṭṭef deg ict n arraḥet n ssebt.

10 Minzi wi yudfen ɣar arraḥet nnes, aqa netta ad yareyyeḥ zi řexdayem nnes am mammec AREBBI zi tinni nnes.

11 Jjem aneɣ xenni ad nemkabar ḥima ad nadef ɣar arraḥet nni, maḥend war nweṭṭi am mammec wḍan inni war iṭṭiɛen.

12 Minzi Awař n AREBBI iddar, ixeddem mani mma, iqḍeɛ ktar zi kuř ssif s tnayen n wudmawen, ittakkwaḍ ař abeṭṭu n řeɛmar d arruḥ d řemfaṣeř d waḍuf, uca iḥekkem x tnawi d ixarriṣen n wuř. ^■  

13 War din uřa d ict n tmesřact i zzayes dd-ittwaxeřqen tᵉttwasnuffar zzayes, maca marra timesřayin aqa atent ttwaɛarryent, ttwarezzment ɣar tiṭṭawin n wenni umi i-k-dd i ɣa negg řeḥsab. ^■  

14 S uyenni am ɣarneɣ Arrays n ikehhanen imɣar, Yeccu Lmasiḥ, Mmis n AREBBI wenni issgeɛɛden ɣar ujenna, ejj aneɣ ad ncebbar di cchadet nnes, ^■  

15 minzi war ɣarneɣ arrays n ikehhanen war izemmar ad yaca ak-d tuḍɛeft nneɣ, maca Ijjen wenni ittwajarrben di marra am neccin, maca břa ddenb. ^■  

16 Ad dd-nqarreb xenni s ttiqqet ɣar řɛarc n arḍa, ḥima ad neksi arreḥmet uca ad naf arḍa di řweqt n řmeḥnet. ^■