1 S uyenni, a aytma imqeddasen, inni ittwařaɣan s třaɣit n ujenna, xzarem ɣar Rrasul wanita, ɣar Arrays n ikehhanen n cchadet nneɣ, Yeccu Lmasiḥ, ^□  ■   2 wenni d amtiqqi i wenni i-t-i-dd issgeɛɛden, am mammec tuɣa Musa d amtiqqi x marra taddart nnes. ^■   3 Minzi aɛuǧi n Wanita d ameqqran s waṭṭas x wenni n Musa, am ccan n ubennay n taddart imɣar x ccan n řebni nnes. 4 Minzi marra taddart tᵉttwabna zeg ijjen, maca wenni ibennan marra d AREBBI. ^■   5 Tettwawekkeř i Musa marra taddart nnes am i yijj n umsexxar, maḥend ad iched x tmesřayin min xef ɣa issiweř netta. ^■   6 Maca Lmasiḥ am Tmemmit ittwagg x taddart nnes, u taddart nnes d neccin, mařa neqqim nᵉtteṭṭef di ttiqqet u di řemɣaret n usitem nnes ař aneggar. ^■  

7 Minzi Arruḥ Iqeddsen inna:

“Aqa ass-a mařa tesřim tmijja nnes, ^■  

8 war ttesseqsiḥem ca uřawen nwem maḥend ad t tesɛarem,

amecnaw inni iɣewwɣen,

u amecnaw deg wass n ujarreb di řexřa, ^■  

9 umi d ayi jarrben řejdud nwem, qeǧben ayi,

am ẓrin timegga timeqqranin inu arebɛin n iseggʷusa.

10 S uyenni ɛiffeɣ zi jjiř nni, nniɣ:

‘Wa d ijj n řgens i iweddaren deg wuř nnes

nitni war ssinen ca ibriden inu!’,

11 ařami jjuǧeɣ deg weɣḍab inu:

‘War dd-ttidfen ca ɣar arraḥet inu!’ ” ^■  

12 S uyenni, a aytma, ḥḍam ḥima ɛemmarṣ war ittiři ḥed zzaywem ɣares uř d aɛeffan i war ittimnen umi ɣa taggʷejem x AREBBI iddaren,

13 maca qeǧbem ixef nwem kuř ass ař ass umi qqaren: ‘Ass-a!’, ḥima uřa d ijj zzaywem war itteqsiḥ ca s wecmat n ddenb.

14 Minzi nettwasmun ak-d Lmasiḥ, mařa neqqim ncebbar di Řɛahd-a d amtiqqi zeg umezwar ař aneggar.

15 Am mammec ittwanna:

“Ass-a, mařa tesřim tmijja nnes,

war tesseqsiḥem ca uřawen nwem

maḥend ad t tesɛarem.” ^■  

16 Xenni min iɛnan nitni inni isřin t, xenni ɣewwɣen? Ma war ǧin nitni marra d inni dd-iffɣen zi Miṣra s ufus n Musa?

17 Zi man wen iɛiff Netta xenni arebɛin n iseggʷusa? Ma war iǧi zeg yenni ixḍan, inni umi iwḍan iɣsan nsen di řexřa? ^■  

18 I umi ijjuǧ Netta, belli war dd-ttidfen ca di arraḥet nnes, ma war iǧi i yenni war dd as itteggen array waha? ^■  

19 Aqa nettwařa belli nitni war zemmaren ad adfen x ssibbet n břa l’iman nsen.