1 S uyenni ittxeṣṣa aneɣ ad newc taynit ktar i min nesřa, ḥima war netteffiɣ zeg webrid. 2 Minzi, mařa awař i nnan lmalakat tuɣa tbedd, u marra wi t isřin, maca iɛdu xas, aqa ittwaxeǧeṣ s řḥeqq, ^■   3 mammec i ɣa negg ad narweř neccin, mařa nesseḥqara timesřayin i iǧan d Tudart i neccin, timesřayin i xef tuɣa issawař Siditneɣ ɣar umezwaru, uca xenni ttwaḍemnent aneɣ ɛawed zeg yenni jar aneɣ tent zzayes isřin, ^■   4 umi AREBBI iched akidsen s řeɛřamat d lmuɛjizat d řeɛjayeb ifarzen u s tmewci n Arruḥ Iqeddsen, tinni immewcen am mammec ixs Netta. ^■   5 Minzi war issars ca ddunect i dd ɣa yasen x tenni nessiweř sadu řumur n lmalakat, 6 maca am mammec cehhdent u qqarent Tira Iqeddsen:

“Min iɛna bnadem, aqa Cek i dayes ittxarraṣen,

u min iɛna mmis n bnadem, aqa Cek i dayes itthillan? ^■  

7 Cek teggid t cwayt sadu lmalakat,

teggid as ijj n ttaj n uɛuǧi d ccan x uxeǧif nnes

uca tewcid as ṣṣulṭa x řexdayem n ifassen nnek.

8 Aqa marra timesřayin teggid tent sadu iḍaren nnes.”

Umi igga marra timesřayin sadu Netta, aqa war ijji walu war t iggi sadu Netta. Maca řexxu war nẓar ɛad marra ittwagg sadu Netta, ^■   9 maca nettwařa belli Netta d Yeccu, wenni tuɣa ittwaggen cwayt sadu lmalakat di ssibbet n uweddeb n řmewt nnes, nettwařa i-t s ttaj n uɛuǧi d ccan, maɣar AREBBI iqqas řmewt i marra ɛlaḥsab arḍa nnes. ^■  

10 Minzi tuɣa ittřiq as i Netta s Wenni u i Wenni ǧant marra tmesřayin, - Netta d Wenni i dd-ittawyen aṭṭas n iḥenjiren ɣar uɛuǧi - , maḥend ad ikemmeř Uzeǧif n Tudart nsen Ixef nnes s uweddeb nnes.

11 Minzi d Wenni issqeddsen u inni ittwaqeddsen, nitni marra d ijjen. S uyenni Netta war isseḍḥi ca ad asen iřaɣa awmaten nnes, ^■  

12 umi inna:

“Ad barrḥeɣ i wawmaten inu s Yisem nnek,

di řwest n tmesmunt ad Cek ṣebbḥeɣ.” ^■  

13 Uca ɛawed:

“Necc ad dayes ttiqqeɣ!”

Uca ɛawed:

“Aqa da, Necc d tarwa inni d ayi iwca AREBBI.” ^■  

14 Am carcen tarwa deg weysum d idammen uřa d Netta simant nnes icarc ammu kifkif di man aya, ḥima ad ibeṭṭeř s řmewt nnes wenni ɣar teǧa ṣṣulṭa x řmewt, aqa netta d cciṭan, ^■  

15 u ḥima ad ifekk marra inni isseɛddun qaɛ tudart nsen am isemɣan zi tiggʷudi n řmewt. ^■  

16 Minzi řmewt war ɣares teǧi ṣṣulṭa x lmalakat, maca řmewt ɣares ṣṣulṭa x zzariɛet n Ibrahim.

17 S uyenni tuɣa ittxeṣṣa as ad idweř amecnaw awmaten nnes zi marra iɣezdisen, ḥima ad idweř d Arrays n ikehhanen arḥim d amtiqqi di min iǧan i AREBBI, maḥend ad isseṣřeḥ ddnub n iwdan. ^■  

18 Minzi min di tuɣa Netta simant nnes iweddeb u ittwajarreb, aqa izemmar ad iɛawen inni ittwajarrben. ^■