1 Deg wussan iɛdun issiweř AREBBI di marra ikuden u deg waṭṭas n ibriden ak-d řejdud nneɣ s inabiyyen. 2 Deg wussan-a ineggura aqa issiweř akidneɣ s Mmis, wenni igga d Awrit n kuřci, s Wenni ɛawed igga ddunect. ^■   3 Minzi Netta d talellect n uɛuǧi nnes uřa d tteswirt n Simant nnes, u Netta d wenni yarebbun marra timesřayin s jjehd n wawař nnes. Aqa Netta issizdeg ddnub nneɣ deg Yixef nnes, uca iruḥ iqqim ɣar yeffus n Lɛaḍim di řuɛřa. ^■   4 Netta yuɛřa aṭṭas x lmalakat am Isem i iṭṭef d řwart aqa icna x wenni nsen.

5 Minzi i man ten zi lmalakat inna AREBBI:

“Mmi i teǧid Cek, ass-a Necc jjiɣ-dd Cek!”,

uca ɛawed inna:

“Necc ad as iřiɣ d Babas u Netta ad ayi yiři d Mmi”? ^■  

6 Uca xenni xmi dd-issidef amenzu ɣar ddunect, inna:

“Ad as sejden marra lmalakat n AREBBI.” ^■  

7 Uca x lmalakat inna:

“Netta igga lmalakat nnes d isemmiḍen,

uca imsexxaren nnes d ict n tmessi itteḥduduqen”, ^□  ■  

8 Maca x Memmi:

“Řɛarc nnek, a AREBBI, aqa iǧa i řebda qaɛ.

Taɣɣarct n tgeldit nnek, aqa-tt d taɣɣarct teṣfa. ^■  

9 Aqa texsed tasegda, tcarhed řɣar.

S uyenni aqa idhen i c AREBBI, AREBBI nnek,

s zzect n řefraḥet sennej i imɛacaren nnek.” ^■  

10 Uca xenni:

“Zeg ubeddu teggid Cek dsas n temmurt,

uca ijenwan ǧan d řxedmet n ifassen nnek. ^■  

11 Ina ad ttwateḥḥan, maca Cek ad tdumed,

uca ina marra ad arcan am warruḍ. ^■  

12 Amecnaw ijj n useřham ad ten ttḍefsed.

Ad ttwabeddřen am warruḍ,

maca Cek ad tiřid d wenni uca iseggʷusa nnek war qeṭṭin ca.” ^■  

13 U i man ten zi lmalakat inna ijj n wass:

“Qqim ɣar yeffus inu

ař d ɣa ggeɣ řɛedyan nnek d tanebdat sadu iḍaren nnek”? ^■  

14 Ma war ǧint nitenti d arruḥat i tsexxart, ttwasekkent-i-dd ḥima ad sexxarent i yenni ɣa iwarten Tudart?