1 Maca cek, siweř min ittřiqen i tɣuri n ṣṣaḥ.

2 Seřmed iwessaren maḥend ad iřin faqen, ad uyuren s utebbet d tazdugi, u s l’iman n ṣṣaḥ u s tayri d ṣṣbar. 3 Seřmed tiwessura ɛawed ammu, maḥend ad ggurent am ittřiq ak-d tiggʷudi zi AREBBI, war ttceqqifent ca, war wcint i binu, maca ejj i-tent ad ssřemdent min iṣebḥen, ^■   4 ḥima ad cejjɛent timɣarin timeẓyanin ad uyurent s uweqqar, ad xsent iryazen nsent d tarwa nsent, 5 uca ad daysent yiři utebbet d tazdugi, ad wcent taynit i ayt bab n taddart nsent, ad ggent array i yeryazen nsent, ḥima uřa d ijj war ittwaceqqef ca deg wawař n AREBBI. ^■  

6 Cejjɛet ɛawed ibřiɣen ḥima ad uyuren am ayt n řeḥřař. 7 Egg ixef nekk di marra d lmatal n řexdayem tiṣebḥanin u xmi tessřemded, ejj awař nnek ad yiři d ṣṣeḥ, ^■   8 s tsexxayt, břa řɣecc uca uřa d ijj ad t isseḥqar, ař ɣa iseḍḥa bu-tɣennant umi war izemmar ad xaneɣ issiweř s uřa d ijj n wawař issfeṭṭaḥen. ^■  

9 Ittxeṣṣa i imsexxaren ḥima ad ṭṭaɛen i aytbab nsen, ad asen arḍan di marra, war ten ttɛekksen, ^■  

10 war ttacaren, maca ad ssecnen řmanet nsen icnan, ḥima tɣuri n AREBBI, Řɛunṣar nneɣ n Tudart, ad as ittwagg ccan.

11 Minzi arḍa n AREBBI i usenjem n marra, aqa iffeɣ-dd i marra iwdan,

12 ḥima ad aneɣ tarebba maḥend ad nettejj řeqjaḥet d nnecwat n ddunect, ḥima ad neddar di ddunect-a s utebbet d tsegda s uweqqar i AREBBI, ^■  

13 am nettraja asitem ittwabarken uřa d asargeb n uɛuǧi n AREBBI ameqqran d Řɛunṣar nneɣ n Tudart, Yeccu Lmasiḥ, ^■  

14 wenni i xaneɣ iwcin ixef nnes, maḥend ad aneɣ isellek zi marra řmuɛṣiyyet, ḥima ad issizdeg i yixef nnes ijj n řgens imeḥḍen i řexdayem tiṣebḥanin. ^■  

15 Siweř x man aya, ziyyar u webbex s marra jjehd, war tejji ḥed ad cek isseḥqar. ^■