1 S uyenni ttzawgeɣ kenniw, ḥima sennej i marra ad tqarrbem ɣar AREBBI s tutra d tẓaǧitin d tkessit s řmeɛruf d uqadi di ṭṭweɛ n marra iwdan, 2 di ṭṭweɛ n ijeǧiden d marra inni iǧan d imezwura, ḥima xenni ad neddar di řehna d řhudnet u s marra tiggʷudi d tezdugi zzat AREBBI, ^■   3 minzi man aya d aṣebḥan u yusa as-dd i řxaḍar i AREBBI, Řɛunṣar nneɣ n Tudart, 4 wenni ixsen aqa marra iwdan ad ṭṭfen Tudart uca dewřen-dd ɣar tussna n tidett. ^■   5 Minzi aqa din ijj n AREBBI d ijj n Umseṣřaḥ jar AREBBI d iwdan, aqa Netta d bnadem Yeccu Lmasiḥ, ^■   6 wenni iwcin ixef nnes d ttaman n weṣřaḥ i marra bnadem, aqa-tt d cchadet i dd-yusin di řweqt nnes, ^■   7 i umi ttwaggeɣ d ambarreḥ d rrasul, - aqa qqareɣ tidett, war ssxarriqeɣ ca - , uřa d amseɣɣar n řegnus di l’iman n tidett. ^□  ■  

8 Xseɣ xenni belli iryazen ad ẓẓaǧen manimma, am ssgeɛɛaden ifassen nsen s tezdugi, břa axeyyeq d umcubbec. ^■  

9 Ammu uřa d timɣarin ad yarḍent s uweqqar, ittxeṣṣa ad zehhjent ixef nsent s řeḥya u s uhedden, war iǧi s umudi n ucewwaf niɣ s wureɣ niɣ s tyaqutin niɣ s warruḍ iɣřan, ^■  

10 maca ad zehhjent ixef nsent s řexdayem iṣebḥen am mammec dd-yusa x temɣarin, tinni ittnejbaden ɣar uweqqar n AREBBI.

11 Ejj tamɣart ad teřmed di řhudnet, ak-d marra tamwaḍeɛt,

12 maca necc war ttejjiɣ tamɣart ad tesseřmed niɣ ad ɣares yiři jjehd x weryaz, maca ad tiři tesqar. ^■  

13 Minzi Adam ittwagg d amezwar, awarni as Hawa. ^■  

14 Uca Adam war ittwaɣarr ca, maca tamɣart tᵉttwaɣarr, xenni texḍa, ^■  

15 Maca ad tenjem s tarwa nnes, mařa cebbaren nitni di l’iman d tayri d tqeddast d řeḥya.