1 Bulus d Silwanus d Timutiyu, i tmesmunt n Itissalunikiyyen, tenni iǧan di AREBBI, Babatneɣ, u di Siditneɣ Yeccu Lmasiḥ. 2 Arḍa d řehna zi AREBBI, Babatneɣ, u zi Siditneɣ Yeccu Lmasiḥ ad kiwem iřin. ^■  

3 Icuwwar ad nqada AREBBI i kenniw řebda, a aytma, am mammec ittřiq, minzi l’iman nwem imeqqar aṭṭas uca tayri n kuř ijjen zzaywem marra i wenneɣni tarenni tmeqqar ktar, ^■   4 ař i ɣa nettfeyyec xawem aṭṭas di tmesmunin n AREBBI x ssibbet n ṣṣbar nwem d l’iman nwem di marra adarrec nwem u di řemḥayem nni teksim. ^■   5 Man aya d lburhan n řḥukm isseggden n AREBBI, aqa tᵉttwaḥasbem tesdaheǧem Tageldit tenni i xef teksim amarret. ^□  ■   6 U minzi d řḥeqq zzat i AREBBI umi ɣa ixeǧeṣ s řeḥṣaret i yenni kenniw iḥeṣṣaren, ^■   7 xenni ad awem isseddar, kenniw inni ittwaḥṣaren akidneɣ, ɣar usargeb n Siditneɣ Yeccu zeg ujenna ak-d lmalakat nnes, ^■   8 x minni i ɣa intaqem di tmessi itteḥduduqen x yenni war issinen ca AREBBI u x yenni war isřin i Řexbar Aṣebḥan n Siditneɣ Yeccu Lmasiḥ. ^■   9 Minzi ina ad ttwaɛaqben di řḥukm s uhellek i řebda, ad iřin iggʷejen x wudem n Siditneɣ u x uɛuǧi n jjehd nnes, ^■  

10 xmi dd ɣa yas Netta ḥima ad ittwaɛuǧi deg wass nni di marra imqeddasen nnes u ḥima ad isscen řeɛjayeb nnes s yenni dayes yumnen, minzi tumnem zi cchadet nneɣ i kenniw deg wass nni. ^■  

11 S uyenni nkessi awem řmeɛruf řebda, ḥima AREBBI nneɣ ad kenniw yegg ad tiřim tesdahǧem tařaɣit nwem u ḥima ad ikemmeř daywem s jjehd marra arḍa di tcuni u di řexdayem n l’iman,

12 ḥima ad daywem ittwaɛuǧi Isem n Siditneɣ Yeccu, uca uřa d kenniw dayes, ɛlaḥsab arḍa n AREBBI nneɣ u n Siditneɣ Yeccu Lmasiḥ.