1 Maca zi jjihet n ikuden d tsaɛɛetin, a aytma, aqa nhřa ma ad awem dd-ariɣ. 2 Kenniw simant nwem tessnem nican aqa ass n Siditneɣ ad dd-yas am uceffar di ǧiřet. ^■   3 Xmi i ɣa inin nitni: ‘Aqa řehna d řhudnet!’, řexdenni ad xasen ikk wareyyeb deɣya, am ttekken řewjeɛ n tarut x temɣart tenni s ddeyset uca war din mani i ɣa yarewřen. ^■   4 Maca kenniw, a aytma, war teǧim ca di taǧest maḥend ad xawem-dd iwḍa wass nni am uceffar, ^■   5 maɣar kenniw marra d tarwa n tfawt d tarwa n wass. War neǧi ca n ǧiřet niɣ n taǧest. ^■   6 S uyenni ittxeṣṣa aneɣ war netteṭṭeṣ amecnaw inneɣni, maca ad niři nfaq u neḥḍa, ^■   7 minzi inni ittᵉṭṭṣen, aqa ttᵉṭṭṣen di ǧiřet, u inni isscaren, aqa sscaren s ǧiřet, 8 maca ejj aneɣ inni iǧan n wass, ad niři neḥḍa, aqa nḥezzem idmaren nneɣ s warruḍ n wuzzař n l’iman d tayri, u s lkask n usitem n Tudart x uzeǧif. ^■   9 Minzi AREBBI war d aneɣ yeggi i weɣḍab, maca ḥima ad neṭṭef Tudart di Siditneɣ Yeccu Lmasiḥ,

10 wenni xaneɣ immuten, ḥima neccin, ma nfaq niɣ neṭṭeṣ, ad kides neddar. ^■  

11 S uyenni cejjɛem, bnam ijjen wenneɣni am t teggim ɛawed.

12 Maca nettar zzaywem, a aytma, ad tessnem inni itteggen tizemmar aṭṭas jar awem d inni iǧan xawem di Siditneɣ d inni kenniw isseřmaden, ^■  

13 maḥend ad ttweqqaren zzaywem s tayri ktar, u iřim di řehna akidsen zi ssibbet n řxedmet nsen.

14 Neɛřem awem, a aytma, ad tᵉseggmem inni dd-iffɣen zeg usettef, ggem uř deg inni war ɣarsen teǧi teryast, ɛawnem inni iḍeɛfen, iřim d iṣebbaren ak-d marra.

15 Ḥḍam maḥend uřa d ijj war ittentiqim řɣar s řɣar, maca arzum řebda min iṣebḥen ak-d wayawya uca i kuřci. ^■  

16 Farḥem řebda, ^■  

17 ẓẓaǧem břa qeṭṭu, ^■  

18 qadem di marra timesřayin, minzi d man aya min ixs AREBBI di Yeccu Lmasiḥ i kenniw. ^■  

19 War ssxessyem ca Arruḥ, ^■   20 u war seḥqaram nnubawat, 21 maca weznem qaɛ min iǧan uca ṭṭfem ɣar min iṣebḥen. ^■  

22 Aggʷejem x marra min iǧan ddab n tuɛeffna. ^■   23 Aqa AREBBI n řehna, ad kenniw iqeddes marra uca ad iḥḍa marra arruḥ d řeɛmar d arrimet nwem břa řɛib ař tawasit n Siditneɣ Yeccu Lmasiḥ. ^■   24 Aqa d Wenni xaneɣ-dd ittřaɣan d amtiqqi, aqa Netta ad t igg. ^■  

25 A aytma, ksim aneɣ řmeɛruf ɛawed.

26 Seǧmem x wawmaten nneɣ s usudem iqeddsen. ^■  

27 Necc ssjuǧeɣ kenniw deg wudem n Siditneɣ maḥend ad tɣarem tabrat-a i marra awmaten imqeddasen.

28 Arḍa n Siditneɣ Yeccu Lmasiḥ ad kiwem yiři.