1 S uyenni xenni, a aytma, aqa nettzaweg kenniw u nettẓaǧa i kenniw di Siditneɣ Yeccu, ḥima, am zzayneɣ třemdem mammec ittxeṣṣa ad tuyurem u ad tarḍam i AREBBI, ad teymam di man aya ktar, ^■   2 minzi kenniw tessnem tiweṣṣa nni d awem newca zi Siditneɣ Yeccu. 3 Aqa d man aya min ixs AREBBI, aqa ad teymam di tqeddast, ad tḥeyydem x marra farq-ccɣeř, ^■   4 u maḥend kuř ijjen zzaywem ad issen maḥend ad yawi tamɣart nnes s tqeddast d ccan, 5 war iǧi di ccehwa n nnecwat am řegnus inni war issinen ca AREBBI. ^■   6 Ejj uřa d ijj zzaywem ad izɛem ad issehřec umas niɣ ad t iɣecc di tmesřact-a, minzi Siditneɣ ad ineqqem di man aya marra, am mammec nizzar nenna u neched awem. 7 Minzi AREBBI war xaneɣ dd-iřaɣa i řexmej maca i tqeddast. ^■   8 S uyenni wenni i ɣa issdeǧen, war issdeǧi ca bnadem maca AREBBI wenni iwcin Arruḥ nnes Iqeddsen daywem. ^■  

9 Nhřa ma nura awem-dd x tayri tenni jar wawmaten, aqa kenniw s yixef nwem ttwassřemdem zi AREBBI ḥima ad texsem ayawya. ^■  

10 Maɣar ammu i tᵉtteggem ak-d marra awmaten di Makiduniya tmun. Maca ttzzawgeɣ kenniw, a aytma, ḥima ad tfeyyḍem di man aya,

11 uca arzum ad teddarem di řhudnet, ad tewcem taynit i min iǧan nwem, ad txedmem s ifassen nwem, am mammec kenniw numur, ^■  

12 u ḥima ad tuyurem s uweqqar ak-d yenni iǧan di barra, uca war kenniw tᵉttxeṣṣi uřa d ict n řḥajjet.

13 A aytma, aqa xseɣ ad tessnem belli war ittxeṣṣi ad teksim s wemnus, am iwdan inneɣni inni umi iqḍeɛ asen řayas, x yenni idewřen ṭṭṣen. ^■  

14 Minzi mařa numen belli Yeccu tuɣa immut uca ikkar-dd, xenni ad yawi AREBBI ɛawed ammu inni idewřen ṭṭṣen deg wenḍeř ɣar ixef nnes akides.

15 Maca ad awem nini man aya s wawař n Siditneɣ, aqa neccin, inni i ɣa iqqimen ař dd ɣa yas Siditneɣ, inni ɛad iddaren, war nᵉtizzar i yenni idewřen ad ṭṭṣen deg wenḍeř. ^■  

16 Minzi Siditneɣ s ixef nnes ad dd-ihwa zeg ujenna x minni dd ɣa iffeɣ řumur d tmijja n lmalak imɣaren u x minni i ɣa yiři řbuq n AREBBI, uca imettan inni iǧan di Lmasiḥ ad dd-kkaren d imezwura. ^■  

17 Xas uca neccin, inni iqqimen ddaren, ad kidsen nettwakkes deg iseynuten ɣar ijj n umeřqi ak-d Siditneɣ deg ujenna uca ammu i ɣa niři řebda ak-d Siditneɣ.

18 S uyenni ggem uř deg wayawya s wawařen-a.