1 Bulus, s řxaḍar n AREBBI aqa-t d rrasul n Yeccu Lmasiḥ, d tawmat Timutiyu, ^□   2 i inni iǧan di Kulussi, awmaten imqeddasen d řmuminin di Yeccu Lmasiḥ: řehna d arḍa ad kiwem iřin zi AREBBI, Babatneɣ. ^■  

3 Řebda nettqada AREBBI, Tababat n Siditneɣ Yeccu Lmasiḥ, uca neẓẓuǧ xawem. ^■   4 Xzar, nesřa x l’iman nwem di Yeccu Lmasiḥ u x tayri nwem i marra imqeddasen, 5 x ssibbet n usitem i d awem isswejden deg ijenwan, i x tizzarem tesřam zeg umezwaru s Wawař n tidett n Řexbar Aṣebḥan ^■   6 i d awem ittwabarrḥen u i ddunect marra, uca igemma uca ittawi-dd řɣiǧet, aqa dinni ɛawed jar awem zeg wass umi t tesřim u tessnem arḍa n AREBBI di tidett, ^■   7 am mammec t tfehmem zi Ipafras, wenni d amsexxar nneɣ iɛizzen n Lmasiḥ i kenniw. ^■   8 Netta issargeb aneɣ-dd x tayri nwem di Arruḥ.

9 S uyenni, uřa d neccin, zeg wass umi nesřa x man aya, war nessbeddi ca taẓaǧit xawem, nettᵉttar ad tdewřem teccurem s tussna d řefraḥet n AREBBI, di marra tiɣit d řefhamet n Arruḥ, ^■  

10 ḥima ad tuyurem am mammec isdaheǧ, ad tarḍam AREBBI di marra řexdayem tiṣebḥanin, ad dd-tawyem řɣiǧet uca ad teymam di tussna n AREBBI, ^□  ■  

11 u ad ttwassjehdem s marra jjehd, ɛlaḥsab řemɣaret n uɛuǧi nnes, s marra ṣṣbar d ttasiɛ n řxaḍar d řefraḥet,

12 am tqadam AREBBI, Tababat, wenni i d aneɣ isswejden ḥima nzemmar ad ncarc di řwart n imqeddasen di tfawt.

13 Netta issenjem aneɣ zi ṣṣulṭa n taǧest u issmuṭṭiy aneɣ ɣar tgeldit n Mmis nnes iɛizzen, ^■  

14 Wenni dayes ɣarneɣ aṣřaḥ d weɣfar n ddnub. ^■  

15 Wanita d ṣṣifet n AREBBI i war nettwiři ca, Amenzu x marra min dd-ittwaxeřqen, ^□  ■  

16 Zzayes dd-ittwaxřeq marra min iǧan deg ijenwan d min iǧan di temmurt, min nettwařa d min war nettwiři ca: řekrasi n ijeǧiden niɣ tiṣeǧaḍin niɣ řeḥkamat uřa d ṣṣulaṭat, marra min iǧan aqa ittwaxřeq-dd s ufus nnes u zzayes Netta. ^■  

17 Netta tuɣa-t qbeř marra min iǧan uca marra min iǧan aqa-t zzayes.

18 Netta d Azeǧif n Arrimet, tenni iǧan d Tamesmunt. Netta d Azeǧif d Mmis Amenzu i dd-ittwaxeřqen zi taddart n imettinen, ḥima ad yiři d Amezwar di kuřci. ^■  

19 Minzi tusa as-dd i řxaḍar maḥend marra řekmaret ad izdeɣ dayes. ^■   20 Zzayes isseṣřeḥ marra min iǧan ak-d Yixef nnes, am min iǧan di temmurt am min iǧan deg ijenwan, am igga řehna s idammen n ṣṣalib nnes. ^■  

21 Uřa i kenniw, inni tuɣa qbeř d ibarraniyyen d řɛedyan deg ixarriṣen nwem zi ssibbet n řexdayem nwem tiɛeffanin, iwca řexxu řehna 22 s arrimet n weysum nnes u n řmewt nnes, ḥima ad kenniw issbedd d imqeddasen qibač nnes, břa ma ad daywem ittwaf řa d ijj n řexmej uřa d ijj n řɛib, ^■   23 mařa teqqimem tuyurem di l’iman nwem, am dsas nwem iqqim imten, u war tsemmḥem ca deg usitem n Řexbar Aṣebḥan i tesřim nni zi ittwabarreḥ ɣar marra min dd-ittwaxeřqen nni iǧan sadu ujenna, wenni zi dewřeɣ necc, Bulus, d amsexxar. ^■  

24 Aqa ayi farḥeɣ am kessiɣ tamara xawem u ttkemmřeɣ di arrimet inu min iqqimen zi řemḥayem n Lmasiḥ di ṭṭweɛ n arrimet nnes tenni d tamesmunt, ^■  

25 i zi dewřeɣ d amsexxar ɛlaḥsab awekkeř i d ayi immewcen xawem zi AREBBI, ḥima ad daywem arreɣ Awař n AREBBI ad yiweḍ ɣar řekmaret, ^■   26 ssirr i tuɣa innufaren i yijj n řmijař d azirar n ikuden n řweqt d řecyur, maca ittwannurzem řexxu i imqeddasen nnes, ^■   27 inni umi ixs AREBBI ad asen isscen igeřwan n uɛuǧi n ssirr-a jar řegnus, wenni iǧan d Lmasiḥ daywem, asitem n uɛuǧi nneɣ. ^■   28 Aqa nettbarreḥ zzayes, řami neɛřem i kuř bnadem uca nesseřmed kuř bnadem di marra tiɣit, ḥima ad nessbedd kuř bnadem nican qibač i Yeccu Lmasiḥ. 29 I man aya umi jehhdeɣ u ttmenɣiɣ s ufus n jjehd nni d ayi immewcen.