1 Minzi xseɣ ad tessnem mecḥař d ameqqran amenɣi i tteggeɣ xawem u x yenni di Layudikiya u x marra inni war d ayi ẓrin ca s arrimet d wudem inu, 2 ḥima ad yadef ufewwej ɣar wuřawen nsen, u s tayri ad awḍen ɣar řaman d řefhamet d tussna n ssirr n AREBBI, Tababat, u n Lmasiḥ, ^■   3 nni di nnuffaren marra řeknuz n tiɣit d tussna. ^■  

4 Man aya qqareɣ t, ḥima uřa d ijj war kenniw iɣekkwi ca s wawařen izewwqen. ^■   5 Waxxa aqa ayi ɣabeɣ zi jjihet n arrimet, nican aqa ayi akidwem zi jjihet n Arruḥ uca farrḥeɣ am ttwařiɣ asettef d l’iman nwem nican di Lmasiḥ. ^■  

6 Amecnaw mammec tqebřem Yeccu Lmasiḥ, Siditneɣ, uyurem dayes,

7 am tewtim iẓewran u tᵉttwabnam dayes uca tᵉttwaḍmem di l’iman am mammec tᵉttwassřemdem, am tᵉttwafeyyḍem s uqadi. ^■   8 Ḥḍam uřa d ijj war kenniw iɣekkwi ca s lfelsafa niɣ s wecmat ixwan ɛlaḥsab tubbart n iwdan u ɛlaḥsab lfarayiḍ timezwura n ddunect, war iǧi ɛlaḥsab Lmasiḥ. ^■   9 Minzi dayes izeddeɣ qaɛ řekmařet n Arebbi di ṣṣifet n arrimet.

10 Aqa teǧam tkemmřem dayes, maɣar Netta d Azeǧif x qaɛ řeḥkamat d ṣṣulaṭat. ^■  

11 Aqa tᵉttwaxetnem dayes ɛawed s yijj n wextan, war iǧi s ifassen n iwdan, maca umi tᵉttwakkes zzaywem arrimet n ddnub s wextan n Lmasiḥ ^■  

12 Kenniw tᵉttwaneḍřem akides deg useɣḍeṣ, u zzayes tᵉttwasnekkarem ɛawed akides, minzi tumnem di jjehd n AREBBI wenni t-i-dd-issnekkaren zi taddart n imettinen. ^■  

13 Kenniw, inni tuɣa d imettinen s ddnub nwem u s břa axtan n weysum nwem, aqa Netta yarra kenniw ɛawed ɣar tudart ak-d yixef nnes umi d aneɣ iɣfar marra řmuɛṣiyyet nneɣ. ^■  

14 S ṣṣulṭa nnes aqa imseḥ tabrat n tenfuč tenni d aneɣ ittehmen, aqa iksi tt zi řwest am tt isemmar x ṣṣalib nnes.

15 Am issars arrimet nnes, aqa isseḍhar řeḥkamat d ṣṣulaṭat bṭayṭay uca yarra i-tent ad sseḍḥant s Yixef nnes. ^■  

16 Xenni war tejjim ad kenniw issehweř uřa d ijj, niɣ di macca uřa di tissit, niɣ deg wussan n řeɛyudat uřa deg wass n uyur n jdid niɣ deg wussan n ssebt, ^■  

17 maɣar tina d tiři n min i dd ɣa yasen, maca Lmasiḥ aqa-t d arrimet. ^■  

18 War ttejjim ḥed ad xawem yegg maḥend ad tesswaḍɛem řbař n yixef nwem i weɛbad n lmalakat, am yarezzu ad dd-yadef di min war iẓri. Aqa netta ixwa di tuffet nnes s řeɛqeř nnes n bnadem, ^■  

19 am war ittcebbar deg Uzeǧif i zi tyemma qaɛ Arrimet s řemɣaret i d as ittic AREBBI, am tᵉttwabna u tᵉttwasenned s řemfaṣeř d iɣezdisen nnes.

20 Maɣar mařa temmutem ak-d Lmasiḥ i lfarayiḍ timezwura n ddunect, mayemmi xawem ttwaggent ɛad tewṣeyyat axmi teddarem ɛad di ddunect? ^■   21 ‘War tḥada!’, ‘War tqasa!’, u ‘War tᵉṭṭef!’, 22 aqa atent d tinamitin ad weddarent, aqa atent ɛlaḥsab tiweṣṣa d tɣuri n iwdan. ^■   23 Nitni ttbanen axmi ɣarsen awař n tiɣit, s wudem n uwaḍeɛ d nneyyet tadiyanect, nhřa aceṭṭar x arrimet, maca war iǧi i min icenɛen, maca i tyawant n weysum n yixef nsen. ^■