1 Mařa tᵉttwasnekkarem-dd ak-d Lmasiḥ, xenni arzum min iǧan sennej, mani iqqim Lmasiḥ x ufusi n AREBBI. ^■   2 Ɛeqřem min iǧan sennej, war iǧi min iǧan di temmurt, 3 minzi kenniw aqa temmutem uca tudart nwem tennuffar ak-d Lmasiḥ di AREBBI. ^■   4 Xmi dd ɣa iḍhar Lmasiḥ, wenni iǧan d Tudart nneɣ, řexdenni uřa d kenniw ad kides dd-teḍharem deg uɛuǧi. ^■  

5 S uyenni nɣem iɣezdisen n arrimet nwem inni x temmurt: farq-ccɣeř, řexmej, acahi, nnecwat tiɛeffanin d ṭṭmeɛ, wenni d aɛbad i l’aṣnam, ^■   6 s minzi ad dd-yas weɣḍab n AREBBI x ayt nnes n řmuɛṣiyyet. ^■   7 Uřa d kenniw tuɣa teggurem ammu zic, umi kenniw tuɣa teddarem ɛad di tmesřayin nni. ^■   8 Maca řexxu, sarsem man aya marra x uɣezdis: aɣḍab d tefqeḥt d tuɛeffna d uceqqef d řḥarḍ ixmej. ^■   9 War sxarriqem ca x wayawya umi tessarsem ɣar uɣezdis bnadem aqdim ak-d ibriden nnes, ^■  

10 u tyarrḍem bnadem n jdid, wenni iddekkwařen jdid s tussna, ɣar ṣṣifet n Wenni i-t-i-dd-ixeřqen. ^■  

11 Dayes war iǧi Wuday niɣ Arami, řa d axtan niɣ břa axtan, řa d Ayunaniy niɣ řbarrani, uřa d ismeɣ niɣ ḥurr, maca Lmasiḥ d kuřci u di kuř ijjen. ^■  

12 Am kenniw ifarz AREBBI, a imqeddasen d imɛizzen, arḍem s arraḥmet d řeḥnunect d řeḍrafet d uwaḍeɛ d temhint d ttasiɛ n řxaḍar. ^■  

13 Qebřem u samḥem i wayawya. Mařa ca n yijjen ɣares acetci x wenneɣni, ɣfarem kenniw ijj i wennɣni, am mammec i d awem iɣfar Lmasiḥ. ^■  

14 Ak-d marra aya, arḍem tayri tenni d txadent n řekmařet. ^■  

15 Xenni ad iḥkem řehna n Lmasiḥ deg wuřawen nwem, řehna nni ɣar tᵉttwařaɣam deg ict n Arrimet, uca qadam i Lmasiḥ.

16 Ejj Awař nnes ad daywem izdeɣ s marra tiɣit, sřemdem, ɛeřmem ijj wenneɣni s uɣennej n izehhiden d tesbiḥ d izřan s Arruḥ, u ɣennjem i AREBBI s arḍa deg wuřawen nwem.

17 Marra min tᵉtteggem s wawař niɣ s tmegga, ggem t s Yisem n Sidi Yeccu Lmasiḥ u cekkarem zzayes AREBBI, Tababat. ^■  

18 A timɣarin, dewřent sadu iryazen nkent am mammec dd-ittas ak-d Lmasiḥ. ^■  

19 A iryazen, xsem timɣarin nwem, war ttqesḥem daysent. ^■  

20 A iḥenjiren, ggem array i lwalidin nwem di marra, minzi man aya yareṭṭa i Siditneɣ. ^■  

21 A lwalidin, war darracem ca tarwa nwem, ḥima war d asen tᵉttraḥ teryast.

22 A imsexxaren, ggem array i yenni iǧan d aytbab nwem zi jjihet n arrimet di marra, war ttsexxarem ca i tiṭṭawin n iwdan amecnaw inni ixsen ad arḍan iwdan waha, maca sexxarem s řeṣfayet n wuř zi tiggʷudi n SIDI. ^■   23 Qaɛ min ɣa teggem, ggem t s marra řeɛmar nwem, axmi i Siditneɣ, maci i iwdan. 24 Snem aqa ad teksim řexřaṣ zi Siditneɣ di řwart, maɣar tᵉttsexxarem i SIDI, Lmasiḥ. 25 Minzi wenni itteggen řɣecc, ad ittwaxřef ɛlaḥsab řɣecc i yegga, břa ma ad yiři řfarz n bnadem.