1 Bulus, rrasul n Yeccu Lmasiḥ, ɛlaḥsab řumur n AREBBI, Řɛunṣar nneɣ n Tudart, u n Lmasiḥ Yeccu, asitem nneɣ. ^□  ■   2 I Timutiyu, mmi d tidett di l’iman: arḍa d arreḥmet d řehna zi AREBBI, Babatneɣ, u zi Lmasiḥ Yeccu, Siditneɣ. ^■  

3 Řami ruḥeɣ ɣar Makiduniya zawgeɣ cek ad teqqimed di Afasus ḥima ad tumured i ca n yeryazen ḥima war sseřmiden ca aseřmed nneɣni, ^■   4 u ḥima war tticen ca taynit i tḥuja ixwan d taṣiřat war iqeṭṭin nni dd-ittawyen ɣar imḥarwaḍen ktar, war iǧi ɣar min iǧan i řebni di l’iman n AREBBI. ^■   5 Lɣaraḍ n tweṣṣa aqa d tayri zeg wuř amezdag d tnefsect icnan d l’iman d tidett. ^■   6 Aqa dinni ca n yinni iheyyḍen x man aya uca nnqeřben ɣar řharḍ ixwan. 7 Nitni xsen ad iřin d imesɣaren n Ccariɛa břa řefhamet di min qqaren u x min xef ttemcubbucen. 8 Maca nessen belli Ccariɛa teṣbeḥ mařa ḥed ijja ixef nnes ad ittwandeh zzayes ɛlaḥsab Ccariɛa, ^■   9 am nessen aqa Ccariɛa war temmewc ca i umseggad, maca i yenni war iseggden u i imɣewwaɣen, i iɛeffanen d imednab, i imeqjaḥ, i imexmujen, i yenni iwtin babatsen u i yenni iwtin yemmatsen u i yenni ineqqen iwdan, ^■  

10 i ayt n farq-ccɣeř d zzwameř, i yenni ittsebbaben deg iwdan, i ayt n bu-ixarriqen d yenni icehhden ẓur uca zeɛma i marra min war dd-ittisen ca ak-d useřmed iṣeḥḥen

11 n Řexbar Aṣebḥan n uɛuǧi n AREBBI ittwabarken, wenni d ayi ittwawekkřen. ^■  

12 Necc ttqadiɣ wenni d ayi issjehden, aqa Siditneɣ Yeccu Lmasiḥ, umi iḥseb ayi-dd d amtiqqi řami d ayi igga di řxedmet n tsexxart nnes,

13 necc d wenni tuɣa iǧan qbeř d amceqqaf d ijj n umarrat n imasiḥiyyen u d ijj n bu-řɛunf. Maca temmewc ayi-dd arreḥmet, minzi ggiɣ t war ssineɣ, umi d ayi tuɣa břa l’iman. ^■  

14 Arḍa n Siditneɣ tuɣa ifeyyeḍ dayi s waṭṭas, uřa d l’iman d tayri tenni iǧan di Yeccu Lmasiḥ.

15 Wa d awař dayes řaman, i isdaheǧen ad yiři iggur mani mma, aqa Yeccu Lmasiḥ yusa-dd ɣar ddunect ḥima ad issenjem imednab, inni zzaysen necc d amezwaru. ^■  

16 Maca x uya ksiɣ arreḥmet maḥend Yeccu Lmasiḥ ad isscen dayi d amezwaru, marra ttasiɛ n řxaḍar nnes, d lmatal i yenni zzayes i ɣa yamnen i Tudart ittduman.

17 Aqa i Ujeǧid n ikuden n řweqt, d wenni war ifennin, d wenni war ittwiřin, wenni d AREBBI d Ijj, ad ɣares yiři ccan d uɛuǧi i řebda qaɛ. Amin.

18 Tawṣeyyet-a, a mmi Timutiyu, sswekkřeɣ cek xas, ḥima ad temmenɣed amenɣi aṣebḥan ɛlaḥsab nnubuwat i xak nnan qbeř, ^■  

19 s l’iman d tnefsect icnan, maɣar inni ugin man aya, aqa ssexwan ixef nsen zi l’iman. ^■   20 Jar asen Himiniyus d Aliksandir inni sellmeɣ i cciṭan ḥima ad řemden maḥend war ttceqqafen. ^■