1 Lḥasul, a awmaten, ksim aneɣ řmeɛruf ḥima awař n Siditneɣ ad dd-iffeɣ deɣya u ad ittwassɛuǧ am mammec tuɣa imsar jar awem ɛawed, ^■   2 u ḥima ad nettwafekk zeg iwdan war iḥřin iɛeffanen, minzi l’iman war iǧi ɣar marra. ^■  

3 Maca SIDI d amtiqqi, Netta ad xawem iḥḍa uca ad kenniw ifekk zeg umɛeffan. ^■   4 Maca neccin nettiqq daywem di Siditneɣ, belli min xef nweṣṣa kenniw, aqa tᵉtteggem t uca ad teqqimem tᵉtteggem t. 5 Ad indeh Siditneɣ uřawen nwem ɣar tayri n AREBBI u ɣar ubarreḥ s Řexbar Aṣebḥan n Lmasiḥ.

6 Nweṣṣa kenniw, a aytma, deg Yisem n Siditneɣ Yeccu Lmasiḥ, ad tḥeyydem i kuř uma i igguren di min war iḥřin, war iǧi ɛlaḥsab tiweṣṣa i zzayneɣ iksi. ^■   7 Aqa kenniw tessnem mammec icuwwar ad aneɣ teḍfarem, minzi neccin war nuyur jar awem di min war iḥřin. ^■   8 War necci aɣrum ak-d ḥed baṭeř, maca s řxedmet d tamara tuɣa aneɣ nxeddem ǧiřet d wass, ḥima war dd-nettis neḍqeř x ca n ijjen zzaywem. ^■   9 War iǧi minzi war ɣarneɣ ttesriḥ i man aya, maca ḥima ad negg ixef nneɣ d lmatal i ɣa teḍfarem. ^■  

10 Minzi řami tuɣa aneɣ neǧa akidwem, aqa nweṣṣa ammu: mařa ḥed war ixs ad ixdem, war ittett ɛawed.

11 Minzi nesřa aqa din ca jar awem inni igguren di min iɛeffnen, war xeddmen qaɛ, maca tteggen mɣir min war isekkwin.

12 Aqa numur u nziyyar i-ten di Siditneɣ Yeccu Lmasiḥ ḥima ad xedmen di řhudnet, ad ccen aɣrum nsen. ^■  

13 Maca kenniw, a aytma, war ttuḥiřem ca maḥend ad teggem min icnan. ^■  

14 Maca mařa ca n ijjen war iṭaɛ i wawařen i yuran di tebrat-a, bḍam xas, war ttxeǧaḍem ca akides, ḥima ad idweř ittseḍḥa, ^■  

15 maca war t ttḥessbem d řeɛdu maca nedhem t ɣar webrid am ijjen tawmat.

16 Maca Sidi n řehna simant nnes ad awem iwc řehna nnes i řebda x marra iɣezdisen. Siditneɣ ad yiři akidwem marra. ^■  

17 Ijj n useǧem s ufus inu. Necc, Bulus, uriɣ aya. Ta d řeɛřamet di marra tibratin inu. Ammu i d uriɣ. ^■  

18 Arḍa n Siditneɣ Yeccu Lmasiḥ ad akidwem yiři marra, a awmaten inu. Amin.