1 Mařa xenni ɣarwem ca n ufewwej di Lmasiḥ, afewwej i dd ikkin zi tayri, niɣ tamunt n Arruḥ, niɣ řeḥnunect di daxeř d arreḥmet, 2 kemmřem řefraḥet inu umi ɣa imun array nwem, ad ɣarwem tiři tayri d icten, d řeɛmar d ijjen uřa d uxarraṣ d ijjen. ^■   3 War tteggem ca uřa d ict n řḥajjet s umcubbec niɣ zi tuffet ixwan, maca ejj ad iweqqar ijj wenneɣni ktar zeg ixef nnes s uwaḍeɛ. ^■   4 War ixezzar uřa d ijj ɣar ixef nnes waha, maca ejj kuř ijj ad ixzar ɛawed ɣar umqarreb nnes. ^■   5 Ejj ad daywem tiři nneyyet i tuɣa di Yeccu Lmasih, ^■   6 wenni iǧan di ṣṣifet n AREBBI, war iḥsib ca d tucceffra umi dayes tarewsa n AREBBI, ^■   7 maca issexwa ixef nnes, iksi ṣṣifet n umsexxar. Netta tuɣa deg warwas n bnadem, aqa ittwaf di ṣṣifet n weryaz. ^■   8 Netta isswaḍeɛ ixef nnes uca idweř iṭaɛ ař řmewt, wah ař řmewt n ṣṣalib. ^■   9 X man aya issuɛřa i-t AREBBI qaɛ sennej uca iwca as Isem sennej i kuř isem, ^■  

10 ḥima deg Yisem n Yeccu ad aḍaren marra ifadden n yinni iǧan deg ujenna u x temmurt u sadu temmurt, ^■  

11 u ḥima ad iched kuř iřes belli Yeccu Lmasiḥ d SIDI i uɛuǧi n AREBBI, Babas. ^■  

12 S uyenni, a imɛizzen inu, am tuɣa tᵉṭṭaɛem qbeř, war iǧi waha xmi ḥḍareɣ, řexxu ɛad ktar xmi ɣabeɣ, xedmem i Tudart nwem s tiggʷudi d tarjijat,

13 minzi AREBBI d wenni daywem ixeddmen ař ɣa texsem u ad teggem zeg inni di tmmeẓřem kenniw. ^■  

14 Ggem marra břa řeɛkaset u břa amcubbec, ^■  

15 ḥima ad tiřim břa řɛib, am tarwa imezdagen n AREBBI inni izeddɣen di řwest n jjiř iɛewwjen d ifarɣen, ad tceɛceɛem jar asen am tifawin di ddunect, ^■  

16 maḥend ad tiřim i nitni deg wemcan n Tudart, ḥima ad ɣari yiři asemɣar deg wass n Lmasiḥ, war uyureɣ niɣ xedmeɣ baṭeř. ^■  

17 Maca mařa ttᵉttwarucceɣ am ict n teḍḥiyet n tissit x tɣarṣt u x tsexxart di ṭṭweɛ n l’iman nwem, ad farḥeɣ ɛawed uca ad arecqeɣ akidwem marra. ^■  

18 Xenni farḥem uca tfarḥem akidi.

19 Necc ssitimeɣ di Siditneɣ Yeccu, ad awem-dd ssekkeɣ Timutiyu deɣya, ḥima ad iřiɣ x řxaḍar inu xmi i ɣa ssneɣ ameddur nwem. ^■   20 Minzi war ɣari danita uřa d ijjen am mammec nneɣni ikessi s wemnus x mammec iffeɣ umeddur nwem s nneyyet d icten akidi. 21 Minzi marra inneɣni yarezzun di min nsen, war iǧi di min iǧan n Yeccu Lmasiḥ. ^■   22 Kenniw tessnem taqeǧebt nnes, belli tuɣa ixeddem akidi di tbarreḥt n Řexbar Aṣebḥan amecnaw aḥenjir ɣar babas. 23 Netta d wenni ssitimeɣ ad ɣarwem dd-ssekkeɣ deɣya, xmi i ɣa ẓareɣ mammec i ɣa iffeɣ umeddur inu. 24 Maca ttiqqeɣ di Sidi, belli ɛawed necc simant inu ad dd-aseɣ deɣya.

25 Maca ittɣiř ayi belli tuɣa ittxeṣṣa ad dd-awem ssekkeɣ Ipafruditus, uma, wenni d amɛawen inu d amsexxar akidi, maca netta ɛawed d rrasul nwem d amsexxar nwem di min ḥdajeɣ. ^□   26 Minzi tuɣa iweḥḥec aṭṭas ad kenniw iẓar marra, uca tuɣa iksi s wemnus minzi kenniw tesřim belli tuɣa ihřec. 27 Tuɣa ihřec ař řmewt, maca AREBBI tuɣa yarḥem i-t, war iǧi netta waha, aḥeqqa uřa d necc, ḥima war ɣari ittiři ufeqquṣ x ufeqquṣ. 28 S uyenni ssekkeɣ t s tazřa aṭṭas, ḥima, xmi t ɣa tẓarem, ad tfarḥem ɛawed uca ad dayi yiři drus n wemnus. 29 S uyenni qebřem t di SIDI, s marra řefraḥet, weqqarem inni iǧan am wanita, ^■   30 minzi x ssibbet n řxedmet n Lmasiḥ, tuɣa iqarreb ɣar řmewt am isebbeř tudart nnes maḥend ad ikemmeř min ineqṣen di tsexxart nwem i necc.