1 Bulus, rrasul n Yeccu Lmasiḥ ɛlaḥsab řxaḍar n AREBBI, i yenni i yeǧan d imqeddasen d imtiqqan di Yeccu Lmasiḥ di Afasus. ^□  ■   2 Arḍa d řehna ad kidwem iřin zi AREBBI, Babatneɣ, u zi Siditneɣ Yeccu Lmasiḥ. ^■  

3 Ad ittwabarek AREBBI, Tababat n Siditneɣ Yeccu Lmasiḥ, wenni d aneɣ ibarken s marra lbarakat n Arruḥ i iǧan deg ujenna di Lmasiḥ, ^■   4 am mammec tuɣa d aneɣ ixḍar dayes qbeř ma ad ittwagg dsas n ddunect, ḥima ad niři d imqeddasen břa řɛib qibač nnes. ^■  

5 Aqa di tayri izwar ad aneɣ igg d iḥenjiren i yixef nnes di Yeccu Lmasiḥ am mammec t ixs řxaḍar nnes, 6 i usemɣar n uɛuǧi n arḍa nnes i xaneɣ ifarreɣ deg Umɛizz. ^■  

7 Dayes ɣarneɣ aṣřaḥ s idammen nnes, aɣfar n ddnub ɛlaḥsab agřa n arḍa nnes, ^■   8 i tuɣa d aneɣ iwca s ufeyyeḍ di marra tiɣit d řefhamet s Arruḥ. 9 Aqa issargeb aneɣ x ssirr n řxaḍar nnes, i tuɣa izɛem qbeř ad t ikemmeř deg Yixef nnes, ^■  

10 ḥima, i řeḥkamet n uɛemmar n ikuden, ad dd-ixřeq marra min iǧan deg ijenwan u x temmurt d jdid zeg uzeǧif s Lmasiḥ. ^■  

11 Aqa nettwaxḍar dayes, am mammec i xaneɣ igga u tuɣa ixs ad igg ɛlaḥsab lqarar n array nnes, ^■  

12 ḥima neccin, inni d imezwura i issitimen di Lmasiḥ, ad niři i usemɣar n uɛuǧi nnes.

13 Zzayes aqa tesřim awař n tidett, Řexbar Aṣebḥan n usenjem nwem, uca awarni řami tumnen dayes, teksim acemmiɛ n Arruḥ Iqeddsen i d aneɣ iwaɛd, ^■  

14 wenni d řɛarbun n řwart nneɣ i weṣřaḥ n yinni iddaren u i usemɣar n uɛuǧi nnes. ^■  

15 Xzar, s uyenni necc, řami sřiɣ x l’iman nwem di Siditneɣ Yeccu Lmasiḥ u x tayri nwem i marra imqeddasen, ^■  

16 war beddeɣ ca ad kenniw qadiɣ niɣ ad daywem fekkareɣ di tẓiǧatin inu,

17 ḥima AREBBI n Siditneɣ Yeccu Lmasiḥ, Tababat n uɛuǧi, ad awem iwc Arruḥ n tiɣit d usargeb ḥima ad t tessnem,

18 uca ad awem yarzem tiṭṭawin n řeɛqeř nwem, ḥima ad tessnem man asitem n třaɣit nnes d mammec imɣar agřa n uɛuǧi n řwart nnes di marra imqeddasen.

19 d mammec imɣar aṭṭas iǧa jjehd nnes i marra inni yumnen ɛlaḥsab řxedmet n jjehd n ṣṣulṭa nnes ^■   20 i ixeddmen di Lmasiḥ umi t-i-dd-issnekkar zi taddart n imettinen uca igga i-t ɣar uɣezdis afusi nnes deg ujenna, ^■   21 sennej i kuř azeǧif d ṣṣulṭa d jjehd d řeḥkamet d marra isem ittwasemman, maci di ddunect-a waha, maca ɛawed di tenni i dd ɣa yasen. 22 Aqa Netta yarra as-dd marra sadu iḍaren nnes u Wenni iǧan sennej i marra, aqa igga i-t d Azeǧif i Tmesmunt, ^■   23 tenni d Arrimet nnes uřa d aɛemmar n Wenni ittɛemmaren kuřci di marra. ^□  ■