1 A aytma, mařa ḥed jar awem iwḍa-dd xas ddenb, ejj xenni inni igguren di Arruḥ ad t seggden s arruḥ n temhint. Ḥḍam, ḥima war tᵉttwajarrbem uřa d kenniw. ^□  ■  

2 Ksim ddqeř ijjen x wenneɣni, ammu i ɣa tkemmřem Ccariɛa n Lmasiḥ. ^■   3 Maɣar mařa ca n yijjen ittɣiř as aqa netta d ca, am t war iǧi, ixeddeɛ ixef nnes. 4 Maca ejj kuř ijjen ad iqeǧeb řxedmet n yixef nnes, xenni ad ɣares yiři usemɣar deg yixef nnes waha, war iǧi zeg inneɣni, 5 minzi kuř ijjen ad iksi ddqeř nnes. ^■  

6 Ejj wenni isřin Awař, ad icarc zi marra tiṣebḥanin i ɣares ak-d wenni t isseřmaden. ^■  

7 War ttxeddɛem ixef nwem, AREBBI war ittejji ḥed ad xas iqeṣṣar. Minzi min ma izarɛ bnadem, ad t imjar ɛawed. ^■   8 Minzi wenni izarrɛen deg weysum n arrimet, zeg weysum ad imjar řɣecc. Maca wenni izarrɛen di Arruḥ, zi Arruḥ ad imjar Tudart ittduman. 9 Ejj aneɣ war nettiḥeř ca umi nettegg min iǧan d aṣebḥan, maca di řweqt nnes ad nemjar, u man aya war d aneɣ issihiř ca. ^■  

10 Ej aneɣ řexxu, ařami ɣarneɣ ɛad lfurṣa, ad negg tcuni i marra, amezwaru i yenni d icricen akidneɣ di l’iman. ^■  

11 Xzarem, marra tira aya i d awem dd-uriɣ, uriɣ tt s ufus inu.

12 Marra wi ixsen ad ssemɣaren deg wextan n weysum n arrimet, aqa nitni tteggen xawem aɣiř ḥima ad tᵉttwaxetnem ḥima war ggur ad ttwamarrten x ssibbet n ṣṣalib n Lmasiḥ.

13 Minzi ɛad inni ittwaxetnen war ṭṭifen ca di Ccariɛa, maca nitni xsen ad tᵉttwaxetnem ḥima ad zemmaren ad ssemɣaren di řextan deg weysum n arrimet nwem.

14 Maca iggʷejen xafi maḥend ad ssemɣareɣ mɣir di ṣṣalib n Siditneɣ Yeccu Lmasiḥ s wenni tᵉttwaṣelleb ddunect i necc u necc i ddunect.

15 Minzi di Yeccu Lmasiḥ axtan niɣ břa axtan war isekkwi walu, maca wenni dd-ittwaxeřqen zi jdid wah. ^■  

16 Marra wi i ɣa yuyuren ɛlaḥsab abrid-a, ad xas yiři řehna d arreḥmet uřa x Israil n AREBBI. ^■  

17 War d ayi ittṣeddiɛ ḥed, minzi iwyeɣ-dd ccamat n Siditneɣ Yeccu di arrimet inu. ^■  

18 A aytma, ad yiři arḍa n Siditneɣ Yeccu Lmasiḥ ak-d arruḥ nwem. Amin.