1 Minzi nessen, belli, xmi i ɣa tefna taddart nneɣ n temmurt i yeǧan d arrimet, ad ɣarneɣ yiři ijj n řebni n AREBBI i řebda deg ijenwan, ict n taddart war tᵉttwagg ca s ifassen. ^■   2 X man aya i nzehhar u dayneɣ meẓri ḥima ad narḍ tazeddiɣt nneɣ tenni iǧan zeg ujenna, ^■   3 maɛlik qaɛ i ɣa niři nyarḍ, war neggur ad nettwaf d iɛeryanen. ^■   4 Maca min mma ɣa nekk ɛad di taddart-a, ad neqqim nzehhar s ddqeř nnes, minzi war nexs ad tt nejj maca nexs ad tt nyarḍ, ḥima min ifennan ad ittwaṣard zi Tudart. ^■   5 Wenni d aneɣ dd-isswejden i man aya d Netta d AREBBI wenni d aneɣ iwcin Arruḥ nnes d řɛarbun. ^■  

6 S uyenni nessen u ɣarneɣ ttiqqet, aqa xenni min ɣa nekk nzeddeɣ di arrimet, ad niři neggʷej x Siditneɣ, 7 - minzi s l’iman i neggur, war iǧi s min ittbanen - , ^■   8 s uyenni nettiqqa uca dayneɣ meẓri, maḥend ad nesmeḥ di arrimet ḥima ad nezdeɣ ak-d Siditneɣ. 9 Nettceṭṭar ḥima ad as arḍan, ma neǧa neggʷej x taddart niɣ di taddart.

10 Minzi ittxeṣṣa aneɣ marra idneɣ ad neḍhar zzat i řkursi n ccreɛ n Lmasiḥ, ḥima kuř ijjen ad iṭṭef ɛlaḥsab min igga řami t tuɣa di arrimet, tcuni niɣ tuɛeffna. ^■  

11 S uyenni, am nessen aqa ittxeṣṣa ad neggʷed zi Siditneɣ, aqa narezzu ad nesseqneɛ iwdan, maca ɣar AREBBI aqa neccin nettwassen ɣares, uca ssitimeɣ aqa nettwassen ɣarwem ɛawed di tnefsect nwem.

12 War nettweṣṣi ca ixef nneɣ twařa nneɣnit, maca ad awem newc lfurṣa i usemɣar dayneɣ zzat i yenni issemɣaran di min ittbanen, war iǧi di min iǧan deg wuř. ^■  

13 Minzi mařa tuɣa nettexřef, aqa man aya i AREBBI, mařa tuɣa aneɣ s řeɛqeř aqa man aya i kenniw.

14 Maɣar tayri n Lmasiḥ tɛarren aneɣ, maḥend ad nxarreṣ ammu: mařa Ijjen immut x marra, aqa marra temmut akides.

15 Aqa Netta immut x marra, ḥima inni iddaren, war ddaren ca ɛad i ixef nsen, maca i Wenni immuten d Wenni dd-ittwasnekkaren i nitni. ^■  

16 Amenni zi ssa d tsawent war nessin ca uřa d ijj ɛlaḥsab arrimet tamednubt. Mařa tuɣa nessen Lmasiḥ ɛlaḥsab arrimet, řexdenni war ittiři ɛad nessen t ammu řexxu. ^■  

17 S uyenni mařa ḥed di Lmasiḥ i iǧa, aqa netta ittwaxřeq-dd jdid. Xenni min iǧan d aqdim iɛdu. ^■  

18 Marra idweř d jdid s AREBBI wenni d aneɣ isseṣřeḥ akides s Lmasiḥ uca iwc aneɣ tasexxart n weṣřaḥ, ^■  

19 minzi AREBBI tuɣa isseṣřeḥ ddunect ak-d řemɣaret nnes di Lmasiḥ di mani war d asen iḥsib ca ixeṭṭan nsen uca issars dayneɣ awař n weṣřaḥ. ^■  

20 Ammu i neǧa d imsekkan n Lmasiḥ, axmi xawem dd-iřaɣa AREBBI zzayneɣ. S Yisem n Lmasiḥ nettřaɣa xawem: “Ruḥem ad tᵉttwaṣeřḥem ak-d AREBBI!” ^■   21 Maɣar wenni war issinen ca ddenb, igga i-t d ddenb i kenniw, ḥima ad nedweř d tasegda n AREBBI dayes. ^■