1 Qqareɣ tidett di Lmasiḥ, war ssxarriqeɣ ca, uca tanefsect inu tcehhed dayi s Arruḥ Iqeddsen, ^■   2 belli ɣari acḍan imɣar d řeḥriq war ittbeddi deg wuř inu. 3 Aqa tuɣa ttẓaǧiɣ maɛlik ufiɣ simant inu ttwaḥarrmeɣ zi Lmasiḥ di ṭṭweɛ n wawamaten inu, řaǧ inu zi jjihet n arrimet. ^■   4 Nitni d Israiliyyen, ttwaqebřen d mmis, ɣarsen i iǧa uɛuǧi, řɛuhud, Ccariɛa, tasexxart i dayes iǧan di Zzawect Iqeddsen, lwuɛud d řejdud. ^■   5 Zzaysen i-dd iban Lmasiḥ x webrid n arrimet, wenni d AREBBI x marra. I Netta i ɣa yiři usemɣar d lbarakat, i řebda qaɛ. Amin! ^■  

6 Maca war iǧi ammu ařami uřa d awař n AREBBI war yiwiḍ, minzi marra inni zi Israil war ǧin ca d Israil. ^■   7 uřa d marra nitni war ǧin ca d tarwa n Ibrahim, minzi nitni zi zzariɛet n Ibrahim, maca ittwanna: “Di Isḥaq ad ac řaɣan zzariɛet.” ^■   8 Man aya ixs ad yini xenni maci tarwa ɛlaḥṣab arrimet iǧan d tarwa n AREBBI, maca tarwa n lwaɛd ad ttwaḥesben d zzariɛet. ^■   9 Minzi awař n lwaɛd d wa:

“Ɣar řweqt-a ad dd-aseɣ

uca ad ɣares yiři ɣar Sara mmis!” ^■  

10 War teǧi tanita waha, maca uřa d Rifqa umi tᵉṭṭes ak-d jedditeɣ Isḥaq. ^■  

11 Minzi umi ɛad war dd-xřiqen iḥenjiren nnes, war ggin ɛad řxar uřa d řɣar, aqa ittwassargeb qbeř řixḍaret n AREBBI, ḥima war tᵉttiři deg webrid n řexdayem maca deg webrid n wenni ittřaɣan.

12 Maɣar ittwanna di Tira Iqeddsen:

“Aqa ameqqran ad isexxar i umeẓyan!”, ^■  

13 am mammec tura:

“Yaɛqub i xseɣ, maca carheɣ Isu.” ^■  

14 Min i ɣa nini xenni? Ma iqedd ad yiři ɣar AREBBI min war iseggden? Ɛemmarṣ! ^■  

15 Xzar, Netta inna ɛawed i Musa:

“Ad areḥmeɣ wi xseɣ, ad areḥmeɣ,

uca ad ḥinneɣ wi xseɣ ad xas ḥinneɣ.” ^■  

16 Xenni tamesřact war teqqim ca ɣar wi ittexsen uřa ɣar wi ittazzřen, maca ɣar AREBBI wenni yareḥḥmen.

17 Minzi ɛlaḥsab Tira Iqeddsen Netta inna i Firɛun:

“Aqa i man aya ssnekkareɣ-dd cek,

ḥima ad zzayek ssecneɣ jjehd inu

uca ad ittwabarreḥ Isem inu di marra ddunect.” ^■  

18 Xenni Netta ad yarḥem wi ixs uca ad isseqseḥ wi ixs.

19 Řexxu ad tinid: Mayemmi ittcetca ɛad, minzi wi i ɣa immɛařan ak-d min ixs Netta?

20 Maca min teɛnid cek, a bnadem, wenni ittqacaḥen AREBBI? Ma min ittwaggen izemmar ad ini i wenni t iggin: “Mayemmi d ayi teggid ammu?” ^■  

21 Ma war iǧi ɣar bu-třaxt ṣṣulṭa x třaxt ḥima ad igg zeg ict n řɛejnet ict n řqecɛet i lkarama u wenneɣni i ubehdeř? ^□  ■   22 Maɣar AREBBI, wenni tuɣa ixs ad isscen aɣḍab nnes d jjehd nnes, issiweḍ lɣaḍab nnes s waṭṭas n ttasiɛ n řxaḍar x řeqcuɛ n weɣḍab inni ittwasswejden marra i uhellek, 23 uca ifarɣ tayri nnes x řeqcuɛ n arreḥmet inni izwar issewjed i-ten i uɛuǧi i AREBBI! 24 Maɣar neccin d inni ittwařaɣan, war iǧi zeg Wudayen waha, maca ɛawed zi řegnus. 25 Amecnaw mammec ittwanna ɛawed di Ḥuciɛa:

“Ad semmiɣ i yenni war iǧin d řgens inu ‘Řgens inu!’,

uca i yenni war iǧin d amɛizz d ‘Amɛizz!’ ” ^■  

26 Ad yiři deg wemcan mani d asen ittwařaɣa:

‘War iǧi d řgens inu!’,

belli dinni ad asen řaɣan:

‘Arrawen n AREBBI iddaren!’ ^■  

27 Icaɛya ibarreḥ zi jjihet n ayt n Israil:

“Mařa tuɣa řqedd n ayt n Israil anect n ijdi n řebḥar,

aqa min ɣa iqqimen ad injem.” ^■  

28 “Tamesřact tbedd nican u ad tᵉttwaqfeř,

SIDI ad tt igg x temmurt.” ^■  

29 Am mammec izzar Icaɛya inna:

“Maɛlik SIDI n řɛeskarat n ujenna war d aneɣ ijji inni iqqimen ddaren,

iři nedweř amecnaw Sadum u narwes di Ɛamurra.” ^■  

30 Min i ɣa nini xenni? Ma xenni řegnus inni war yarezzun tasegda, aqa ksin tasegda? Iwa, maca tasegda tenni s l’iman. 31 Maca Israil nni iḍeffaren Ccariɛa n tsegda, war yiwiḍ ca ɣar Ccariɛa n tsegda. ^■   32 Mayemmi? Minzi tasegda nni war teǧi ca zi l’iman maca zi řexdayem n Ccariɛa, minzi nitni nderfen deg Weẓru n unedref, 33 am mammec tura:

“Aqa ad ggeɣ di Ṣihyun Aẓru i unedref d Weẓru i uneqřad.

Marra wi zzayes i ɣa yamnen, war ggur ad isseḍḥa.” ^■