1 “Awarni uya ad imsar, aqa Necc ad zeǧɛeɣ Arruḥ inu x marra bnadem u iḥenjiren nwem d yessitwem ad nebban, iwessura nwem ad urjan tirja u iḥudriyyen nwem ad ẓaren timeẓriwin. ^■   2 Deg wussan nni Necc ad farrɣeɣ Arruḥ inu uřa x isemɣan u x tiyya. 3 Necc ad ggeɣ lmuɛjizat deg ijenwan u x temmurt: idammen d tmessi d iqellijen n ddexxan. 4 Tafuct ad tedweř d taǧest, u taziri ad tedweř d idammen qbeř ma i dd ɣa yas wass ameqqran d issiggʷiden n SIDI. ^■   5 Ad imsar aqa kuř ijj wenni i ɣa iřaɣan Isem n SIDI ad innjem, maɣar x wedrar n Ṣihyun u di Urcalim ad din yiři min innejmen, am mammec inna SIDI, inni iqqimen i xef ɣa iřaɣa SIDI.” ^■