1 Awař n SIDI nni dd-yusin ɣar unabi Irmiya, awař i iwejjhen ḍidd i Ifilisṭiniyyen qbeř ma iwta Firɛun Ɣazza.

2 “Ammu i iqqar SIDI: ‘Xzar, aman geɛɛden zi ccamal, ad dewřen d ict n teɣzart tessfay. Ad ḥemřen x temmurt u x marra min dayes iǧan, tandint d imezdaɣ nnes. Ad sɣuyyen iwdan u marra imezdaɣ n temmurt ad ceḍnen aṭṭas 3 zi ssibbet n wezbar n tecti n tceḍyin n yeysan ijehden, zi ssibbet n ddriz n ikarruten n umenɣi d uqarqeb n tjarrarin. Ɛad ibabaten war ḥekkaren ca i iḥenjiren maɣar ifassen nsen dewřen arehfen ^■   4 zi ssibbet n wass i dd ɣa yasen ḥima ad ttwateḥḥan marra ayt n Ifilisṭiniyyen, ḥima ad ittwakkes kuř bu-twiza i iqqimen zi Ṣur d Ṣidun, maɣar SIDI ad iteḥḥa Ifilisṭiniyyen, min iqqimen n tegzirt n Kaftur. ^■   5 Tusa-dd tqeccart x Ɣazza, tesseɣd temmurt n Acqalun jmiɛ ak-d min iqqimen n řewḍa n teɣzurt nsen. Ař meřmi i ɣa teqqimed ɛad txebbced ixef nnem? ^■   6 Uct, a cek ssif n SIDI, ɣares ař meřmi i ɣa teqqimed ɛad nbřa arraḥet? Dweř-dd ɣar furru n weɣřaf nnek, uca qqim war tenhezza! 7 Mammec i ɣa teqqimed tarsid? Aqa SIDI yumur ssif ḍidd i Acqalun u ḍidd i tma n řebḥar, i manayenni i ittwagg.’ ”