1 “Ittwaxbec ddenb n Yahuda s pluma n wuzzař, s txeft n dyamanti di teřwiḥt n wuř nsen u deg waccawen n iɛalṭaren nnek, ^■   2 am mammec ttidaren tarwa nsen iɛalṭaren nsen d trebbin nsen n cwarti ɣar tcejjura tizizawin x tewririn yuɛřan. ^■   3 Adrar inu deg iyyar d wagřa nnek d marra řeknuz nnek ad ten wceɣ d takeccaḍt, uřa d řegɛudi nnek mani tᵉttwehhbed ddbayeḥ, zi ssibbet n ddnub di marra tammurt nnek. ^■   4 Xenni ad tarxud zi tesɣart nnek nni d ac wciɣ u man aya zi ssibbet n ddnub n yixef nnek. Necc ad cek ggeɣ d ismeɣ n řɛedyan nnek deg ict n temmurt i war tessined ca, minzi kenniw tessarɣem timessi s weɣḍab inu, tenni i ɣa iqqimen tcemmeḍ i řebda.” ^■  

5 “Ammu i iqqar SIDI: ‘Ad ittwanɛeř weryaz nni ittcařen x bnadem uca igga ddat d uɣiř nnes i xef ittɛemmed, u wenni uř nnes iḥeyyed x SIDI. ^□   6 S minzi ad yiři d řɛerɛar di řexřa, wenni war ittacan x minni dd ɣa yas min icnan, d wenni i ɣa iqqimen deg imucan ittwacemḍen s řeḥmu di řexřa, di tmeǧaḥt d temmurt war izdiɣen. 7 Ad ittwabarek weryaz nni ittcařen x SIDI d wenni iggin SIDI d řaman nnes. ^■   8 Ad yiři am tcejjart i ittwaẓẓun ɣar tiɣezratin n waman, tenni iwtin iẓewran nnes ɣar teɣzart. War tessin ca meřmi dd ɣa yas řehmu u tifray nnes ad qqiment d tiziyzawin. Deg ijj n useggʷas n řaẓaɣ war tᵉttisřiw ca uca war tᵉttbeddi ad teksi řɣiǧet nnes.” ^□  ■  

9 “Uř d aɣeddar sennej x kuřci, war izemmar ad iggenfa, wi izemmaren ad t issen?

10 Necc, SIDI, arezzuɣ deg wuř u ttjarrabeɣ tiẓẓař, ḥima ad xeǧṣeɣ kuř ijj ɛlaḥsab tibridin nnes, ɛlaḥsab řɣiǧet n tmegga nnes. ^□  ■  

11 Am ict n tsekkurt i issguṭṭyen x tmeǧařin nni war dd-turuw, ammu i iǧa wenni iggin agřa, maca war iǧi s řḥeqq. Di řwest n wussan nnes ittxeṣṣa ad daysen ismeḥ u ɣar uneggaru nnes ad idweř d abuhaři.”

12 “Ijj n řɛarc igdaren s uɛuǧi i yuɛřan aṭṭas zeg umezwaru, ammu i yeǧa amcan n Zzawect nneɣ Iqeddsen.

13 Cek d Řayas n Israil, a SIDI, marra inni xak iḥeyyden, ad nfeḍḥen. Inni xafi iḥeyyden, ad twarin ismawen nsen deg ucař, maɣar nitni semḥen di SIDI, řɛunṣar n waman iddaren. ^■  

14 Sgenfa ayi, SIDI, ammu i ɣa ttwasgenfiɣ, senjem ayi, ammu i ɣa ttwasnejmeɣ, maɣar Cek d izři n uṣebbeḥ inu.

15 Xzar, nitni qqaren ayi: ‘Mani iǧa wawař n SIDI? Ejj i-t ad dd-ixecc!’ ^■  

16 Necc ɛemmarṣ war ḥṣareɣ ixef inu maḥend ad iřiɣ d ameksa awarni ac, war meẓriɣ ɣar wass n arẓiyyet. Cek tessned t. Min i d ayi dd-yusin x iyencicen inu, iffeɣ-dd zzat i tiṭṭawin nnek.

17 War d ayi snexřiɛ ca, Cek d adurri inu deg wass n řɣar. ^■  

18 Ejj inni d ayi iḍaffaren ad nfeḍḥen, maca war d ayi ijji ad nfeḍḥeɣ, ejj i-ten ad nxeřɛen, maca war d ayi ijji ad nxeřɛeɣ. Siweḍ-dd xasen ass n řɣar uca arẓi ten s ict n tareẓẓit s weḍfas.” ^■  

19 “Ammu i ɣari dd-issiweř SIDI: ‘Uyur uca bedd di tewwart n iḥenjiren n řgens, tawwurt i zi dd-ttadfen ijeǧiden n Yahuda u i zi dd-tteffɣen nitni u egg ammu di marra tiwwura n tendint Urcalim 20 uca ini asen: ‘Sřem i wawař n SIDI, kenniw ijeǧiden n Yahuda d marra Yahuda d marra imezdaɣ n Urcalim inni dd-ittadfen zi tewwura aya. 21 Ammu i iqqar SIDI: Ḥḍam x ixef nwem ad tarbum řeḥmeř deg wass n ssebt u ad t tessidfem zi tewwura n Urcalim! ^■   22 Deg wass n ssebt war tessuffuɣem ca kenniw uřa d ijj n řeḥmeř zi tudrin nwem u war tᵉtteggem uřa d ict n řxedmet. Kenniw ad tessqeddsem ass n ssebt am mammec weṣṣiɣ babatwem.’ ” ^■  

23 “Maca nitni war sřin ca u war d ayi wcin amezzuɣ nsen, nitni maca ɣennan ayi, war sřin u war ksin aweddeb.” ^■  

24 “Mařa tesřim-dd ɣari mliḥ, ammu i iqqar SIDI, ad yiři řami war tessidfem řeḥmeř zi tewwura n tendint-a u řami i ɣa tessqeddsem ass n ssebt u war dayes tᵉtteggem uřa d ict n řxedmet, 25 aqa xenni ad dd-adfen ijeǧiden d řḥukkam zi tewwura n tendint-a, inni iqqimen x řɛarc n Dawud, inni ineddhen ikarruten d iysan, nitni d řḥukkam nsen, iryazen n Yahuda d imezdaɣ n Urcalim, u tandint-a ad dayes qqimen zeddɣen imezdaɣ nnes i řebda. ^■   26 Nitni ad dd-asen zi tneddam n Yahuda u zi jjwayeh i dd-innḍen i Urcalim, u zi temmurt n Binyamin, u zi Temmurt Iwaṭan, zi Temmurt n Idurar u zi Ljanub, nitni ad awyen taɣarṣt n wecmeḍ d ṣṣedqet n tɣarṣt d tewhibt n řɣiǧet d jjawi uca ad awyen tawhibt n uqadi di Taddart n SIDI.

27 Maca mařa kenniw war ɣari dd-tᵉttesřim ḥima ad tessqeddsem ass n ssebt u ḥima ad tadfem zi tewwura n Urcalim s ijj n řeḥmeř deg wass n ssebt, xenni Necc ad ssarɣeɣ ict n tmessi di tewwura nnes nni i ɣa iccen řeqṣur n Urcalim u war ggur ɛemmarṣ ad texsi.”