1 Awař nni dd-iffɣen zi SIDI ɣar Irmiya, inna: 2 “Sřem i wawařen n Řɛahd-a uca siweř ak-d yeryazen n Yahuda u ak-d imezdaɣ n Urcalim 3 uca ini asen: ‘Ammu i iqqar SIDI, AREBBI n Israil: Ittwanɛeř weryaz nni war isřin i wawařen n Řɛahd-a, ^■   4 wenni weṣṣiɣ i ibabaten nwem deg wass umi ten ssuffɣeɣ zi temmurt n Miṣra, zeg ufarran n wuzzař, řami nniɣ: Sřem i tmijja inu uca ggem am mammec i kenniw weṣṣiɣ marra, xenni ad ayi tiřim d řgens inu uca Necc ad awem iřiɣ d AREBBI nwem, ^■   5 ḥima ad menɛeɣ di tjaǧit nni jjuǧeɣ di ṭṭweɛ n ibabaten nwem, maḥend ad asen wceɣ ict n temmurt ifeyyḍen s uɣi d tamment, am teǧa ass-a.’ ” Xenni necc arriɣ-dd, nniɣ: “Amin, SIDI!” ^■  

6 Inna ayi SIDI: “Barreḥ s marra awařen-a di tneddam n Yahuda u deg ibriden n Urcalim, ini: ‘Sřem i wawařen n Řɛahd-a u ggem zzaysen, 7 maɣar Necc ɛeřmeɣ s jjehd i ibabaten nwem deg wass umi ten ssuffɣeɣ zi temmurt n Miṣra, zeg umezwaru ař ass-a, wah cehdeɣ nniɣ: Sřem ɣar tmijja inu’ ^■   8 Nitni maca war sřin u war d ayi wcin amezzuɣ nsen, maca nitni ḍfaren marra idsen řeqsaḥet n wuř nsen aɛeffan. S uyenni ssiwḍeɣ xasen marra awařen n Řɛahd-a, inni x ten weṣṣiɣ maḥend ad zzaysen ggen, maca war zzaysen ggin.’ ” ^■  

9 Inna ayi SIDI: “Aqa tᵉttwaɛarra ict n tmeɛmuč jar iryazen n Yahuda u jar imezdaɣ n Urcalim.

10 Nitni dewřen-dd ɣar řmuɛṣiyyet n ibabaten nsen nni yugin ad sřen ɣar wawařen inu. Nitni ruḥen ḍeffaran irebbiten nneɣni maḥend ad asen sexxaren. Taddart n Israil d taddart n Yahuda arẓin Řɛahd inu nni ggiɣ ak-d ibabaten nsen.”

11 “S uyenni, ammu i iqqar SIDI: ‘Xzar, Necc ad xasen nḍareɣ ijj n řɣar i zi war zemmaren ad nejmen. Mařa řaɣan ayi-dd xenni, Necc war dd ɣarsen ttesřiɣ ca. ^■  

12 Xenni ad ffɣen tineddam n Yahuda d imezdaɣ n Urcalim uca ad řaɣan ɣar irebbiten i yenni umi qeddmen tiwhibin n řebxur, maca yina war zemmaren ad asen wcen afus di řweqt umi ten iřqef řɣar.

13 Maɣar irebbiten nnek deg waṭṭas anect n tneddam nnek, a Yahuda, u iɛaltaren i tessbeddem i nnɛi n ṣṣanam nni deg waṭṭas anect n ibriden n Urcalim, iɛaltaren maḥend ad xasen wehhben tiwhibin n řebxur i Baɛl.’ ” ^■  

14 “Cek maca war tᵉttar i řgens-a, war ttekkared ad asen trud niɣ ad asen tedɛid, maɣar Necc war ttesřiɣ di řweqt nni xafi dd ɣa řaɣan zi ssibbet n řɣar i ten iřeqfen.” ^■  

15 “Min xef tarezzu temɛizt inu di Taddart inu? Nnifaq d wa, aqa aṭṭas ttaggʷejen xak ak-d weysum iqeddsen. S marra tuɛeffna i teggid, ma tzemmared ɛad ad tnegzed s řefraḥet?

16 ‘Tazitunt tazeyzawt, a cem, řemřaḥet, s řɣiǧet icnan di řewṣifet!’, ammu i tuɣa igga SIDI isem nnem, maca řexxu iqqed as timessi am ittwaseř řḥess n ijj n zzhir d ameqqran, uca ttwarẓen řefruɛ nnes.

17 SIDI n řɛeskarat, d wenni cem iẓẓun, igga xam ijj n řɣar zi ssibbet n řɣar i tegga taddart n Israil uřa d taddart n Yahuda i yixef nsen umi d ayi sɛaren s tewhibin n řebxur i Baɛl.” ^■  

18 “SIDI ijja ayi ad ssneɣ uca ammu i ssneɣ, xenni tessecned ayi timegga nsen.

19 Necc simant inu tuɣa ayi am ijj n yezmar n taddart, ittwanedhen i tɣarst, maɣar tuɣa war ssineɣ aqa nitni nedyen ayi s min iǧan d aɛeffan umi qqaren: ‘Ejj aneɣ ad nḍeyyeɛ tacejjart ak-d řɣiǧet nnes u ad tt nteḥḥa zi temmurt n yinni iddaren maḥend isem nnes war t ttidaren ɛad.’ ” ^□  

20 “SIDI n řɛeskarat, a Cek Řqaḍi iseggden nni ittjarraben tiẓẓař d wuř, scen ayi nneqmet nnek, maɣar necc sellmeɣ ddeɛwet inu deg ifassen nnek.” ^□  ■  

21 “S uyenni, ammu i iqqar SIDI x yeryazen n Ɛanatut, inni yarezzun řeɛmar nnek, qqaren: ‘War ttnab s Yisem n SIDI ařami war tmettid s ufus nneɣ.’ 22 S uyenni, ammu i iqqar SIDI n řɛeskarat: ‘Xzar, Necc ad ten xeǧṣeɣ: iḥudriyyen ad mmten s ssif, iḥenjiren d yessitsen ad mmten s řaẓ. 23 War ittɣimi min iqqimen zzaysen, maɣar Necc ad ɣarsen dd-ssiwḍeɣ ict n tecti d taɛeffant x yeryazen n Ɛanatut, deg useggʷas nni di ten i ɣa xeǧṣeɣ.’ ”