1 “Ax, mři ɣari tazeddiɣt di řexřa i imsebriden, xenni iři semḥeɣ di řgens inu, uyureɣ, maɣar nitni marra d izennayen, amuni n iɣeddaren.” ^■  

2 “Nitni ssqeḍɛen iřes nsen, řqews iccur s ixarriqen, nitni dewřen d ayt n bu-teɣruḍt di temmurt, maca war daysen bu řmanet. Nitni uyuren zi tɛeffant ɣar učmas, Necc maca war d ayi ssinen ca, ammu i iqqar SIDI.” ^■   3 “Ejj kuř ijj ad iḥḍa ixef nnes zeg umeddukkeř nnes, war ttciřem uřa x tawmat, maɣar kuř tawmat tᵉttegg mɣir acmat uca kuř ameddukkeř ittenneḍ am ittceqqaf s řhard nnes. ^■  

4 Kuř ijj ittɣarra ameddukkeř nnes, war qqaren ca tidett. Nitni sseřmaden i yiřes nsen ad issxarreq, nitni ssaḥařen ixef nsen s min war iseggden. 5 Tazeddiɣt nnek tbedd di řwest n wecmat.”

“S wecmat nsen ɛewwřen ad ayi ssnen, ammu i iqqar SIDI.”

6 “S uyenni, ammu i iqqar SIDI n řɛeskarat: ‘Xzar, Necc ad ten ssfesyeɣ u ad ten jarrbeɣ, maɣar mammec i ɣa ggeɣ ad kkareɣ xenni ak-d yeǧis n řgens inu?

7 Iřes nsen amecnaw fřitca n řqews ineqqen, aqa issawař s wecmat. S uqemmum nnes kuř ijj issawař x řehna ak-d umeddukkeř nnes, maca deg wuř nnes issewjad taxceft.^■   8 Ma war zzaysen xeǧfeɣ zi man aya, ammu i iqqar SIDI. Ma war ixeǧef řeɛmar inu zi řgens am wa?” ^■  

9 “Necc ad ruɣ, ad ssgeɛɛdeɣ tɣuyyit n uweḥweḥ x idurar d yezři n wecḍan x ddmani n tarewsa, maɣar ttwacemḍen ařami uřa d ijj war ssenni dd-ittekk u war ttesřin řḥess n tḥimriwin ɛad. Zeg ijḍaḍ n ujenna ɣares ař řmař marra arewřen, kkaren uyuren.”

10 “Ad arreɣ Urcalim d izellijen n weẓru, d amcan n udurri i wuccanen n řexřa, uca tineddam n Yahuda ad tent ggeɣ d řxirbet nni di war izeddeɣ uřa d ijj.” ^■  

11 “Wi iǧan d aryaz amiɣis, aqa ad iḥaka deg uya, u wi ɣar issiweř uqemmum n SIDI, ejj i-t ad zzayes ibarreḥ! Mayemmi tᵉttwaxarreb tammurt, tᵉttwasecmeḍ am řexřa ařami uřa d ijj war t ittcuqi?”

12 “SIDI inna: ‘Řami arxun nitni zi Ccariɛa inu tenni d asen wciɣ zzat i uɣembub nsen, u war sřin ɣar tmijja inu u war tt ḍfaren,

13 maca ḍfaren řeqsaḥet n wuř n yixef nsen uřa d Ibaɛlen amecnaw min d asen sseřmaden ibabaten nsen.’

14 S uyenni, ammu i iqqar SIDI n řɛeskarat, AREBBI n Israil: ‘Xzar, Necc ad wceɣ cciḥ i řgens-a ḥima ad t ccen uřa d aman n arrhaj ḥima ad ten swen. ^■  

15 Necc ad ten zuzzareɣ jar řegnus nni war ssinen, war iǧi nitni uřa d ibabaten nsen, u Necc ad xasen ssekkeɣ ssif ɣares ař ten qḍiɣ.’ ” ^■  

16 “Ammu i iqqar SIDI n řɛeskarat: ‘Ḥḍam, řaɣam-dd i temɣarin i wecḍan maḥend ad dd-asent, uca jjem uřa d timɣarin timiɣisin ad dd-asent!’ ”

17 “Necc nniɣ, wah, jjem tent ad deɣyant u ad ssgeɛɛdent tɣuyyit n wecḍan xaneɣ ař dd-azzřent tiṭṭawin nneɣ s imeṭṭawen u waman ad dd-hwan x wabřiwen.

18 Maɣar tɣuyyit n wecḍan sřin as-dd zi Ṣihyun: ‘Ax, mammec nettwareddeǧ, neccin nesseḍḥa aṭṭas maɣar tuɣa xaneɣ ad nekkar ad nesmeḥ di temmurt nneɣ, maɣar tizeddiɣin nneɣ hedmen tent.’

19 Sřent xenni i wawař n SIDI, a timɣarin, ejj amezzuɣ nkent ad iksi awař zeg uqemmum nnes. Sřemdent yessitkent ad ceḍnent uca kuř tamɣart i tmeddukkečt nnes mammec i ɣa inint izřan n wecḍan.

20 Minzi řmewt tgeɛɛed-dd zi řekwazi nneɣ, yudef-dd ɣar řeqṣur nneɣ maḥend ad iqḍeɛ iḥenjiren imeẓyanen zeg ibriden, d iḥudriyyen zeg wazzayen.”

21 “Siweř, ammu i iqqar SIDI:

‘Řxecbet n bnadem ad tewḍa am řeɣbar x yeyyar,

u amecnaw taqebbiḍt n imendi awarni i ucewwar

nni war t i ɣa ijarwen uřa d ijj.” ^■  

22 “Ammu i iqqar SIDI: ‘Iři amiɣis war ittfeyyic s tiɣit n yixef nnes uřa d bu-jjehd war ittfeyyic s jjhed nnes, bu-wagřa war ittfeyyic s wagřa nnes. ^■   23 Maca wenni ittfeyyacen, ejj i-t ad issemɣar belli netta ɣares řefhamet u issen ayi, belli Necc d SIDI nni itteggen s tmexsiwt icewwaren d řḥeqq d tsegda di temmurt, maɣar timesřayin-a tteɛjibent ayi, ammu i iqqar SIDI.’ ” 24 “Xzar, ad dd-asen wussan, ammu i iqqar SIDI, aqa Necc ad xeřfeɣ zi marra inni ixetnen, maca waxxa amenni ɣarsen ɛad řeɛdařyet, 25 zi Miṣra d Yahuda d Idum d ayt n Ɛammun d Mu’ab d marra inni ittḥeffan acewwaf ɣar ṭṭrufa n tmart d tenyart, inni izeddɣen di řexřa, maɣar marra řegnus war ittwaxetnen, maca marra taddart n Israil aqa war ittwaxten, ɣarsen řeɛdařyet x wuř.” ^■