1 Izři n ugeɛɛed.

Umi isseɛqeb SIDI inni dd-idewřen ɣar Ṣihyun,

tuɣa-neɣ axmi yenni itturjan.

2 Tuɣa aqemmun nneɣ iccur s tḍeḥḥact

d iřes nneɣ iccur s usřiwřew.

Jar řegnus nnan:

‘SIDI igga daysen timesřayin timeqqranin!’ ^■  

3 SIDI igga dayneɣ timesřayin timeqqranin,

aqa neccin nfarḥ zzayes.

4 A SIDI, qeǧeb tameḥbast nneɣ,

am mammec ttqeǧbent tiɣezratin Tammurt n Ljanub.

5 Inni izarrɛen s imeṭṭawen,

ad mjaren s usřiwřew.

6 Wenni yarebbun zzariɛet ḥima ad tt izarɛ,

ittru xmi dd-iggur,

maca xmi dd ɣa yas, ad dd-yas s usřiwřew,

ad yarbu icewwafen n imendi nnes.