1 Izři n ugeɛɛed.

Inni ittecřen x SIDI, aqa aten am wedrar n Ṣihyun,

wenni war ittenhezzin, maca ittɣima i řebda.

2 Amecnaw idurar quwwaren i Urcalim,

ammu iquwwar SIDI i řgens nnes,

zi řexxu ař řebda.

3 Maɣar taɣɣarct n řɣar war tᵉttɣima tᵉttareyyeḥ x temmurt n imseggaden,

ḥima imseggaden war sswiẓẓiḍen ifassen nsen ɣar řɣar.

4 Iři ad yegg SIDI tacuni deg iṣebḥanen,

deg inni iseggden s wuř, ^□  

5 maca inni i ɣa iḥeyyden zeg webrid ɣar ibriden ifarɣen,

ad ten issiggʷej SIDI jmiɛ ak-d yenni itteggen řɣecc.

Ad din yiři řehna x Israil.