1 Izři n ugeɛɛed. N Dawud.

Mři SIDI war kidneɣ ibedd ... !

Ini t xenni ammu, a Israil,

2 mři SIDI war kidneɣ ibedd,

umi akidneɣ dd-kkaren iwdan,

3 iři sarḍen aneɣ am neddar,

umi yarɣa uxeyyeq nsen xaneɣ.

4 Iři aman feyyḍen-dd xaneɣ,

iři ict n řḥemřet tekka x řeɛmar nneɣ,

5 iři aman iḥajen kkin x řeɛmar nneɣ.

6 Ad ittwabarek SIDI,

wenni war dd aneɣ ittejjin d takeccaḍt i teɣmas nsen.

7 Řeɛmar nneɣ yarweř am wejḍiḍ zi řfex n unegmar.

Řfex yareẓ u neccin nenfekk. ^■  

8 Twiza nneɣ tbedd deg Yisem n SIDI,

wenni iggin ijenwan d temmurt. ^■