1 Izři n ugeɛɛed. Zi Suliman.

Mři war ibenni SIDI taddart,

ggur ibennayen ad ssiḥřen ixef nsen baṭeř.

Mři war iḥeṭṭi SIDI x tendint, ggur uɛessas ad iɛess baṭeř.

2 Baṭeř aqa kenniw ad tekkarem zic,

ad tᵉṭṭṣem tɛeḍřem, ad teccem aɣrum n řemḥayen,

maɣar Netta ittic i-t i imɛizzen nnes deg yiḍeṣ.

3 Xzar, arrawen d tasɣart i immewcen zi SIDI,

řɣiǧet n uɛeddis aqa-tt d řmunet.

4 Am mammec jehdent fřitcat n řqews deg ufus n weryaz,

ammu i ǧan arrawen zeg iseggʷusa n temẓi.

5 Sseɛd n weryaz ijehden

nni i zzaysen iccuren aqrab n fřitcat n řqews nnes.

Nitni war ttseḍḥin ca

umi ssawařen ak-d řɛedyan ɣar tewwart n tendint.