1 Izři n ugeɛɛed.

Necc ssgeɛɛdeɣ tiṭṭawin inu ɣar idurar,

manis dd ɣa tas twiza inu?

2 Twiza inu zi SIDI,

wenni iggin ajenna d temmurt.

3 Netta war ittejji aḍar nnek ad ifarɣ,

wenni cek iḥeṭṭan war ittnudum.

4 Xzar, wenni iḥeṭṭan Israil war ittnudum u war itteṭṭeṣ.

5 SIDI d ameḥḍay nnek,

SIDI d tiři nnek ɣar ufus afusi nnek.

6 Deg wass tafuct war cek teccit ca,

uřa d taziri s ǧiřet.

7 SIDI ad cek iḥḍa zi marra řɣar,

Netta ad iḥḍa řeɛmar nnek. ^□  

8 SIDI ad iḥḍa uffuɣ nnek d wadaf nnek,

zi řexxu ař i řebda.