120
1 Izři n ugeɛɛed. Necc řaɣiɣ ɣar SIDI di řeḥṣaret inu u Netta isřa ayi.
2 A SIDI, fekk řeɛmar inu zeg iyencicen issxarriqen,
zeg iřes icemmten. ■
3 Min d ac i ɣa yewc,
min d ac i ɣa yarni iřes nni icemmten?
4 Fřitcat n řqews qeḍɛent zeg ufus n ijj n umjahed,
ak-d řefḥem n tcejjart n tagga. ■
5 Uct inu, aqa necc d abarrani di Macik,
aqa zeddɣeɣ ɣar iqiḍan n Qadir!
6 Aṭṭas i izdeɣ řeɛmar inu ɣar yenni icarrhen řehna.
7 Necc d aheddan,
maca xmi i ɣa ssiwřeɣ, xenni arezzun amenɣi.